MAZMUR 101:6 - Susula Malalaok Hehelu Palak Ma Hehelu Beuk

⁶ Au ahiik hataholi fo, ana lilineka neu Manetualain; hataholi sila, bole leo nai au umang. Hataholi fo aso'dan-na bu'u-ba'en ta, bole nalalau-naoono au.

MAZMUR 101:6 ပူးပေါင်းရင်းမြစ်များ

MAZMUR 119:63

Au tao tia-laik o basa hataholi kamahehelek-kala, ma basa hataholi fo, lakalala'ok O paletam-ma.

MAZMUR 15:4

fo mana makadadaek hataholi fo, Manetualain ta sipok-kana fa, tehu ana fe ha'da-holomata neu hataholi fo, manatunga Manetualain hihii-nanaun; fo manatao natetu, hala hehelu-balataan, leomae tutu'dak-ka nai ndia boe,

MAZMUR 34:15

Madook aoinam-ma, neme mangalauk-ka mai, ma tao-no'i hata fo malole-a, sanga enok soaneu mole-dame-a, nenik basa o be'i-balakaim lala'ena.

AMSAL 28:28

Metema, hataholi mangalauk-ka, ana koasa soona, laun-na leu ke'ke; metema hataholi mangalauk-ka mopo-mate soona, hataholi manatao ndoos ma matetuk-ka, ana paleta su'di bebe'ik-ka.

AMSAL 29:2

Metema, hataholi ndoos ma matetuk-ka, ana paleta soona, laun-na namahoko-setelee. Tehu metema, hataholi mangalauk-ka, ana koasa soona, laun-na doi-doso.

IMAMAT 14:42

Boema, muse nggati batu nanakalua henik sila-la, nenik batu beuk. Muse nggati heni, uma ndia papala nanadaman-na lala'en-na, nenik pelestel beuk.

MATEOS 24:45

Boema Yesus kokolak seluk nae, “Metema leondiak soona, malalau-maoono bee ka nde mana lilinekak ma manatee teno ka? Ndia nde tua na so'un da'di malangan neu malalau-maoono fe'e kala, fo ela ana fes la'a-linu la'e fai na.

YOHANIS 12:26

Hataholi see nau nalalau-naoono Au soona, ana muse tunga Au, fo sue ka nde Au nai bee soona, Au malalau-maoono ngala boeo lai ndia. Hataholi see nalalau-naoono Au soona, neukose Au Amang fe ha'da-holomata neun.”

YOHANIS 14:3

Au u fo Au sadia basa mamanak soaneu emi soona, neukose Au fali ma'i nga, fo Au mai ala emi, fo daenga Au nai bee soona, emi nai ndia boe.

YOHANIS 17:24

Ama, Au nau fo ela hataholi fo Ama ka fes leu Au a, lakabubua lo Au nai Au mamana nga, fo sue ka nde sila lita Au matua-mademang. Matua-madema fo Ama ka fen neu Au nana Ama ka sue-lai Au te daebafak ia beita da'di fa.

NINITAK 21:3

Boema au amanene hala ka neme kandela manek ndia nalo bou-bou napane'e nae, “Besak ia Manetualain mamana leleo na nde bee na nakabubua no hataholi daebafa ka! Neukose naso'da nos, ma neukose ala da'di Manetualain hataholi kamahehelen. Neukose Manetualain nde leo nos, ma Ana da'di sila Manetualai na.