MAZMUR 106:23 - Susula Malalaok Hehelu Palak Ma Hehelu Beuk

²³ Boema, Manetualain tutu'u, sanga tao namopo-namate anan-nala, tehu Musa fo, hataholi hehelen-na, ana ka'in. Musa da'di hataholi tala'dak soaneu sila, de nalosa Manetualain nasan-na tenak.

MAZMUR 106:23 ပူးပေါင်းရင်းမြစ်များ

AYUB 35:8

O sala-singom, ka'da tao nakatutu'dak o nonoo hataholim-ma. Ndia boeo, nde hapu nanalak neme o malolem-ma mai.

MAZMUR 105:26

Boema nadenu atan Musa ma Harun fo hataholi hehelen-na.

KELUARAN 32:32

Sa'di leo been-na, O fe do'o do ampon neu sala-singon-nala; metema ta soona, loseheni au na'deng fo O sulak basan nai O Susalam dale.”

YEREMIA 5:1

Hei laun Yerusalem-mala lemin, la'ok ndolo-ndolo eno-enok manai emi kotam-ma! Sanga nai basa mamanak lala'en-na, fo mita matam. Palisak mook manai uma manek-ka so'dan-na, ade hapu hataholi manatao ndoos esa, ana sanga enok fo ana lilineka neu Manetualain do ta. Metema hapu, soona neukose Manetualain fe do'o do ampon neu Yerusalem.

YESKIAL 13:5

Ala ta lanea mamanak fo, nai bee sila papala nanadaman-nala lakalulutuk, ma ala ta tao lahii papala nanadamak sila-la boen. Da'di, Israel ta bisa napadeik nahele fa, metema natee-natatik-ka, ana da'di nai Au fo, Manetualain fai mamaing-nga.

YESKIAL 20:8

Tehu, ala la'ban Au, ma ala ta nau lamanene Au fa. Ala ta nau tu'u-tapaheni dodoki-dudulak fo, nanamaluak sila-la fa, ma ala ta nau hahae sene-do'ok neu, sosongo-tatangok Masir sila-la boen. Nai lelek ala bei leme naa, Au sadia basa, fo sanga amanasas so.

YESKIAL 22:30

Nai hataholi Israel-la dalek, Au sanga hataholi fo, ana bisa napadedeik papala nanadamak, do napadeik neu mamanak fo, papala nanadaman-na tu'u neu, fo nakataka nahele nusak ndia, metema Au sanga tao akalulutuk-kana, nai Au nasa-melung fo manalua ponu-ponung-nga dalek; tehu Au ta hapu hataholi esa boen.

BILANGAN 16:5

Boema, nafa'da Korah no hataholi manalook-kana nae, “Balahaa fafaik soona, neukose Manetualain natu'du fe ita, see kande Ndia nuun, ma see kande nanafe hehelik soaneun. Hataholi fo Ana helek-ka, neukose Ana fen loak, fo ana deka non.

MATEOS 12:18

Nae, “Ia nde bee na, Au Atang fo nanahele ka, Hataholi fo Au sue-lai ka, ma nandaa no Au dale nga. Neukose Au fen, Au Dula Dale nga, Neukose ana tui-benga Au nakeketu ndo nga neu basa leoina la.

YOHANIS 15:16

Emi ta nde hele Au fa. Te Au nde hele emi, boema Au adenu emi meu, fo maboa ba'u ka, boak fo ta hapu mopo-mate fan. Boema neukose Ama ka fe emi, su'di hata fo emi moken minik Au na'de nga.

YOHANIS 15:19

Leo uni ka, daebafa ka nuun emi soona, neukose daebafa ka sue-lai emi, da'dileo ndia nuun. Tehu Au hele basa emi neme daebafak ia mai so, da'di daebafa ka nuun ta emi so'on. Hu ndia de, daebafa ka nakamu-nakadau emi.

ULANGAN 10:10

“Au leo eme letek lain, lele'dok haahulu, ma le'odaek haahulu, sama leo au taon nai makasososan-na. Manetualain fe au amanene la'iesa seluk, nae Ana ta nau tao namate-namopo emi fa.

ULANGAN 9:19

Au bii-amata'u neu Manetualain nasa-melun fo, manapila lo'a-lo'ak-ka neu emi, nalosa emi nau, Ana tao namate-namopo emi, tehu oek ia boeo, Manetualain namanene au dokodoeng-nga.

ULANGAN 9:25

Au bubuluk Manetualain naketu basa, sanga tao namate-namopo emi. Hu ndia de, nai lele'dok haahulu ma le'odaek haahulu dalen-na, au sene-do'ok nai Manetualain matan-na,

YAKOBIS 5:16

Hu ndia de, ela leo bee na, esa nafa'da sala na neu esa, ma esa hule-haladoi fe esa, fo ela emi hapu lea-hai. Hataholi fo ana hule-haladoi tunga Manetualain hihii-nanau na, nanuu koasa matua ina.