MAZMUR 103:13 - Susula Malalaok Hehelu Palak Ma Hehelu Beuk

¹³ Manetualain sue-lai hataholi kamahehelek-ka, sama leo amak esa, ana sue-lai anan-nala.

MAZMUR 103:13 ပူးပေါင်းရင်းမြစ်များ

MAZMUR 103:11

Tehu, sama leo lalai-a dedeman-na nai daebafak-ka lain, susue-lalain dema-ba'u ndia, ba'eneu hataholi kamahehelek-ka.

MAZMUR 103:17

Tehu Manetualain sue-lai nahele hataholi kamahehelek-ka, ma dale malolen-na nakandoo, neme bobongik leo bobongik neu

MAZMUR 147:11

Manetualain namahoko neu hataholi kamahehelek-ka, neu hataholi fo, namahena nalele neu susue-lalain.

AMSAL 3:12

Manetualain nanoli hataholi fo, Ana sue-lain, sama-na leo amak esa, nanoli anan fo ana sue-lain.

YEREMIA 31:20

Israel, o nde been-na Au anang susueng, anan fo nanasue-laik nai Au dale bobongo anang-nga. Tunga faik Au dodoki-aali O, tehu Au hii ka'da afandele neu o tatas esa. Neukose Au tao-a O henuk no susue-lalaik.

YEREMIA 31:9

Ala la'ok no luu oen-nala titi beboto, Au tao amahokos ma Au le'a-noles. Au os tunga mamanak-mamanak fo oen-na ba'uk-ka, tunga mamanak fo enon-na matetuk fo neukose ala ta lakatunu fa. Ba'eneu Israel, Au soona nonokabai Amak-ka; Efraim nde been-na Au ana tou ulung-nga.”

IMAMAT 26:44

Tehu, leomae sila bei lai musu nusan-na boeo, neukose Au ta la'oela fas, do Au tao amopo-amates makandondook fa. Nana metema Au tao amopo-amates soona, ndia sosoa-ndandaan nae Au tao ketu Au hehelu-balatang no sila, te se'kona Au ia Manetualain, fo sila Manetualain-na.

MALEAKHI 4:2

Tehu ba'eneu emi fo manatunga Au-a, Au koasang fo manasoi-tefak-ka, neukose ana tii mai, sama leo le'do-a, de haan-na neni nakahahaik. Neukose emi matapo'i ma mamahoko, sama leo sapiana fo besak-ka ana kalua neme lalae dale mai.

BILANGAN 11:12

Ade au nde ailu do bongi sila do? Tao le'e de, O madenu au da'di sama leo hataholi manako'o-ifa esa, fo ko'o ni'iana me'doana, nalosa au muse anea aheles, nai leleo-lala'o manalu dalek, leo dae fo O helu fen neu sila bei-ba'i kain-nala do?

MATEOS 6:32

Ka'da hataholi fo ta lalelak Manetualai na nde, usi basa dede'ak sila la. Te see ko na emi Amam manai nusa so'da ka, Ana bubuluk basa, emi paluu basa sila la.

MATEOS 6:9

Hu ndia de, metema emi hule-haladoi soona mae leo ia, ‘Ou, Ami amam manai nusa so'da ka: O nde Manetualain fo Kisak Ela leo bee na. Lakaluku-lakatele ma ala fe ha'da-holomata neu O.

YOHANIS 20:17

Boema Yesus naen nae, “Boso taila'e Au dei, te Au beita kae leo Ama ka u fa. Tehu fali mu'u ma leon, fo mafa'da Au tolanoon gala mae, besak ia Au kae falik leo Au Ama nga ma o Amam, ma Au Manetualai nga ma o Manetualai ma.”

HATAHOLI 13:26

Tolano-tolanoong fo Abraham tititi-nonosin, ma basa tolano-tolanoo fe'ek manai ia fo mana mamahele Manetualai na lemin! Manetualain haitua fe ita halak fo manini maso'dak ndia so;

ULANGAN 3:5

Ala pa'a okofefeok kota sila-la nenik papala nanadamak mademaina-la, ma lanuu lelesuina, boema ai betubalak fo ala kena lenik lelesuina sila-la. Fe'ek neme ndia mai, hapu kota nggelok, ta lanuu papala nanadamak fa.