MAZMUR 104:1 - Susula Malalaok Hehelu Palak Ma Hehelu Beuk

¹ Koa-kio Manetualain, hai au samaneng-nga! O matua-madema manseli, ou Amang Manetualaing! O pake papake-ngganggao nanakoa-nanakiok, ma mandela-masa'ak,

MAZMUR 104:1 ပူးပေါင်းရင်းမြစ်များ

MAZMUR 103:22

Koa-kio Manetualain, hai basa lima tataan lala'en, fo manai Ana koasa nusak-kala lala'ena. Koa-kio Manetualain, hai au samaneng-nga!

MAZMUR 104:35

Nemen-na fo, hataholi masala-masingok-ka, mopok-kana neme daebafak-ka poin-na mai, nemen-na fo, hataholi mangalauk-ka, mopo-mate la'iesak-kasa. Koa-kio Manetualain leona, hai au samaneng-nga! Koa-kio Manetualain leona!

MAZMUR 145:3

Nana Manetualain matua-madema, ma nanakoa-nanakiok nanseli, matua-mademan ta hapu dodoo-nala fan.

MAZMUR 7:1

Dauk kikii-makaleleun nananakameek ba'eneu Manetualain nanahu Kus fo hataholi Benyamin ndia.

MAZMUR 93:1

Manetualain nde bee-na, Manek; Ana pake papake-ngganggao matua-madema ma mabe'i-balakaik. Daebafak-ka napadeik natetu, de ta nanggengo fa.

MAZMUR 95:3

Nana Manetualain nde bee-na, Manetualain fo matua-madema, Manek makadelek fo nai lamatua daebafak lala'ena lain.

MAZMUR 96:6

Matua-madema ma mandela-ma'ak-ka, poti nalan, koasa ma lole-napuk henu Uman-na.

YESAYA 59:17

Ana pake ndoos ma matetuk-ka, ma so'da-molek-ka, da'di leo ba'du besik, ma ti'ilanga bai. Dalen-na kisak soaneu Ana tao nabebeu, ma Ana balas hataholi ta manatao ndoos ma matetuk-ka fa.

YEREMIA 23:24

Ta hapu hataholi sa boen nafuni-na ao inan-na neme Au mata memeteng-nga fa, nana Au nae mamanak lala'en-na: nai nusa so'dak-ka ma nai daebafak-ka.

DANIAL 7:9

Lelek au bei mete akandoo te, lapadedeik kandela manek de'ubee. Boema Ndia fo so'dan-na manaketu basa taak-ka, nangatuuk nai kandela manek sila-la esa lain. Bua papaken-na ma langadoon-na fula balisi sama leo a'bas-sa. Kandela manen-na no kandelan-na ein-na pila lo'a-lo'a, nanahu ha'i pilak-ka,

DANIAL 9:4

Au manaku basa au laoinang-nga sala-singon-nala neu Manetualain fo au Manetualaing-nga. Au afa'da ae, “Manetualain O matua-madema, de ami fe ha'da-holomata neu O. O tao matetu O hehelu-balataam do'e-do'e, ma O matu'du O susue-lalai manaketu basa tam-ma neu sila fo manasue-lai O, ma manatao-no'i hata fo O paletan.

HABAKUK 1:12

Manetualain, O nde been-na Manetualain neme makahulun eli mai. O nde been-na au Manetualaing fo malalao-malalafuk, ma manaketu basa tak. Manetualain fo au Manetualaing ma au manamasulu-mahapang; O hele leoina Babel ndia, de O fen be'i-balakaik fo ana huku ami.