MAZMUR 104:15 - Susula Malalaok Hehelu Palak Ma Hehelu Beuk

¹⁵ de nabuna-naboa oe angol mala'dahiik-ka, Boeo mina setun, fo tao-na mata-panan napena, ma nana'ak fo, neni fen be'i-balakaik.

MAZMUR 104:15 ပူးပေါင်းရင်းမြစ်များ

KEJADIAN 18:5

Fo au u sadia nana'ak, fo ela Tuan-tuan-nala hapu balakai beuk, fo besak-ka la'ok makandoo. Metema Tuan-tuan-nala, tuli atam-ma uman ia soona, tuan-tuan-nala fe ha'da-holomata neu au.” Boema hataholi ka telu sila-la, lataa lae, “Makasi ba'uk-ka, neu o dale malolem-ma. Neukose ami tuli.”

2 SEMUEL 13:28

Absalom paleta atan-nala nae, “Taoafik matalolole, fo metema Amnon ninu angol fo ana mafuk soona, neukose au fe emi ta'du, fo taomisan. Boso bii. Te au nde lu'a-lepa dede'ak ndia. Taon no napalanik, fo boso no bibii-namata'uk!”

MAZMUR 105:16

Manetualain fe la'a-ndoes-sa, nai nusak ndia, ma Ana ho'i-na basa nana'ak nanasadiak-kala.

MAZMUR 23:5

O sadia feta ba'eneu au nai au musu-noong-nga matan, O sipok au da'di leo fui nanafe ha'da-holomata. O sadia fe au nininu mala'da hiik-ka sasi kao-kao.

MAZMUR 92:10

Ou Manetualain, ami bubuluk O musum-ma, neukose nanatao namopo-namatek basa hataholi mangalauk-kala, neukose nanatao tapasasalak.

AMSAL 31:6

Ala-lalu nde been-na, ka'da soaneu hataholi manamale-talek-ka, ma manadale he'dik-kala.

AMSAL 31:7

Ala linu, fo lafandele heni nuu-taa hata-taan, ma toto'a-tataan-nala.

PENGKHOTBAH 10:19

Feta-dote tao hihikak, ma angol-la tao namahoko-seteleek. Tehu paluu doik soaneu baba'en-na.

PENGKHOTBAH 8:1

Hataholi manatee-tenok-ka namahoko-na ba'un-na seli. Ana bubuluk basa dede'ak lala'en-na natataan-na. Manatee-tenok-ka, tao-nan, ana hume nana namahoko nalosa mata-panan napena tataas esa.

PENGKHOTBAH 9:7

Ayo, ka'da mu'a-minu ma mamahoko-setelee leona, minu o angol-la no namahoko-seteleek. Manetualain nakahe'ik, nakalenak Ana nau.

YESAYA 3:1

Te'e-te'e Manetualain Fo Manakoasa, neukose Ana ho'i-na basa nana'a-nininuk nanasadiak manai Yerusalem ma Yehuda lala'en-na. Boeo sila lamahena neu basa hataholi-la fo nde:

YESAYA 55:10

Sama leo u'dan-na, ana mai neme lalai mai, fo ana ta fali ne'u fan, tehu ana tao nakadoe daebafak-ka, fo ana taon-na dae-a, nalole, ma nakamomolik bubu'u-palusa, ana fe buna-boak neu manasele-mananggali, ma nana'ak neu hataholi fo, ana nau na'a.

YEREMIA 31:12

Neukose ala mai neme pupukuk Sion-na mai no mata-pana malengak, nanahu Au fefeng neu sila-la, nde gandum, mina, angol, sapi ma bi'ilopo. Sila neukose sama leo osi bubu'u-palusa fo oa ai manadaik, ma ala ta to'a-ta hata esa boen.

YESKIAL 14:13

metema nusak esa nasala-nasingo, ma ta lilineka neu Au fa soona, neukose Au huku nusak ndia. Neukose, Au tao akalulutuk mamana pepe'da nana'an-nala, ma Au fe soe la'a-ndoes-sa mai, ma Au taoisa, nau hataholi do bana-manu boe.

