MATEOS 8:11 - Susula Malalaok Hehelu Palak Ma Hehelu Beuk

¹¹ Tete'e ka! Neukose hataholi ba'u ka ala mai leme dulu ma muli mai, fo lamahoko sama-sama lo Abraham, Isak ma Yakob nai Manetualain Daebafa Beun dale.

MATEOS 8:11 ပူးပေါင်းရင်းမြစ်များ

KEJADIAN 12:3

Neukose, Au ba'e-pala hataholi fo, manafe o baba'e-papalak, ma Au soo-supa hataholi fo, manasoo-supa o-a. Ma hu kande o, de neukose Au ba'e-pala basa leoina manai daebafak-ka lala'en-na.”

KEJADIAN 22:18

Basa leoina manai daebafak-ka, neukose ala dokodoe neu Au, fo daenga Au ba'e-pala sila, sama leo Au ba'e-pala basa o tititi-nonosim so – nanahu o tunga Au paletang-nga so.”

KEJADIAN 28:14

Neukose o tititi-nonosim, de'u afu manai daebafak-ka. Neukose, ala tao lamaloa sila nusan-na, leo boboak lala'en-na neu, ma neukose Au ba'e-pala basa leoina manai daebafak-ka.

KEJADIAN 49:10

Neukose Yehuda ho'u aitete'e nusak-ka, neukose tititi-nonosin paleta losa dodoon-na. Neukose leoina-kala leni bea mai, ma ala senek ma lakatele nai matan-na.

MAZMUR 22:27

Neukose hataholi nuu-taa hata-taak-ka, na'a losa nakabete; hataholi fo ana mai leo Manetualain mai, neukose ana koa-kion. Sa'di leo been-na, emi tetu-temak losa dodoon-na!

MAZMUR 98:3

Ana nafandele neu susue-lalain, ma lilinekan neu Israel fo, anan-nala. Basa leoina manai daebafak-ka lala'ena, lita basa ita Manetualain-na, sesengin-na so.

YESAYA 11:10

Neukose fain-na losa, leoina-la tao matak neu manek esa, neme Dauk tititi-nonosin mai. Neukose ala mai neun, ma ala koa-kio mamana leleon-na.

YESAYA 49:12

Au anang-ngala, mai beosu leme dook-ka mai, leme kii, muli ma Sinim fo nai kona.”

YESAYA 49:6

Manetualain nafa'da au nae, “Hai Au atang-ngo nei, bela-ba'u mabelaina, nahani o; neukose, ta ka'da o moo falik Yakob tititi-nonosin fo, bei elak-kala fa, ma ta mabebeu leo-leo Israel-la, matua-mademan, tehu Au tao o da'di mangale'dok, ba'eneu leoinak-kala, fo ela, basa daebafak-ka lala'en-na, nanasoi-tefak.”

YESAYA 52:10

Manetualain natu'du koasan-na, nai basa leoina lala'en-na, matan-na. Boema basa daebafak-ka lala'en-na, sakasii so'da-molek-ka, neme ita Manetualain-na mai.

YESAYA 59:19

Neukose basa hataholi-la, leme dulu losa muli, ala bii-lamata'u neu koasa ma matua-mademan. Neukose, Ana mai sama leo lee, fo oen-na naneni, fo Manetualain ani hahaen-na, nde taon-nan naneni ndia.

YEREMIA 16:19

Manetualain, O nde masulu-mahapa au-a, ma fe be'i-balakaik neu au; O tulu-fali au, nai lelek au nai dudu'a-aafi makale'ok-ka dalek. Leoina-leoina fo maneme pe'dak leo pe'dak neu-a neukose ala mai leo O-a fo lafa'da lae, “Emi bei ba'i-kain-nala lanuu lamatuak daebafak masapepekok fo sosoa-ndandaan tak makandondook nanseli.

DANIAL 2:44

Nai lelek manek sila-la paleta, Manetualain manai nusa so'dak-ka, neukose napadedeik nusak esa fo neukose nakatatakak losa dodoon-na, ma neukose leoina bee boe ta hapu sengi fan. Nusak ndia neukose tao nakalulutuk basa nusa fe'ek sila-la lala'en-na.

MALEAKHI 1:11

Basa leoina manai daebafak-ka lala'en-na, ala fe ha'da-holomata neu Au. Ala tunu boomenik, su'di nai bee-bee boe, fo ala fe ha'da-holomata neu Au na'deng-nga, ma ala tunu-hotu tutunu-hohotuk-ka nandaa, nana basa leoina-la, ala fe ha'da-holomata neu Au!

MATEOS 21:41

Lataa lae, “Tao leo bee o ana taonisa hataholi mana'a ngga'di mangalauk sila la, fo ana fe hataholi fe'ek se'ba osi angol ndia, fo neu fai na soona, hataholi ndia ana nau laba'e dae ndia isi na.”

