MAZMUR 104:5 - Susula Malalaok Hehelu Palak Ma Hehelu Beuk

⁵ O pasak daebafak-ka no matea-mahelek neu buin lain, nalosa, neukose ta nanggengo losa dodoon-na

MAZMUR 104:5 ပူးပေါင်းရင်းမြစ်များ

AYUB 26:7

Manetualain nakapepela lalai nai tasi maloaina poin-na, ma Ana lolo'e daebafak-ka neu mamana louk.

MAZMUR 119:90

O lilinekam nakatatakak neme tepo-lelek leo tepo-lelek neu, O tao matea-mahele daebafak-ka, de natea-nahele losa besak ia.

MAZMUR 136:6

Ana bala daebafak-ka neu oe lain; susue-lalain manaketu-basa tak, losa dodoon-na.

MAZMUR 24:2

Nakatetene daebafak-ka buin-na neu tasi maloaina lain, ma Ana fen napadeik natetu nai oe mademaina lain.

MAZMUR 33:9

Nana Ana kokolak, boema basa-basan nananakadada'dik; Ana fe paleta, boema basa-basan da'di.

MAZMUR 93:1

Manetualain nde bee-na, Manek; Ana pake papake-ngganggao matua-madema ma mabe'i-balakaik. Daebafak-ka napadeik natetu, de ta nanggengo fa.

MAZMUR 96:10

Tui-benga neu leoina-la mae, “Manetualain ndia Manek! Daebafak-ka, matea-mahelek, de ta naggengo fa; Neukose Ana naketu-nala'di leoina-la no ndoos ma matetuk.”

AMSAL 8:29

nai lelek Ana paleta tasi oe-a fo ela boso seli daetoon-nala. Au emen-na boe nai lelek daebafak-ka neten-na nanape'dak.

PENGKHOTBAH 1:4

Tititi-nonosik esa to'da mai, ma tititi-nonosik nggelok sapu-lalo, tehu daebafak-ka matak esa nahele.

2 PETRUS 3:10

Tehu Lamatua ka Fai mamai na, neukose ana losa, sama leo nako ka. Nai faik ndia te, neukose lalai a mopo kana, no manggulu matua ina, ana da'di nai lalai, ma basa hata manai lalai a, neukose putu la'i esa kasa, boema daebafa ka no basa oe isin lala'e na, neukose mopo la'i esa kasa.

NINITAK 20:11

Basa ndia boema, au ita kandela manek dula fula matua esa ma Ndia fo manamangatuuk manai lai na. Lalai no daebafa ka mopo kasa neme mata na mai, nalosa ta nananitak so'on.

NINITAK 6:14

Lalai mopo kana sama leo susula doo nanalunu ka, ma basa lete kala ma pulu la, ala ke'ko leme mamana nala mai.

SEMUEL SUSULAK-KA ESAN-NA 2:8

Ana so'u hataholi nuu taa-hata taak-ka neme doi-doson mai, Ana soi-po'i hataholi nananakadadaek-ka neme doidosok-ka mai. Ana taos da'di manefetoana-la tia-lain, ma Ana fes nangatuuk maha'da-holomatak Manetualain nde nanuu daebafak-ka buin-na, de nafofo'a daebafak-ka nai lain.