MAZMUR 106:36 - Susula Malalaok Hehelu Palak Ma Hehelu Beuk

³⁶ Boema, ala sene-do'ok neu sosongo-tatanok-kala, de dede'ak ndia nde da'di hihi'ik ba'eneus.

MAZMUR 106:36 ပူးပေါင်းရင်းမြစ်များ

2RAJA-RAJA 17:7

Samaria tu'da, nanahu hataholi Israel-la, lasala-lasingo neu sila Manetualain, fo manasoi-tefa-nalas leme mane Masir-ra mai, de nos kalua leme nusak ndia mai. Ala sene-do'ok neu lamatua daebafak fe'ek-kala,

MAZMUR 78:58

Ala tao lakahehe'dik Manetualain dalen-na, nenik mamana sosongo-tatangok, ma ala tao-la dalen-na susa nenik sila dodoki-dudulan.

KELUARAN 23:33

Boso po'ilotak hataholi sila-la leo nai emi nusam dale, fo ela emi boso sene-do'ok neu sila-lamatua daebafan-nala, fo emi masala-masingo neu Au. Metema, emi sene-do'ok neu sila lamatua daebafan-nala soona, emi tu'da leo mamates-sa hihi'in dale meu.”

ULANGAN 29:25

Soona, natataan-na nae, ‘Hu kande, ala ta nau sipok, sila bei-ba'i kain-nala Manetualain, hehelu-balataan fa; hehelu-balataak fo, Ana taon ba'eneu sila, nai lelek nos kalua leme Masir mai.

ULANGAN 7:16

Basa leoina fo, emi Manetualaim-ma fes leo emi koasam dale neu-a, emi muse tao mamate-mamopos; boso matu'du susue-lalaik neu leoina sila. Boso sene-do'ok neu sila lamatua daebafak-kala, nanahu tatao-nono'ik ndia, neni fe emi soe.

YOSUA 23:13

mafandendelek te, tao leo bee-o, emi Manetualaim-ma, neukose ta usi heni leoina sila soaneu emi so'on. Nasafalin-na, neukose leni bibii-namata'uk nanseli soaneu emi, nana neukose sila da'di sama leo hihi'ik, do sama leo meo o, soaneu emi. Sila boeo, neukose tao-la emi doi-doso manseli; nana neukose ala da'di sama leo ue-a nai emi muliha'im-ma, do sama leo nggauk-ka nai emi matam dale. Neukose, emi doi-doso makandoo, losa ta ela emi hataholim esa boen, nai emi Manetualaim-ma, fe emi nusak malole ia dalek fa.

HAKIM-HAKIM 10:6

Hataholi Israel-la, lasala-lasingo seluk neu Manetualain. Ala ta taoafik neu Manetualain fa, ma ala ta sene-do'ok-kana so'on. Ala sene-do'ok neu lamatua daebafak Baal ma Asytoret, boema leoina Siria, Sidon, Moab, Amon ma Filistin lamatua daebafan-nala.

HAKIM-HAKIM 2:17

Tehu, ala ta lafaduli mauli-malangan sila-la fa. Ala sene-do'ok neu lamatua fe'ek-kala, ma ala ta liineka neu Manetualain fa. Ala ta tunga bei-ba'i kain-nala ha'da-tataon, fo manatunga Manetualain paletan-nala fa.

HAKIM-HAKIM 2:19

Tehu metema, mate mauli-malangan sila soona, leoina sila ha'da-tataon, mangalauk lena seluk neme bobongi makahuluk-ka mai. Lakaluku-lakatele neu lamatua fe'ek-kala, ma ala sene-do'ok lamatua fe'ek sila-la. Ala fali leo sila ha'da-tatao mangalaun-nala neu, ma ala ta nau lasafali ha'da-tataon-nala fa.

HAKIM-HAKIM 2:3

Da'di, besak ia mamanene! Te metema, emi matee-mata'ti moos soona, neukose, Au ta usi heni nusak ia hataholin-nala fa. Neukose, ala da'di emi musum-mala, ma neukose lakahihi'ik-la emi, nalosa emi tunga sene-do'ok neu sila-lamatua daebafan-nala.”