MAZMUR 103:14 - Susula Malalaok Hehelu Palak Ma Hehelu Beuk

¹⁴ Nana, Manetualain bubuluk, ita da'di teme beek-ka mai, Ana nafandele, ita ia, ka'da dae sopuk mesan.

MAZMUR 103:14 ပူးပေါင်းရင်းမြစ်များ

KEJADIAN 2:7

Basa boema, Manetualain ho'i-na dae faa anak, de Ana taon-nan, nalupa hataholi esa, boema Ana fuu, ani hahaek fo maneni maso'dak-ka leo pana bolon dale neu; boema hataholi ndia, naso'da leona.

KEJADIAN 3:19

Neukose, o maue-male'di no sosota-mamanguk, ma o pusem ma ti'ti, soaneu ana taon-na dae ia nabuna-naboa hata esa, losa o fali leo dae-a muu, nana o da'di meme dae-a mai. O da'di meme dae-a mai, de neukose o fali leo dae-a muu boe.”

AYUB 10:9

Mafandendelek te, O makadada'dik au neme dae ulek-ka mai! Masa bole, O taom-ma au, da'di dae sopok seluk?

AYUB 13:25

Au ka'da akidok manakonok metema anin-na la'en, masa bole O makabibiik au! Au ka'da ha'de ai tuuk ma manamalek, masa bole O usi mahele au!

AYUB 7:21

Ade, O ta hapu fe do'o do ampon neu au sala-singong fa do? Ade tean-na seli, soaneu O koka heni au salang-nga do? Dodoo faa te, au akandondoo nai lates dale, de metema, O sanga au soona, neukose O ta hapu au fa.”

MAZMUR 89:47

Ou Manetualain, O mafuni losa faihi'da? O nasa-melum lua ponu-ponu, sama leo ha'i-a, losa faihi'da?

PENGKHOTBAH 12:7

Neukose ita aopaan-na ana fali, fo ana da'di afu nai daebafak-ka. Neukose ita ani hahaen-na, ana fali leo Manetualain neu. Ndia nde manafe-ka, fo da'di leo baba'e-babatik.

YESAYA 29:16

Ala puta-balek basa hata lala'en-na. Beek kande paluu nanseli, manatao ulek-ka, do dae ulek-ka? Bole da'di, nanataok-ka nafa'da neu manataon-nana nae, “Ade, o ta nde tao au fa hetu”? Do, buas ndia, hapu nafa'da neun nae, “O ta bisa hata esa boen do”?