MAZMUR 10:11 - Susula Malalaok Hehelu Palak Ma Hehelu Beuk

¹¹ Ana dodoo nae, “Manetualain nafandele henin so, ma Ana ta taoafik neu fan; soaneu losa dodoon-na, ana ta nita au fa!”

MAZMUR 10:11 ပူးပေါင်းရင်းမြစ်များ

MAZMUR 10:6

Ana kokolak nai dalen dale nae, “Neukose, au ta fali hiik fa, ma neme bobongik leo bobongik neu-a, sama leo hataholi fo so'dan-na ta mangalauk-ka fa.”

MAZMUR 59:8

Ala kokolak holo lakandoo, ma lakamumulu-lakamamaek; hala-kokolan-nala matane sama leo tafaina, laedaenga, ta hapu hataholi namanene fa.

MAZMUR 64:5

Ala tui-benga tutui pepekok, neme sila mamana nafunin-na mai, ala ta bii-lamata'u, soaneu tao langgenggeo hataholi sala tak-ka, na'den-na.

MAZMUR 64:6

Ala ho'u lahele dale tutu'u mangalaun-nala, ma lakokolaok, fo ala sanga lona hihi'ik; laedaenga, hataholi ta nita fa.

MAZMUR 73:11

Lafa'da lae, “Manetualain ta bubuluk fa, Manetualain Fo Mademaina, ta nalelak fa”

MAZMUR 94:7

Lafa'da lae, “Manetualain ta nita fas, Yakob Manetualain-na, ta taoafik neu fas.”

PENGKHOTBAH 8:11

Tao le'e de, mu'dak la'iesak-kana, hataholi-a tao tatao-nono'i mangalauk-ka? Hu kande ta fe huhukuk-ka no lai-laik fa.

YESKIAL 8:12

Manetualain nafa'da au nae, “Hai hataholi daebafak fo, manasapu-manalalok-konei, o mita basa mauli-malangan Israel-la, no denge-dengek, ala tao beek ndia? Ala tao makaluku-makatele nai mamanak fo henuk no sosongo-tatangok-ka, boema lafa'da lae Au la'oela nusak ia so, de Au ta ita sila tatao-nono'in ndia fa.”

YESKIAL 9:9

Boema, Manetualain nataa nae, “Hataholi Israel-la, ma hataholi Yehuda-la, ala tao basa sala-singok matuaina so. Ala tao kanisak nai basa mamanak lala'en-na, ma ala tao langgenggeo Yerusalem nenik tatao-nono'i managalauk-kala. Ala lafa'da lae Au, fo Manetualain, la'oela nusak ia so, nalosa Au ta hapu ita sila tatao-nono'in fa.

HOSEA 7:2

Ala ta hapu dudu'a-lan nai dudu'a-aafin-nala dalek, lae neukose Au afandele-a basa sila tatao-nono'i mangalaun sila-la fa. Tehu sala-singon-nala lakahapi-lalas, nalosa Au itas no mangale'dok.”

MARKUS 2:6

Mese agama de'u bee bei langatuuk lai ndia boe, de ala mulai bedoo nai dale nala dalek lae,

LUKAS 7:39

Lelek hataholi Farisi fo mana ka'i Yesu sa nita dede'ak ndia, boema ana dodoo nai dalen dale nae, “Leo uni ka hataholi ia nabi soona, tao leo bee o Ana bubuluk, see inak fo mana koila'e nana, ma nae inak ndia naso'da nai sala-singo ka dalek!”