MAZMUR 10:15 - Susula Malalaok Hehelu Palak Ma Hehelu Beuk

¹⁵ Helu la'di hataholi mangalauk-ka, ma hataholi malelesik-kala, koasan-na; hukus, nanahu tatao-nono'in-nala, losa lame'da litan fo ala bii.

MAZMUR 10:15 ပူးပေါင်းရင်းမြစ်များ

AYUB 38:15

Lele'dok-ka mangale'don-na, nasalaa nanseli, ba'eneu hataholi lamatua taak-ka, ma nakatakas, tao naseti-nalakak.

MAZMUR 3:7

Au ta bii-amata'u neu musu lifu-lifuk fo lakahapi-la au, neme bu'u-bu'uk lala'en-na mai.

MAZMUR 37:17

Nana neukose, Manetualain helu la'di hataholi mangalauk-ka, koasan-na, tehu nasulu-nahapa hataholi malole-a.

MAZMUR 7:9

O maketu-mala'di hataholi daebafak-ka; fe au ndoos ma matetuk, ou Manetualain, nana au salang ta.

YEREMIA 2:34

Ami papake-ngganggaom nanggenggeo, hu kande hataholi nuu taa-hata taak-ka, ma hataholi sala taak-ka, daan-na, ta hu kande nakodaa nanaho'un-nak-ka daan-na fa. Leomae leondiak boe,

YESKIAL 23:48

Neukose, Au tao amopo basa tatao-nono'i mangalauk leondiak-ka, nai basa nusak-ka lala'en-na. Au tataong ndia, neukose ana da'di nasanene'dak ba'eneu inak lala'en-na, fo ela ala boso hohonge, sama leo hataholi ka'a-fa'di ka duak sila-la.

ZEFANYA 1:12

Nai faik ndia, neukose Au de'de obor, fo Au palisak lutu-lutuk kota Yerusalem-ma. Neukose, Au huku laun fo ta namahele te'e-te'e ndia fa, boema name'da-nana, dai so, ma hataholi fo ana dodoo nae Au, fo Manetualain ta la'iesa fo Ana ho'i nakeketuk leo iak do leonak boen.

ZAKHARIA 11:17

Soo-supak ba'eneu manafoo sosoa-ndandaa tak ndia! Ana la'oela bi'ilopo bubuan-na so. Neukose natee-natatik-ka, tao nate'e koasan-na. Neukose, male heni alun-na, ma poke mata konan-na.”