MATEOS 9:20 - Susula Malalaok Hehelu Palak Ma Hehelu Beuk

^20-21 Nai eno tala'dak, hapu inak esa ana hapu he'di bulak de, ana po'a daak, teuk sana hulu dua dale na, ana mai deka no Yesus neme dea mai. Ana dudu'a nai dalen dale nae, “Sa'di au tai la'e ka'da ba'du manalu na soona, neukose au hai.” Boema ana koi la'e Yesus ba'du na pe'da na.

MATEOS 9:20 ပူးပေါင်းရင်းမြစ်များ

MATEOS 14:36

Ala dokodoe neu Yesus, fo sa'di ala hapu koila'e ba'du manalu na, leomae ka'da pe'da na boe. Basa hataholi kamahe'dis fo mana koila'e nana, ala hai beno'u.

MATEOS 23:5

Ta'ko ala pake kotak bana louk matua ina fo naisi Susula Malalao ka lalane nala, fo ala paken nai dedei nala ma alu nala boema ala tao lamanalu ba'du manalu nala fifiko na!

MATEOS 9:19

Boema Yesus no ana mana tunga nala fo'a de ala tunga hataholi ndia.

MARKUS 6:56

Yesus losa bee, nau nai nusak bee do nai kota bee, do nai nggolok bee ndia boe, hataholi la lo hataholi kamahe'di sala leo ndia leu, fo langapepe'u kasa leu uma la so'da na. Hataholi la loke lanseli, fo fe hataholi kamahe'dis sila la loak, fo sa'di ala koila'e Yesus ba'du manalu na, leomae ka'da pe'da na boe. Basa hataholi kamahe'dis manataila'e nana, ala hai beno'u.

MARKUS 8:22

Ala losa Betsaida boema, hataholi la lo hataholi pokek esa leo Yesus neu fo loken nafaloe hataholi pokek ndia fo nakahahai kana.

HATAHOLI 19:12

Metema Paulus pakenita lesu do kalikee bee fo metema linis leo hataholi kamahe'di sala leu soona ala lea-hai, ma dula dale mangalau kala kalua leme hataholi sila la aon dale mai.

HATAHOLI 5:15

Hu ka nde manda'di beuk sila la, de ala tao hataholi kamahe'dis ala leu pepe'u kala lain do ne'a kala lain fo los leo enok lain neu, fo sue ka nde sa'di Petrus salao na la'es, metema Petrus la'ok tunga ndia.

ULANGAN 22:12

Tao fifikok neu, emi bua-papakem-ma pe'dan haas.”