MAZMUR 10:7 - Susula Malalaok Hehelu Palak Ma Hehelu Beuk

⁷ Ana soo-supa nakandoo, ana fe dodoki-aali, ma ana tipu-dai, dede'a-kokolan henuk no nakamuu-nakadauk-ka, ma hala kokola mangalauk.

MAZMUR 10:7 ပူးပေါင်းရင်းမြစ်များ

AYUB 15:35

Ndia nde sila fo manatutu'u eno mangalauk-ka, boema lakalala'ok-kana; ke'di-ndiuk-ka, nai dalen dale tataas esa.”

AYUB 20:12

Mangalauk-ka makeek nanseli, nai bafan dale! Nalosa ta nahiik ana ko'do fan; hu ndia de, ana pe'dan nai maan-na dae, fo ela name'da la'dan-na losa dook-ka.

MAZMUR 12:2

Ou Manetualain, tulu-fali ami, nana ta hapu hataholi ndoos so'on, hataholi manalilinekak neu O-a, mopok-kasa so.

MAZMUR 140:3

Ala tutu'u tatao-nono'i mangalauk nai dalen-nala dalek, ma tunga faik, ala sanga ka'da nale'a-napilik.

MAZMUR 140:9

Ou Manetualain, boso sipok hataholi managalauk-ka huhule-haladoin, boso sipok sila tutu'u tipu-dain-nala.

MAZMUR 144:11

Fe au ala hataholi ha'da hataholi tak-kala, tafainan-nala deak; soi-tefa-mala au neme hataholi nusa dea-la koasan-na mai, hataholi nusa dea fo, ala hii lasapepeko-lasandandali ma tipu-dai, ma soo pepekok.

MAZMUR 144:8

hataholi nusa deaf o, ala hii lasapepeko-lasandandali ma tipu-dai, ma ala soo pepekok.

MAZMUR 36:3

Ana nafa'da nae ndia aoinan-na anseli nanseli, nalosa tanamedan-na salan-na, de ana ta hahae tao salak fa

MAZMUR 41:6

Au musung-nga kokolak hata fo mangalauk la'eneu au, lahiik fo ela au mate, ma nananafandele henik.

MAZMUR 5:9

Ou Manetualain, au musung-ngala makadotok! Hela-nole au fo tao-no'i O hihii-nanaum, ma matu'du O enom fo au muse tungan.

MAZMUR 50:19

O kokolak dede'a mangalauk tataas esa, ma o maheheleaom tataas esa, nenik eno ke'di-ndiuk-ka.

MAZMUR 52:4

Fai katemak esa dalen-na, o ke'di-ndiu ma o tutu'u eno mangalauk; o maam-ma, sama leo dope nggenggeuk matane.

MAZMUR 55:21

Au tia-lai makahulung-nga, sapu-na tia-lain-nala, nalelesi hehelu-balataan.

MAZMUR 58:3

Ta, emi tutu'u hata fo mangalauk, ma tao naseti-nalakak nai nusak ia.

MAZMUR 59:12

Boso taomisas ou Manetualain, fo ela au leoinang-nga boso nafandele henin. Tao tapasasalas ma sengis menik O koasam-ma, ou Manetualain fo ami manamasulu-mahapam.

MAZMUR 59:13

Nana sila lasala-lasingo lenik hala-kokolan-nala; Nemen-na fo hihi'ik-ka nalas nai koao-ndaeaon-nala dalek, nanahu ala nau soo-supa ma lasapepeko-lasandandali.

MAZMUR 62:4

Losa faihi'da, emi basa-basam-mala, nau sapu-ma hataholi esa, fo hataholi ndia, sama leo papala maso'ok-ka, ma papala nanadamak fo, hihii nae bala neu-a?

MAZMUR 64:3

Masulu-mahapa au, neme hataholi malelesik-kala nakabubuan-na mai, neme hataholi mangalauk-kala, dale tutu'u mangalaun-na mai.

MAZMUR 73:8

Ala hakinonoli hataholi, ma no koao-ndaeaok, ala fe nasanene'dak mahelek lae sila sanga tuni-ndeni hataholi.

AMSAL 21:6

Su'i-betes fo hapun nenik enok tipu-daik-ka, mopon lai-lai, ma neni mamates fe hataholi.

AMSAL 30:8

Boso nalosak, au kokolak dede'a-kokolak peko-pakik, ma pepekok, ma boso fe au nuu-taa hata-taak do kamasu'i-makabetek. Ka'da fe au, hata fo au paluuk-ka.

YESAYA 59:4

Emi kalaak dede'ak, te ne'ek ta, ma maketu-mala'di no ta ndoos ma matetuk fa. Emi masapepeko-masandandali ma emi matea-mahele neu hata fo, manada'di tak-ka; emi manuu dale tutu'uk, soaneu tao soe hataholi fe'ek, ma tao tatao-nono'i mangalauk.

YEREMIA 9:3

ma laheheleaon tataas esa, fo lasapepeko-lasandandali. Ndoos-sa ta koasan-nai nusak-ka lala'en-na fa, nakalenak puta-paik feo nusak-ka. Manetualain nafa'da nae, “Au anang-ngala, ta hahae tao tatao-nono'i mangalauk fa, Ala ta manaku Au, da'di leo sila Manetualain fa.”

AMOS 8:4

Mamanene leon, hai emi fo manatuni-ndeni hataholi nuu-taa hata-taak manai nusak ia, nalosa mopo-mates!

MATEOS 12:34

Emi hataholi mangalauk, na tao leo bee fo emi hapu kokolak dede'a malole, metema emi hataholi mangalauk? Hata fo bafa ka kokola kana, ndia nde kalua neme dale ka mai!