MAZMUR 103:1 - Susula Malalaok Hehelu Palak Ma Hehelu Beuk

¹ Neme Dauk mai. Koa-kio Manetualain, hai au samaneng-nga, koa-kio na'den fo, malalao-malafuk-ka, hai au dale katematuang-nga.

MAZMUR 103:1 ပူးပေါင်းရင်းမြစ်များ

MAZMUR 103:22

Koa-kio Manetualain, hai basa lima tataan lala'en, fo manai Ana koasa nusak-kala lala'ena. Koa-kio Manetualain, hai au samaneng-nga!

MAZMUR 104:1

Koa-kio Manetualain, hai au samaneng-nga! O matua-madema manseli, ou Amang Manetualaing! O pake papake-ngganggao nanakoa-nanakiok, ma mandela-masa'ak,

MAZMUR 111:1

Koa-kio Manetualain leona! No dale katema tuak, au oke makasi neu Manetualain nai anan-nala nakabubuan-na tala'da.

MAZMUR 138:1

Neme Dauk mai. Ou Manetualain, au nau oke makasi neu O, nenik au dale katematuang-nga. Au akamee nakamee kokoa-kikiok ba'eneu O, nai lamatua daebafak lala'ena, matan.

MAZMUR 145:1

Kokoa-kikiok neme Dauk mai. Au nau amatutua-amadedema O, ou au Manetualaing ma au Maneng-nga, ma koa-kio O, losa dodoon-na.

MAZMUR 47:7

Makamee nakamee kokoa-kikiok ba'eneu Manetualain leona, makamee nakamee kokoa-kikiok ba'eneu ita Manen-na!

MAZMUR 63:5

Au oke makasi neu O, nai au fai maso'dang-nga dalek; au so'uk au limang-nga neu O, boema au hule-haladoi,

MAZMUR 99:3

Nemen-na fo, ala koa-kio na'den fo mandela-masa'ak-ka. Ndia malalao-malalafuk.

YESAYA 6:3

Esa naloo bou-bou neu esa nae, “Malalao-malalafuk, Malalao-malalafuk, Malalao-malalafuk. Manetualain Fo Manakoasa, malalao-malalafuk. Daebafak-ka, henuk no mandela-masa'an.”

YOHANIS 4:24

Hu ka nde Manetualain ndia, nde Dula Dale ka, de no ka'da Manetualain Dula Dale na koasa na, de hataholi a hapu sene-do'ok neu Ama ka, sama leo Ama ka nai ia.”

1 KORINTUS 14:15

Da'di au muse tao beek? Neukose au tao ka nde ia: neukose au hule-haladoi inik au dula dale nga, tehu au boeo hule-haladoi inik au dudu'a-aafing boe. Neukose au akamee inik au dula dale nga, tehu au boeo nau akamee inik au dudu'a-aafing boe.

FILIPI 1:9

Au huhule-haladoi nga nde ia, soaneu emi: ela leo bee na, emi boetai sue-lai Manetualain, ma emi nonoo hataholi ma, ma emi malela ma tama nakandoo nai dede'a ndo sa, ma dudu'a-aafi manatee teno ka dalek.

KOLOSE 3:16

Ela leo bee na, Kristus nanolin fo henuk no baba'e-papala ka, ana susi leo emi dalem dale neu. Ela leo bee na, esa nanoli esa, ma esa nanoli-nafa'da esa no dudu'a-aafi matetu-mandaak. Makamee nakamee Mazmur, ma kokoa-kikiok, boema makamee hataholi kamahehele kala nakamee nala; makamee soaneu Manetualain ma moke makasi neun nai emi dalem dale.

NINITAK 4:8

Mahahae kahak sila la esa soona, li'dan ne, boema nai boboa-kaisun ma nai dalek henuk no matak. Lele'do-le'odaen mahahaek sila la ta hahae lakamee lae, “Malalaok, malalaok, Manetualain malalaok, Manetualain Mana Koasa; fo nai ia, nai ia so, ma nai ia losa doo na.”