MATEOS 9:2 - Susula Malalaok Hehelu Palak Ma Hehelu Beuk

² Ana losa ndia boema hataholi la ndolo lo hataholi lu'uk esa pe'u-pe'u nai ne'ak lain. Lelek Yesus nita hataholi sila namahehele na ba'u na seli, boema nafa'da hataholi lu'uk ndia nae, “Matetea o dale ma, ana ngo! Te o sala-singom hapu do'o do ampon so.”

MATEOS 9:2 ပူးပေါင်းရင်းမြစ်များ

PENGKHOTBAH 9:7

Ayo, ka'da mu'a-minu ma mamahoko-setelee leona, minu o angol-la no namahoko-seteleek. Manetualain nakahe'ik, nakalenak Ana nau.

YESAYA 44:22

Au usiheni o salam-ma, sama leo ko'as-sa, Au usi heni o sala-singom, sama leo ko'dendenuk-ka. Fali ma'im-ma, leo Au mai leona, nana Au soi-po'i o so!”

MATEOS 14:27

Tehu Yesus nataa tutik nae, “Boso bii! Te Au ia Yesus. Dale mala tesa-tama leona!”

MATEOS 4:24

Ala benga Yesus nafeo basa nusa Siria lala'ena, nalosa hataholi makadotok mai leo Yesus mai. Ala lo basa hataholi kamahe'di mata-mata kala ma hataholi mana to'a-ta kala. Hataholi nitu sa'e kala, kamulu bi'i kala, ma lu'u ei kala de Yesus nakahahaik basa-basas.

MATEOS 6:12

Fe do'o do ampon neu ami sala-singo mala, sama leo, ami fe do'o do ampon neu basa hataholi fo mana tao salak neu ami a.

MATEOS 8:10

Lelek fo Yesus namanene hata fo malanga solda'du matua ina ndia hala-kokola na boema Ana dodoo doa kana. Boema nafa'da basa hataholi mana tunga nana nae, “Hataholi ia anseli. Nanahu nai hataholi Israe la dalek, Au beita atongo o hataholi namahehelen ba'u ia fa!

MATEOS 8:16

Nai lelek sanga le'donoso, boema hataholi la lo hataholi nitu sa'ek makadotok leo Yesus mai. Boema no ka'da dede'ak de'ek esa mesa kana de Ana usiheni basa dula dale mangalauk sila la. Ana nakahahaik hataholi kamahe'dis makadotok boe.

MATEOS 9:22

Hatematak ndia boe, Yesus lipa leo dea neu, de nita inak ndia boema, nafa'dan nae, “Matetea o dale ma leon ana ngo! Hu ka nde o mamahele au de, o hai so!” No hatematak ndia boe, inak ndia hai.

MATEOS 9:5

Bee ka nde ndofo na lena: afa'da ae, ‘O sala-singom hapu do'o do ampon so’, do au afa'da ae, ‘Fo'a fo la'ok leona’?

MATEOS 9:6

Tehu besak ia neukose Au fe emi buti esa nae, nai daebafa ka Ana Hataholi ka nanuu koasa fe do'o do ampon neu sala-singo ka.” Boema Yesus nafa'da hataholi lu'uk ndia nae, “Fo'a fo ho'i ma o ne'a ma fo fali mu'u ma leona!”

MARKUS 1:32

Le'donoso de le'do tenak boema, hataholi la lo basa hataholi kamahe'di sala ma hataholi nitu sa'e kala leo Yesus mai.

MARKUS 10:49

Boema Yesus nate'e de nae, “Malo dein.” Dadi lalo hataholi pokek ndia. Lafa'dan lae, “Denge-denge leona! Te Yesus nalo o de fo'a fo mu leona!”

MARKUS 5:34

Boema Yesus nafa'dan nae, “Ana ngonei, hu ka nde o mamahele Au de o lea-hai! Mu'u ma no so'da-molek leona. Te o lea-hai makandoo so!”

MARKUS 6:50

de nalosa ala bii ma lakadii-lakau. Nana basa-basas litan de ala nggenge lanseli. Tehu Yesus kokolak nos tutik nae, “Makatetesak emi dale mala! Te Au Yesus, de boso bii!”

YOHANIS 16:33

Au afa'da basa dede'ak ia la, fo ela emi hapu so'da-molek, hu ka nde emi da'di esa mo Au. Neukose emi to'a-sota nai daebafa ka. Tehu matetea-mahehele emi dale ma! Nana Au sengi daebafa ka so!”

YOHANIS 2:25

Ta paluu hataholi nafa'da mangalele'do hataholi esa boen, la'eneu Yesus fa, nana Ana bubuluk basa hataholi daebafa ka dale na so.

YOHANIS 21:5

Yesus natanes nae, “Ana ngala lemin, ade emi hapu i'ak boe do?” Tehu lataa lae, “Ta ma.”

HATAHOLI 14:9

Tou lu'uk ia boeo nangatuuk nai ndia fo namanene Paulus kokola na. Paulus nita tou lu'uk ndia namahele te'e-te'e de ana bisa lea-hai. Paulus meten,

HATAHOLI 19:12

Metema Paulus pakenita lesu do kalikee bee fo metema linis leo hataholi kamahe'di sala leu soona ala lea-hai, ma dula dale mangalau kala kalua leme hataholi sila la aon dale mai.

HATAHOLI 23:11

Balahaa le'odae boema, Lamatuak Yesus napadeik neu Paulus boboa na de nafa'dan nae, “Matetea-mahehele o dale ma! Te o fe basa sakasii la'eneu Au neme Yerusalem so, de neukose o muse fe sakasii leondia ka nai Roma boe.”

ROMA 5:11

Lenak neme ndia mai, ita boeo tamahoko nai Manetualain dalek, tunga ita Lamatuan Yesus Kristus. Nana besak ia ita hapu mole-dame ndia tunga Kristus.

YAKOBIS 2:18

Fafakama nggelok lafa'da lae, “Hapu hataholi nggelok lamahena neu namahehele na, ma nggelok lamahena neu tatao-nono'in”. Soona, neukose au ataa ae, “Matu'du au, tao leo bee fo hataholi a nanuu namahelek, tehu tatao-nono'in fe'ek, boema au atu'dun nai au tatao-nono'ing dalek ae, au anuu namahehelek.”