MAZMUR 104:35 - Susula Malalaok Hehelu Palak Ma Hehelu Beuk

³⁵ Nemen-na fo, hataholi masala-masingok-ka, mopok-kana neme daebafak-ka poin-na mai, nemen-na fo, hataholi mangalauk-ka, mopo-mate la'iesak-kasa. Koa-kio Manetualain leona, hai au samaneng-nga! Koa-kio Manetualain leona!

MAZMUR 104:35 ပူးပေါင်းရင်းမြစ်များ

MAZMUR 1:4

Nasafalin-na, hataholi mangalauk-ka: sama leo ha'deuk-ka, fo anin-na fuu nenin.

MAZMUR 101:8

Neme faik leo faik neu, neukose au tao amopo-amate, hataholi manatao tatao-nono'i mangalauk-kala, nai nusak ia. Basa hataholi manatao tatao-nono'i manalauk-kala, neukose au tao amopo-amates leme Manetualain kotan-na mai.

MAZMUR 103:22

Koa-kio Manetualain, hai basa lima tataan lala'en, fo manai Ana koasa nusak-kala lala'ena. Koa-kio Manetualain, hai au samaneng-nga!

MAZMUR 104:1

Koa-kio Manetualain, hai au samaneng-nga! O matua-madema manseli, ou Amang Manetualaing! O pake papake-ngganggao nanakoa-nanakiok, ma mandela-masa'ak,

MAZMUR 105:45

fo ela anan sila-la, tunga hoholo-lalanen, ma tunga paletan-nala. Koa-kio Manetualain leona!

MAZMUR 106:48

Koa-kio Amak, fo Israel Manetualain-na, besak ia, losa dodoon-na. Nemen-na fo, hataholi-la lafa'da lae, “Amin!” (Tete'ek-ka!) Koa-kio Manetualain leona!

MAZMUR 145:20

Nasulu-nahapa basa hataholi manasue-lain-nana, tehu Ana tao namopo-namate, hataholi manatao tatao-nono'i mangalauk-ka.

MAZMUR 37:38

Tehu hataholi masala-masingok-ka, neukose nanatao namopo-namatek; neukose tititi-nonosin nanatao namopo-namatek.

MAZMUR 59:13

Nana sila lasala-lasingo lenik hala-kokolan-nala; Nemen-na fo hihi'ik-ka nalas nai koao-ndaeaon-nala dalek, nanahu ala nau soo-supa ma lasapepeko-lasandandali.

MAZMUR 73:27

Hataholi fo, ana la'oela O-a, neukose ana hapu soe, O tao mamopo-mamate hataholi fo, ana ta lilineka neu O fa.

AMSAL 2:22

Tehu hataholi mangalauk, ma masala-masingok-ka, neukose Manetualain tapas leo nusak ndia deak leu, sama leo fe'a heni na'u-a neme dae dale mai.

YESAYA 13:9

Neukose, Manetualain fain-na losa, fo nai faik ndia, Manetualain nasa-melun lua ponu-ponu. Neukose, daebafak-ka da'di moo na'u tak, ma basa hataholi masala-masingok-kala, neukose mopo-mate.

HAKIM-HAKIM 5:31

Ou Manetualain, sa'di leo been-na, mate O musum-mala, sama leo Sisera, tehu basa O tia-laim-mala nanakoa-nanakiok, sama leo le'do-a nai lalai! Basa ndia boema, nusak ndia tetu-temak, teuk haahulu dalen-na.