MAZMUR 105:12 - Susula Malalaok Hehelu Palak Ma Hehelu Beuk

¹² Makahulun-na, Manetualain anan-nala laso'da da'di leo hataholi manamai leme naa, dede'un-nala lumanak mesan.

MAZMUR 105:12 ပူးပေါင်းရင်းမြစ်များ

KEJADIAN 17:8

Neukose, Au fe dae ia neu o, ma o tititi-nonosim, fo nde dae fo besak ia, o leon da'di leo hataholi manamai. Basa dae Kanaan-na lala'en-na, neukose da'di o upu-anam pusakan, losa dodoon-na, ma neukose, Au da'di sila Manetualain-na.”

KEJADIAN 23:4

“Au ia, hataholi manamai, de au leo nai tolanook-kala tala'daheon; emi nau soona, au asa-a, dae duduik esa, fo au atoi au saong-nga.”

KEJADIAN 34:30

Yakob nafa'da Simeon ma Lewi nae, “Emi tao susa au. Besak ia, hataholi Kanaan-nala ma hataholi Feris-sala, ma basa nusak ia laun-nala, neukose lakamuu-lakadau au. Ita hataholin-nala ta ba'uk-ka fa; de metema basa laun-na teik esa-dalek esa, fo ala la'ban ma sapu-la au soona, basa ita teidalen-nala lala'en-na, neukose nanatao namate-namopok.”

KELUARAN 6:4

Au amanene basa hataholi Israel-la hoo-ngu'un, fo leoina Masir-ra taos da'di ata, boema Au afandele neu Au hehelu-balataang ndia.

YESAYA 51:2

Mafandendelek, emi bei-ba'i kaim Abraham ma Sara, fo manabongi emi-a; lelek Au aloo Abraham-ma, anan ta; boema, Au fen baba'e-papalak, ma Au fen tititi-nonosik makadotok.

HATAHOLI 7:5

Nai lelek ndia, Manetualain ta fe Abraham dae ia bibianak faa anak boen, fo ana taon da'di ndia dae pusakan boen; tenga esa boeo, Ana ta fe fan. Tehu Manetualain helu nae, neukose Ana fe dae ndia neu Abraham, fo ana da'di Abraham no tititi-nonosi nala pusakan. Ndia te Abraham anan beita.

ULANGAN 26:5

Basa soona, o muse kokolak dede'ak ia-la, nai emi Manetualaim-ma matan-na mae, ‘Ou Manetualain, au bei ba'i kaing-ngala nde been-na, hataholi Aram fo, manamaleu-malaak-kala. Ana no teidalen-nala, leu leo nai Masir, da'di leo hataholi manamai. Lelek, fo ala leo naa leu-a, ka'da sila hataholi de'ubee, tehu ala da'di leoina matuaina, ma mabe'i-balakaik.

ULANGAN 7:7

Manetualain sue-lai ma Ana hele emi, ta hu kande emi ba'u lena neme leoina fe'ek-kala mai fa; te'e-te'e, emi nde been-na, leoina fo anak nanseli nai daebafak ia.

IBRANI 11:12

Leomae Abraham nai lelek ndia, sama leo hataholi fo mate ao paa na so, tehu ana hapu tititi-nonosik ba'u ka, fo dede'u na ta hapu leke nala fan, dede'u nala sama leo nduuk manai lalai a, ma solokaek manai tasi su'u na.

IBRANI 11:9

No namahehele ka, de Abraham leo da'dileo hataholi manama nai nusak fo Manetualain helu basak ndia. Abraham leo nai ndia, nai uma lopo dale. Leondiak boe, Isak ma Yakob, ala sipo heheluk fo sama neme Manetualain mai.