MATEOS 9:37 - Susula Malalaok Hehelu Palak Ma Hehelu Beuk

³⁷ Boema Yesus nafa'da ana mana tunga nala nae, “Keketu-kokolu ka ba'u ka, tehu mana ketu-kolu ka'da lumaanak.

MATEOS 9:37 ပူးပေါင်းရင်းမြစ်များ

MAZMUR 68:11

Boema O anam-mala leo lai ndia; fo nai O dale malolem-ma dalek, ou Manetualain, O makaboboi hataholi nuu ta-hata tak-ka.

MATEOS 20:1

“Metema Manetualain paleta soona heheo-hihilun sama leo nakandandaak ia: Hataholi maosi angol esa ana kalua fafaik fo neu sanga hataholi soaneu laue-lale'di nai ndia osi angol dale.

MATEOS 28:19

Hu ndia de meu leo basa leoina manai daebafa ka lala'ena, fo taos da'di Au ana mana tunga ngala. Salanis ninik Ama ka na'de na, Ana ka nade'na, ma Manetualain Dula Dale na na'de na.

MATEOS 9:38

Hu ndia de, moke osi lamatuak ndia, fo daenga ana haitua mana ketu-kolu mai, fo ala ketu-kolu leona.”

MARKUS 16:15

Boema Yesus nafa'das nae, “Meu leo basa daebafa ka lala'ena meu, fo tui mamaloloa Manetualain Hala Malolen ndia neu basa hataholi daebafa ka lala'ena.

LUKAS 10:2

Yesus nafa'das nae, “Buna-boak fo neukose nanaketu-kolu ka ba'u ka, tehu manaso'u belak soaneu keketu-kokoluk, ka'da lumanak. Hu ndia de moke tina lamatuak, fo daenga ana haitua manaso'u belak mai soaneu ketu-kolu bubu'u-palusan buna-boan.

LUKAS 24:47

Susulak ia la boeo lafa'da lae, no Mane Mana Fe So'dak ndia na'de na, muse nanatui-bengak neu basa leoina lala'ena mae, hataholi daebafa ka muse tukatei-saledale, ma mafa'da mae Manetualain fe do'o do ampon neu sala-singo ka. Halak ndia muse nanatui-bengak mulai neme Yerusalem mai.

HATAHOLI 16:9

Le'odaen ndia duas lai Troas, boema Paulus nita ninitak esa. Nai ninitak ndia dalek, Paulus nita hataholi Makedonia esa napadeik nai mata na, boema hataholi ndia noke nanseli, fo neu leo Makedonia neu, fo ana tulu-fali duas.

HATAHOLI 18:10

Nana Au ok o. Ta hapu hataholi esa boen tao mangalauk neu o fa, nana Au hataholing makadotok nai kota ia dalek.”

1 KORINTUS 3:9

Ami nde bee na hataholi fo sama-sama maue-male'di soaneu Manetualain; ma emi nde bee na, sama leo Manetualain tina-osin. Tolanoo kala nde bee na, sama leo Manetualain uma na boe.

2 KORINTUS 6:1

Hu ka nde ami maue-male'di sama-sama mo Manetualain de ami dokodoe manseli fo emi boso makamiminak Manetualain dale malolen ndia.

KOLOSE 4:11

Yesus fo na'de Yustus boe. Neme hataholi Yahudi fo lamahele basa neu Lamatuak Yesus a, ka'da sila telu mesa kasa nde besak ia, ala tao-no'i lo au a, fo ami sama-sama makalala'ok Manetualain bela ba'un. Ala tulu-fali au te'e-te'e.

1 TIMOTIUS 5:17

Mauli-malanga salanik bee metema nakalala'ok bela ba'un no malole soona, nandaa ana hapu ha'da-holomata, diku la'i dua, lena-lenak, hataholi mana manggate tui-benga ma mana manoli-mafa'da ka

YAKOBIS 5:4

Emi ta bae hataholi mana so'ubelak manai emi tina-osi mala, ngga'di nala fa. Besak ia, mamanene hataholi sila dale haladoi na! Basa hataholi mana ketu-kolu emi tina-osim buna boa na, Manetualain fo Mana Koasa, namanene dale haladoi nala so.