MATEOS 8:8 - Susula Malalaok Hehelu Palak Ma Hehelu Beuk

⁸ Tehu malanga solda'du ndia nafa'dan nae, “Au ta andaa sipok Ama nai au umang fa. Ka'da Ama paleta leona. Neukose au atang ndia ana hai.

MATEOS 8:8 ပူးပေါင်းရင်းမြစ်များ

KEJADIAN 32:10

Au ta andaa sipo basa susue-lalaik, ma lilinekak lala'en fo Amak-ka natu'du basan neu au so. Lelek au la'o, de au lena Lee Yarden-na, au ta ini hata esa boen, te ka'da aitete'ek-ka mesak-kana. Besak ia, au falima'ing-nga o hataholi bubua ka duak ia-la.

MAZMUR 10:17

Manetualain, O mamanene hataholi nananakadadaek-ka, huhule-haladoin, ma O matetea-mahehele dalen-nala.

MAZMUR 107:20

Ana tao nalea-nahais nenik paletan-na, ma Ana fes lala bolo mamates-sa deak.

MAZMUR 33:9

Nana Ana kokolak, boema basa-basan nananakadada'dik; Ana fe paleta, boema basa-basan da'di.

BILANGAN 20:8

“Ho'i-ma ai tete'ek manai Peti Hehelu-balataak-ka matan-na, boema o moo Harun, muse maloo makabubua basa hataholi Israel-la lala'en-na. Nai basa-basas matan, o muse mafa'da neu pupuku batu manai ndia, fo ela nasapoka oe mai. No enok ndia, o kalua oe-a neme pupuku batu ndia dalek mai, fo ela laun-na ma bana-manun-nala hapu linu.”

MATEOS 3:11

Au salani emi ninik oe fo daenga emi tukatei-saledale meme emi sala-singo mala mai; tehu basa au fai nga soona, hataholi esa ana mai fo, Ana salani emi ninik Manetualain Dula Dale na ma ha'i. Hataholi ndia ba'ulena au, de au ta andaa ho'u ta'buei na boen.

MATEOS 3:14

Tehu Yohanis so'ba ta sipok Yesus nonoken ndia fa. Yohanis nae, “Tunga ndo na, Ama nde muse salani au dei. Tehu besak ia, Ama nde mai noke au salani Ama bai?”

MATEOS 8:3

Boema Yesus nafaloe hataholi ndia de nafa'dan nae, “Au nau de, hai leona!” No hatematak ndia boe, he'di na mopon.

MATEOS 8:7

Boema Yesus nafa'dan nae, “Neukose Au u akahahai kana.”

MATEOS 8:9

Nanahu au boeo muse akatele neu au malanga na paleta na. Boema nai au dae boeo, bei hapu solda'du ana kala, fo sila muse lakatele neu au paleta nga boe. Metema au adenu solda'du esa ae, ‘La'o!’ soona, ana la'o. Boema au afa'da seluk esa ae, ‘Mai ia!’ soona, ana mai; boema metema au paleta au ata nga ae, ‘Tao ia leon!’ soona ana taon.”

LUKAS 15:19

Au ta andaa da'di ama anan so'on. Mafa'da mae, au da'di ama hataholi manaue-male'din.’

LUKAS 15:21

Boema ni'iana ndia nafa'da aman nae, ‘Ama, au asala-asingo basa neu Manetualain ma neu Ama so. Au ta andaa da'di Ama anan so'on.’

LUKAS 5:8

Lelek Simon nita ndia boema, ana sene-do'ok neu Yesus mata na boema nae, “La'oela au Lamatuak! Nana au hataholi masala-masingok!”

YOHANIS 1:27

Ana mai nakabuik neme au mai, tehu se'i ta'bu ei na tali na boeo, au ta andaa fa.”