YESKIAL 4:16

Basa boema, nafa'da seluk nae, “Hai, hataholi daebafak fo, manasapu-manalalok-konei, neukose Au tao akalulutuk, mamana pepe'da nana'ak manai Yerusalem-ma. Neukose ala uku sila nana'an-na, ma sila oe nininun-na, fo la'a-linu no dalen-nala ta tesa-tama fa.

YESKIAL 5:16

Neukose, Au tao akalulutuk o mamana pepe'da nana'am-ma, ma Au po'ilotak o laum-ma, lamala'a-lamandoe. Neukose, ala la'ola'di la'a-ndoes, makee-makahe'dun, sama leo kokouisi matane, fo ana tola o, ma ana tao namate-namopo o.

IMAMAT 26:26

Neukose, emi nana'am-ma basan, nalosa inak sanahulu, ala paluu ka'da mamana tutunu loti esa, soaneu tunu sila lotin-na. Neukose, emi mi'a basa nana'ak ndia so, tehu emi bei mame'da mamala'a boe.

ZAKHARIA 10:7

Hataholi Israel-la, neukose sama leo palani ta'tibatu mabe'i-balakaik, sama leo hataholi maninu angol, fo neukose lamahoko-setelee Sila tititi-nonosin neme tepo-lelek leo tepo-lelek neu neukose ta lafandeleheni, sesengik fo Au fen ia. Neukose ala lamahoko nanahu Au tatao-nono'ing ba'eneus.

MARKUS 14:23

Basa ndia boema, Ana ho'i na nggalaa angol esa de Ana hule-haladoi noke makasi neu Manetualain, boema Ana fe nggalas ndia neu ana manatunga nala. Basa boema basa basas linu angol ndia.

LUKAS 7:46

O ta po'a mina neu Au langa nga fa, tehu inak ia po'a basa mina kaboominik neu Au ei nga so.

EFESUS 5:18

Boso mafuk angol, nana ndia nde tao nalutu emi a. Dede'a nasafali na, ela leo bee na, Manetualain Dula Dale na koasa na emi.

ULANGAN 28:40

Ai setun-na, ana moli nai emi nusam dale lala'en-na, tehu neukose konoheni boan-nala, nalosa emi ta hapu mina setun fa.

ULANGAN 8:3

Ana po'ilotak emi mamala'a-mamandoe, boema Ana fe emi koki manna, fo emi mi'a. Emi, ma emi bei-ba'i kaim-mala, makahulun-na beita mi'a mita nana'ak ndia fa. Manetualain tao leondiak, fo nanoli emi, nae hataholi daebafak-ka, ta hapu naso'da nenik ka'da nana'a-nininuk mesak-kana fa, tehu naso'da neme Manetualain hala-kokolan mai.

IBRANI 1:9

O nau tunga matetu na, ma O mamanasa tipu-dai ka; Hu ndia de Au, O Manetualai ma, Ana hele O, Ma Ana fe O ha'da-holomata fo nini namahokok, lenaheni O nonoo mala.”

1 YOHANIS 2:20

Tehu Yesus Kristus fe Manetualain Dula Dale na neu emi so. Hu ndia de emi malelak nanoli ndo sa.

HAKIM-HAKIM 19:5

Neu fai ka haan-na, ala fo'a fafaianak nanseli, boema laheheleaon, fo ala la'o. Tehu inak ndia aman nafa'da hataholi Lewi ndia nae, “Mu'a dei, fo ela o balakai. Basa soona, emi bole la'o.”

HAKIM-HAKIM 9:13

Tehu, ai angol-la nataa nae, ‘Hapu nai bee, au muse hahae fe angol fo tao tesa-tama lamatua daebafak-kala, ma hataholi daebafak-ka dalen-na, ka'da soaneu da'di emi manem-ma!’

HAKIM-HAKIM 9:9

Tehu ai setun-na nataa nae, ‘Ah, au ta nau fa. Nana metema au da'di emi manem-ma soona, au muse hahae fe mina setun, fo ala paken soaneu fe ha'da-holomata neu lamatua daebafak-kala, ma hataholi daebafak-ka.’