MATEOS 7:28 - Susula Malalaok Hehelu Palak Ma Hehelu Beuk

²⁸ Yesus nanoli nate'e boema, hataholi manai sila la, ala dodoo doak nanoli na.

MATEOS 7:28 ပူးပေါင်းရင်းမြစ်များ

MAZMUR 45:2

Dede'a-kokola mana'ahiik-kala, lua ponu-ponu neme au daleng dale mai, au akamee fe manek-ka, au nakameeng-nga. Sama leo hataholi bini esa engen-na, au maang-nga naheheleaon kokolak bini.

MATEOS 11:1

Yesus fe basa natutu'duk neu ana mana tunga kasanahulu dua nala boema, Ana la'oela mamanak ndia. Neu nanoli ma tui-benga Manetualain hala hehelu na, nai kota mana dekak sila la.

MATEOS 19:1

Yesus nafa'da basa dede'ak sila la boema Ana la'oela Galilea, de neu leo nusa Yudea, nai Lee Yarden-na selik neu.

MATEOS 22:33

Lelek fo hataholi makadotok sila la lamanene Yesus nae leondia boema, ala dodoo doak lanseli ma bafa nala bee poo soaneu nanoli na.

MATEOS 26:1

Yesus nanoli basa nanolik sila la boema nafa'da ana mana tunga nala nae,

MATEOS 7:27

Nai lelek fo ani sangu ma faa tua ka ana mai, fo ana fepa uma ndia soona, ana tu'u neu fo nakalulutuk!”

MATEOS 7:29

Nanahu Yesus nanoli no napalanik, ta sama no sila mesa agama nala fa.

MARKUS 1:22

Hataholi manamamanene nanoli na, ala dodoo doa kana ma bafanala beepoo la'eneu Ana nanoli na. Nana nanoli no heohaan, de ta sama no mese agama la fa.

MARKUS 11:18

Malanga ima mala ma mese agama la lamanene Yesus kokolan ndia boema, ala mulai sanga enok fo taolisan. Tehu ala biin, nana basa hataholi la koa-kio nanoli na.

MARKUS 6:2

Nai Fai Saba ta boema, Ana mulai nanoli nai uma mamaso kala dalek. Hapu hataholi makadotok lai ndia. Lelek fo hataholi sila la lamanene Yesus nanoli na boema, ala dodoo doa kana lanseli. Bekola lae, “Hataholi ia Ana hapu basa nanolik sila la leme bee mai? Manatee tenok matak leo beek ia nai Hataholi ia dudu'a-aafin dale? Tao leo beek de, Ana hapu tao manda'di beuk?

LUKAS 19:48

tehu ala ta hapu enok soaneu tao fan, nanahu basa hataholi la ka'da lamanene lahelen, ma lahiik hala-kokolan.

LUKAS 2:47

Basa hataholi fo lamanene nana, ala dodoo doa kana, nanahu natataa nala la'e-la'e mesan.

LUKAS 4:22

Ana kokolak dede'a-kokola kala neulau hiik, nalosa hataholi la bafa nala bee poo ma ala sipok hata fo nafa'da ka. Tehu lafa'da lae, “Ade Yusuf ana na, ta nde ia fa hetu?”

LUKAS 4:32

Lelek litan nanoli boema bafa nala bee poo, nana Ana kokolak no heohan.

LUKAS 7:1

Yesus nafa'da basa dede'ak sila la neu hataholi makadoto kala boema neu leo Kapernaum neu.

YOHANIS 7:15

Basa mana koasa Yahudi la dodoo doa kana, boema bekola lae, “Tao leo bee de, hataholi ia nalelak basa dede'ak sila la, te see ko na, Ana ta sakola nita fa?”

YOHANIS 7:46

Boema hataholi sila la lae, “Waa, beita la'iesa boen, fo hapu hataholi ana kokolak sama na leo Hataholi ndia kokola na fa!”