MATEOS 8:4 - Susula Malalaok Hehelu Palak Ma Hehelu Beuk

⁴ Boema Yesus nafa'dan nae, “Mafandendelek! Boso tui hataholi esa boen. Tehu besak ia mu leo ima ma mu fo moken nafa'da nae, tete'e ka o hai so. Basa ndia soona, fe tutunu-hohotuk tunga Musa paleta na, fo ana da'di buti esa soaneu hataholi la bubuluk lae, te'e-te'e o lea-hai so!”

MATEOS 8:4 ပူးပေါင်းရင်းမြစ်များ

YESAYA 42:21

Manetualain nau soi-tefa; Ana hii fe ha'da-holomata, ma mamatutua-mamadedema hoholo-lalanen.

IMAMAT 13:49

ma pulu po'ok ndia, dulan-na momo'dok, do pilabalanggeok, soona pulu po'ok ndia nde been-na pulu po'ok, fo ana sii dapa-dapa, de muse natu'dun neu imam-ma.

MATEOS 10:18

Neukose lo emi meu mataa mana koasa la, mane-mane kala, nana Au ana mana tungang emi. Soona nai ndia nde emi hapu loak soaneu emi fe sakasii la'eneu Au soaneu hataholi manai sila la, ma hataholi fo ta lalelak Manetualai na fa.

MATEOS 16:20

Basa ndia boema Yesus fe ana mana tunga nala nasanene'dak, fo boso lafa'da su'di see a lae, Ndia nde Mane Mana Fe So'da ka.

MATEOS 17:9

Lelek fo ala kona leme letek lain mai, boema Yesus pa'da kasa nae, “Boso mafa'da na'kasa emi mita manda'dik ndia, neu hataholi esa boen, metema Ana Hataholi ka, Ana beita naso'da falik neme mamate sa mai fa.”

MATEOS 3:15

Tehu Yesus nae, “Neme na fo basa sila lala'ena, ala da'di. Nanahu no enok ndia de, ita tao tatetu Manetualain hii-nanaun.” Boema Yohanis salani Yesus leona.

MATEOS 5:17

“Emi boso maedaenga Au mai fo Au loseheni Musa hoholo-lalanen ma nabi la nanoli nala. Au ta mai loseheni fas, tehu Au mai afa'da mangalele'do sosoa-ndandaa matetu nala.

MATEOS 6:1

“Mafandendelek, fo boso makalala'ok agama hoholo-lalanen nai lea matan, fo hataholi la lita. Metema emi tao leondiak soona, neukose emi Amam manai nusa so'da ka, Ana ta fe emi ngga'di fa.

MATEOS 9:30

Boema duas hapu lita leona. Yesus balataa duas, fo daenga boso lafa'da dede'ak ndia neu hataholi esa boen.

MARKUS 13:9

Emi muse manea matalolole, nana neukose ala ho'u la emi fo ala lele'a-loloso emi leo manamaketu-mala'di Agama matua meu. Neukose ala fepa-li'u emi nai uma mamaso kala dalek. Neukose lo emi meu mataa manaho'u paleta la ma mane kala, nana Au ana mana tungang emi. Tehu no dede'ak ndia fo emi hapu fai loak soaneu emi tui-benga Au neu hataholi sila la.

MARKUS 3:12

Tehu Yesus kenaka'is no mahelek fo ala boso tui-benga, see Yesus ndia.

MARKUS 5:43

Tehu Yesus kena ka'is no mahelek, fo ala boso tui-benga dede'ak ndia neu su'di see a boen. Boema nafa'das nae, “Fe ni'iana ndia na'a-ninu leona.”

MARKUS 6:11

Tehu makanaema emi losa mamanak esa fo hataholi sila la ta nau sipok emi do ala ta nau lamanene emi fa soona, la'oela mamanak ndia. Soona ngganggafuheni afu manai emi ei dale ma, fo ana da'di neu nasanene'dak esa soaneu hataholi sila la!”

MARKUS 7:36

Boema Yesus kena-ka'i basa-basas fo ala boso tui dede'ak ndia neu su'di see a boen. Tehu Yesus boetai kena-ka'is, te sila boeo boetai tui-benga lakandoo.

MARKUS 8:30

Boema Yesus fes nasanene'dak fo ela ala boso lafa'da hataholi esa boen, la'eneu see Yesus ndia.

MARKUS 9:9

Lelek fo ala kona leme letek ndia lain mai boema, Yesus fes nasanene'dak nae, “Boso tui hataholi esa boen, hata fo na'ka sa emi mitak ndia, nakahuluk neme Ana Hataholi ka naso'da falik neme mamate sa mai.”

LUKAS 17:14

Lelek Yesus mete nitas boema nae, “Meu leo ima mala, fo mokes ala palisak emi ao ma.” Ala bei bela'o te he'di nala lea-hai so.

LUKAS 21:13

Ndia nde fai loak ba'eneu emi soaneu tui-benga Hala Malole maneme Manetualai na mai.

LUKAS 4:41

Dula dale mangalau kala boeo kalua leme hataholi makadotok boema ala nggasi beau lae, “Manetualain Anan O!” Tehu Yesus nasapalas ma Ana ta fes loak kokolak fa, nana ala bubuluk lae, Ndia nde Mane Mana Fe So'da ka.

LUKAS 5:14

Boema Yesus ka'i hataholi ndia fo ela ana boso tui dede'ak ndia neu su'di see a boen. Nafa'dan nae, “Mu leo ima ma mu leona, fo moken soaneu nafa'da tete'e ka, o lea-hai so. Boema mu fo fe tutunu-hohotuk sama leo Musa paleta ka, fo da'dileo buti neu hataholi la lae, o hai te'e-te'e so.”

LUKAS 8:56

Ni'iana ndia ina-aman dodoo doa kana lanseli. Tehu Yesus kena-ka'is, fo boso lafa'da manda'dik ndia neu su'di see a boen.

LUKAS 9:21

Boema Yesus nafa'da ana manatunga nala nae, “Boso mafa'da dede'ak ndia makandondook neu su'di see a boen.”

YOHANIS 5:41

Au ta sanga kokoa-kikiok neme hataholi daebafa ka mai fa.

YOHANIS 7:18

Ba'eneu see fo nanoli tunga ka'da malela mesa na, ana sanga hataholi koa-kion. Tehu hataholi fo ana sanga ha'da-holomata fe Hataholi manamadenu nana, soona hataholi ndia dale na ndoos, ma ta masapepekok fa.

YOHANIS 8:50

Au ta sanga ha'da-holomata neu Au fa. Hapu ka'da esa mesa kana nde sanga ha'da-holomata soaneu Au, nde Ndia fo manamaketu-mala'di ka.