MATEOS 9:36 - Susula Malalaok Hehelu Palak Ma Hehelu Beuk

³⁶ Lelek fo Yesus mete nita hataholi makadotok sila la, boema dale na tu'da neus, nanahu langgangok ma bendole-bendaku, sama leo bi'ilopo fo mana foon ta.

MATEOS 9:36 ပူးပေါင်းရင်းမြစ်များ

1RAJA-RAJA 22:17

Mikha balas nae, “Au ita solda'du Israel-la esa-esak tofak matan nai lete kala. Solda'du sila sama leo bi'ilopo fo manafoon taa, ma Manetualain kokolak la'eneu hataholi sila nae, ‘Hataholi ia la ta lanuu mauli-malangan fa. Neme na fo ala fali no so'da-molek.’ ”

2TAWARIKH 18:16

Mikha balas nae, “Au ita solda'du Israel-la tapasasala nai letek-kala. Sila sama leo bi'ilopo fo manafoon ta, de Manetualain kokolak la'eneus nae, ‘Hataholi ia-la mauli-malanga taak. Nemena fo ala fali le'us no so'da-molek.’ ”

YESAYA 13:14

Hataholi nusa dea manaleo nai Babel-la, neukose ala tapasasala, fo esa-esak nalai fali leo nusan-na neu. Sila sama leo nusa, fo nalai neme manafuli-danga mai, do bi'ilopo bubuak fo manafoon ta.

YEREMIA 50:6

Au anang-ngala sama leo bi'ilopo manapo'ilotak, fo ala latofa-lasalak nai lete pe'dak-kala hu ka nde manafoo tak, ala laputak leme letek esa leo letek fe'ek leu, ma ala tabubuluk sila uman-na nai be.

ZAKHARIA 10:2

Hataholi la loke natutu'duk neme sosongo-tatangok ma neme basa hataholi malelak-kala mai, tehu ala hapu natataak-ka nde been-na, ka'da masapepeko-masandandalik, ma kokola bafa louk mesan. Hapu nggelok lafa'da mangalele'do me'i-afek, tehu sila nafa'da mangalele'don-na, tao-na emi matofa-matalak, ma ala fe kokoe-nanasik-ka, sosoa-ndandaan ta. Hu ndia de, laun-na tapasasala, sama leo bi'ilopo-a. Ala male-tale, hu kande ta lanuu mauli-malangan fa.

ZAKHARIA 11:16

Nanahu neukose Au paleta manafoo esa, fo nanea Au bi'ilopo bubuang-nga, tehu ana ta taoafik neu bi'ilopo manasalak-ka, boeo ana ta puli-namo'do bi'ilopo bisuk-ka, ma ana ta fe bi'ilopo maso'dak-ka, na'a fa. Te se'kona, ndia nde na'a bi'ilopo maao-a paan-na, ma ana fe'a bana ndia eifangan-nala.

BILANGAN 27:17

hataholi fo, ana bisa da'di malanga solda'du matuaina, nai lelek ala latee-latati. Boso po'ilotak O anam ia-la, sama leo bi'ilopo fo manafoon ta.”

MATEOS 10:6

Te meu leo ka'da hataholi Israe la meu, lena-lenak hataholi mana mopo nala.

MATEOS 14:14

Lelek fo Yesus kona neme ofak lain mai de nita hataholi makadotok sila la boema, dale na he'di nanseli. Nai hataholi makadotok sila la dalek, hapu hataholi kamahe'dis ala boe. Boema Ana tao nalea-nahai la'iesa kasa.

MATEOS 15:24

Boema Yesus nataa nae, “Au nananadenuk ka'da soaneu leoina Israe la, lena-lenak soaneu mana sala eno kala.”

MATEOS 15:32

Basa boema Yesus nalo na ana mana tunga nala de nafa'das nae, “Au dale nga tu'da neu hataholi makadotok ia la. Faik telu dale na, ala sama-sama lo Au, de besak ia basa nana'a nala so. Au ta nau po'ilota kasa fali lo tei lou nala fa, te boso nalosak ala sapala'o nai enok.

MARKUS 6:34

Lelek fo Yesus kona neme ofak lain mai te nita hataholi makadotok lai ndia so. Yesus dale na tu'da, nana hataholi sila la sama leo bi'ilopo manafoo ta kala. Boema Ana mulai nanolis dede'ak ba'u ka.

MARKUS 8:2

“Au dale nga tu'da neu hataholi makadotok ia la. Faik telu dale na, hataholi sila la sama-sama lo Au, de besak ia basa nana'a nala so.

IBRANI 4:15

Ita Imam Matua inan ndia, ta nde imam fo ta hapu name'da nita ita tapandoe nala fa. Nasafali na, nanaso'ba-su'di basak, nai basa dede'ak lala'ena dalek, sama leo ita boe, ka'da Ana ta tao sala-singok fa!

IBRANI 5:2

Imam matua ina ndia, tapandoes nai dede'ak ba'u ka dalek, hu ka nde ndia de, ana muse tao mangana'uk soaneu hataholi ta mana bubuluk hata-hata ma mana la'ok sala eno nala.