MATEOS 24:31

Pupuu matua ina nanapuuk soona neukose Ana Hataholi ka nadenu ata nusa so'da nala tao lakabubua hataholi kamahehele nala leme daebafa ka bu'un has mai, ma leme lalai pe'dan esa losa pe'dan esa.”

MATEOS 3:2

“Tukatei-saledale meme emi sala-singo mala mai leona, nana ta doo ka so'on te, neukose Manetualain Ana paleta leo Mane ka so!”

MATEOS 8:10

Lelek fo Yesus namanene hata fo malanga solda'du matua ina ndia hala-kokola na boema Ana dodoo doa kana. Boema nafa'da basa hataholi mana tunga nana nae, “Hataholi ia anseli. Nanahu nai hataholi Israe la dalek, Au beita atongo o hataholi namahehelen ba'u ia fa!

LUKAS 12:37

Ua-nalek ba'u na seli ba'eneu malalau-maoono fo tua na hapu nan bei nahani lahele nai lelek tua na mai. Mamahele leona! Neukose tuan ndia nahehele aon fo nadenu malalau-maoonon sila la langatuuk fo nalalau-naoonos.

LUKAS 16:22

Makabui na boema hataholi nuu ta-hata tak ndia maten, de ata nusa so'da kala lon leo mamana maha'da-holomata ka nai nusa so'da ka fo nai Abraham boboa na. Hataholi kamasu'ik ndia boeo maten de latoin.

HATAHOLI 10:45

Hataholi Yope kamahehelek fo mana tunga Petrus ala, nde bee na hataholi Yahudi sila la. Basa-basas dodoo doa kana lita Manetualain fe Dula Dale na neu leoina fe'ek fo ta hataholi Yahudi la fa.

HATAHOLI 11:18

Lamanene Petrus kokolan dede'ak ndia boema ta lase'i so'on. Boema ala koa-kio Manetualain leona. Lafa'da lae, “Metema leondiak soona, hataholi ta Yahudi la boeo, Manetualain fes fai loak soaneu ala tukatei-saledale leme sala-singo nala mai, ma ala hapu lame'da lita so'da matetu ka!”

HATAHOLI 14:22

Nai kota sila la, duas latetea-lahehele ma lanoli-lafa'da hataholi mana tunga Yesus manai kota sila la, fo daenga lamahele lahele Yesus. Lanoli-lafa'das lae, “Ita muse doidoso ba'u ka takahuluk, fo besa ka ita hapu namahokok nai Manetualain Daebafa Beu na dalek.”

HATAHOLI 14:27

Lelek ala losa Antiokia, boema lalo lakabubua basa mamasok ndia salani nala de ala tuis, basa hata fo Manetualain tao-no'in tunga sila dua. Boeo ala tuis la'eneu tao leo beek de, Manetualain soi enok fe hataholi ta Yahudi la fo lamahele Yesus.

1 KORINTUS 15:20

Tehu nananitak, Kristus nanatao naso'da falik neme mamate sa mai so. Ia nde da'di bua nape'dak esa nae, hataholi manamate basa kala, neukose nanatao naso'da falik.

1 KORINTUS 6:9

Ade emi bubuluk hataholi ta manatunga Manetualain hihii-nanau na, neukose ala ta da'di lima eik neme Manetualain hataholi kamahehele nala mai fa do? Boso fe hataholi ke'dindiu na emi! Hataholi manatao-no'i sosoa-piao kala, manasongo-tango kala, manahohonge kala, touk fo nase'o ao paa na neu ina kala fo ana hapu doik, touk manatao tatao-nono'ik fo manini mamaek soaneu nonoo tou na ma saoina na,

EFESUS 3:6

Dede'a nafunik ndia, nae leo ia: Tunga Hala Malole ndia de, hataholi ta Yahudi la lame'da lita Manetualain baba'e-papalan, fo makahulu na Ana sadian ka'da soaneu hataholi Yahudi la. Tehu hataholi ta Yahudi la da'di lima eik neme aok fo sama mai de, sila boeo sipo hata fo Manetualain helu basa ka, tunga Kristus Yesus.

KOLOSE 3:11

Basa dede'ak sila la mate'e na nde, leomae hataholi Yahudi do hataholi ta Yahudi, hataholi nanasunat do hataholi nanasunat beitaak, hataholi manamai do hataholi malela ha'da tak, ata do malangan boeo, basa-basas sama, nanahu Kristus nde basa hata lala'e na, ma Ana da'di esa no basa hata lala'e na!

2 TESALONIKA 1:5

Emi hapu doidosok sila la, hu ka nde Manetualain Daebafa Beu na. Hu ndia de, emi mandaa masok leo dalek meu.

NINITAK 7:6

Asyer, Naftali, Manasye,