MAZMUR 106:5 - Susula Malalaok Hehelu Palak Ma Hehelu Beuk

⁵ Ela leo bee-na, au ita O hataholi hehelem-mala tetu-teman, ma amahoko sama-sama o, O anam-mala. Ela leo bee-na, au daleng-nga namatua, ma amahoko-setelee, sama-sama o, hataholi fo ala da'di O nuum so.

MAZMUR 106:5 ပူးပေါင်းရင်းမြစ်များ

2 SEMUEL 20:19

Ami nusam Abel ia matuaina, kota esa nee-nee lino-linok, ma manalilinekak nai dae Israel ia. Tao le'e de, Tuan sanga enok fo tao makalulutuk-kana? Tuan nahiik tao nakalulutuk Manetualain daen-na do?”

MAZMUR 1:3

Hataholi ndia, ana hapu buna-boak nai basa ue-le'din lala'en-na dalek; hataholi ndia, sama leo ai-a ana moli nai lee su'un-na, fo naboa la'e fain-na, ma doon-na, ta male nita fa.

MAZMUR 105:43

Boema, Ana hela-nole anan-nala, no namahoko-seteleek, ma hataholi hehelen-nala no eeki-natadalek.

MAZMUR 118:15

Eeki sesengik-ka, nananamanenek nai anan-nala lalaa teman-nala nae, “Manetualain tao tatao-nono'i matuaina-la!

MAZMUR 14:7

Ela leo been-na, Israel so'da-molen, ana mai neme Sion mai! Boema, Yakob tititi-nonosin, neukose namaoko metema Manetualain natetea-nahehele anan-nala so'dan-nala.

MAZMUR 48:11

O na'dem-ma nananita-nalelak, ma nanakoa-nanakiok nai basa daebafak-ka lala'ena, O paleta no ndoos ma matetuk.

YESAYA 12:6

Hai, laun Sion-nala lemin! Eeki-matadale leona, makamee no namahokok. Israel Manetualain malalao-malalafun-na, tete'ek-ka mandela-masa'ak, Ana leo nai emi tala'daheom.”

YESAYA 35:10

Hataholi fo, Manetualain soi-po'ik-kala, neukose ala fali; ala masok kota Yerusalem-ma, nenik eeki-natadalek, mata-panan-nala lapena, nanahu namahoko-setelee manaketu-basa taak-ka. Neukose lamahoko-setelee, ma hika-latadale; toto'a-tataak ma hoo-nggu'uk, mopok-kana so.

YESAYA 45:25

Tehu, Yakob tititi-nonosin, neukose nanasoi-tefak, ma neukose ala koa-kio Au, fo Manetualain.

YESAYA 66:10

Mamahoko-setelee sama-sama mo Yerusalem leona, hai basa hataholi fo, manasue-lain-nana. Emi fo manasusak-kala, nanahu ndia, besak ia, bole mamahoko-setelee.

YOEL 2:23

Hai laun Sion-nala lemin, mamahoko-setelee leona! Mamahoko ma eeki-matadale! nanahu basa malole lala'en-na ala mai leme Manetualain, fo emi Manetualaim mai. Ana fe emi u'dan, nai fai hanas mate'ek-ka. Ana fe u'dan-na mai, nai fai makasufun-na, boeo nai fai sele-ngalik-ka, sama leo fai makahulun-na.

ZEFANYA 3:14

Hai Israel, eeki-matadale, ma makamee leona! Hai Yerusalem, mamahoko no dalek-katematuak leona!

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

YOHANIS 15:16

Emi ta nde hele Au fa. Te Au nde hele emi, boema Au adenu emi meu, fo maboa ba'u ka, boak fo ta hapu mopo-mate fan. Boema neukose Ama ka fe emi, su'di hata fo emi moken minik Au na'de nga.

YOHANIS 16:22

Emi boeo leondiak: Besak ia emi dale ma he'di sa, tehu metema Au atongo seluk o emi soona, emi mamahoko-setelee, fo ta hapu hataholi esa boen, hapu ho'i na namahoko-seteleek ndia neme emi dalem dale mai so'on.

HATAHOLI 9:15

Tehu Lamatua ka nafa'da Ananias nae, “Ka'da mu leona! Nana Au hele basa hataholi ndia soaneu nalalau-naoono Au, ma ana tui-benga Au neu leoina fe'ek fo ala beita masok agama Yahudi a fa, ma neu mane-mane kala, boema neu Au hataholi kamaheheleng Israel ngala boe.

EFESUS 1:18

Au dokodoe neu Manetualain, fo ela Ana soi emi dudu'a-aafi mala, fo ana mangale'do; fo ela emi malelak hata fo emi mamahenan neme Manetualain fo mana maloo emi a. Fo ela emi boeo bubuluk, baba'e-papala mana'a hiik ma mana sasikao-kao ka, fo Manetualain sadia basan ba'eneu hataholi kamahehele nala so;

EFESUS 1:4

Lelek fo daebafak ia beita nananakada'dik fa te, Manetualain hele basa ita tunga Kristus no dudu'ak, fo ela ita da'di Ndia nuu hehelin, ma sala-singok tak nai mata na. Hu ka nde, Manetualain susue-lalain

ULANGAN 32:9

Tehu Yakob tititi-nonosin ia-la Manetualain heles da'di Ndia nuu Mesan.

ULANGAN 7:6

Emi muse tao basa sila-la, nanahu emi Manetualaim-ma, nuun emi. Ma neme basa leoina manai daebafak-ka lala'en-na, emi Manetualaim-ma, Ana helek-ka nde emi, soaneu emi da'di Ndia anan, fo malalao-malalafuk.

FILIPI 3:3

Te see ko na, ita nde sipo sunat matetu ka, te sila soona, ta. Ita sene-do'ok neu Manetualain, hu ka nde Dula Dale na hehela-nonolen, ma ita toke makasi nanahu ita taso'da da'di esa to Kristus Yesus. Ita ta tamahena neu ito-atok tunga ha'da-tatao ao paa ka fa.

2 TESALONIKA 2:13

Tolano-tolanook fo Lamatua ka sue-lai ka lemin! Ami muse moke makasi makandoo neu Manetualain soaneu emi, nana neme makasososa na mai, Manetualain hele basa emi, fo Ana soi-tefa na emi. Dede'ak ndia ana da'di neme hata fo, Manetualain Dula Dale na tao-no'in neu emi, fo Ana tao emi da'di Manetualain hataholi kamahehelen fo malalaok, ma hu ka nde emi mamahele hala ndoos, fo maneme Manetualai na mai.

YAKOBIS 2:5

Mafandendelek tolano-tolanoo susue-lalai ngala lemein! Manetualain hele basa hataholi nuu taa-hata tak manai daebafak ia la, ala da'di hataholi kamasu'ik nai namahehele ka dalek. Neukose hataholi sila la, nde da'di Manetualain hataholi kamahehelen, sama leo Manetualain helu basan neu hataholi mana sue-lai nana.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

NINITAK 17:14

Neukose latati lo Bi'ilopo Ana ndia. Tehu Bi'ilopo Ana ma ana manatunga manalilinekan fo nanatao nananalo basak ma nanahelek sila la, neukose ala sengi manek sila la. Nana Ndia nde Lamatuak neu basa tuan lala'ena, ma Manek neu basa manek lala'ena.”