MATEOS 7:14 - Susula Malalaok Hehelu Palak Ma Hehelu Beuk

¹⁴ Mafandendelek te, lelesu fo menini hataholi a leo nusa so'da ka neu a, makabi'a anak ma toto'a-sosotan ba'u na seli. Hu ndia de, ka'da hataholi lumanak nde tunga enok ndia.”

MATEOS 7:14 ပူးပေါင်းရင်းမြစ်များ

MAZMUR 16:11

O matu'du au, enok manaleo maso'dak-ka neu; nai O dalek, au hapu namahoko-seteleek fo, manasasi kao-kaok-ka, ma ua-nalek-ka losa dodoon-na.

AMSAL 8:20

Au tunga enok ndoos ma matetuk-ka, au la'ok nai enok fo tunga ka'da ndoon-na.

YESAYA 30:21

Metema, emi singo heni enok-ka soona, neukose emi mamanene halan-na, neme emi deam-ma mai, nae, “Enok-ka nde ia; tunga enok ia leona.”

YESAYA 35:8

Neukose, hapu okofoo nai naa, na'de, “enok manaleo so'da-molek-ka neu.” Neukose hataholi masala-masingok-ka, ta tunga enok ndia fa, hataholi nggoak-ka, neukose ana ta taon-na hataholi manatunga enok ndia, sala enok ndia fa.

YESAYA 57:14

Nggelok lafa'da lae, “Tao, ma sadia enok ba'eneu Au anang-ngala, soliheok basa mana mapanggenggek lala'en-na.”

YEREMIA 6:16

Manetualain nafa'da anan-nala nae, “Mapadeik meu eno kaba'ek-kala, fo taoafik matalolole! Matane eno-enok makahulun eli-la, fo enok sila-la, beek-ka nde malole. Soona tunga enok ndia leona, fo ela emi maso'da no nee-nee lino-linok.” Tehu lafa'da lae, “Ta, ami ta nau tunga enok ndia fa!”

MATEOS 20:16

Boema Yesus kokolak seluk nae, “Leondiak boe hataholi makabui ka, neukose ana da'di hataholi makahuluk, ma hataholi makahulu ka, neukose ana da'di hataholi makabuik.”

MATEOS 22:14

Boema Yesus tui nate'e nakandandaak ndia nae leo ia, “Ba'u ka nananalook, tehu faa ka nanahelek.”

MATEOS 7:13

“Masok tunga lelesu makabi'a ka leona, te lelesu ma enok mana leo tasi ha'ik dale neu a, maloa de hataholi ba'u ka hii tunga enok ndia.

MATEOS 7:15

“Masanene'dak neu nabi pepeko kala, te lasale mai soona sama leo bi'ilopo a, te see ko na dale nala sama leo busa fui makaa mangalau ka.

MARKUS 8:34

Basa boema, Yesus nalo hataholi makadotok manai sila la ma ana mana tunga nala de nafa'das nae, “Hataholi mananau tunga Au a, muse nafandeleheni hihii-nanaun fo basa soona, ana lu'a ai nggangena, fo ana tunga nahele Au.

LUKAS 12:32

“Emi dede'u ma ka'da lumanak mesa kana de boso bii! Nana emi Amam boeo no namahokok hapu paleta nai emi maso'da ma dalek.

YOHANIS 16:2

Neukose ala usiheni emi neme uma mamaso kala dalek mai. Boema losa fai na te, hataholi mana taonisa emi a, neukose naedaenga ndia tao malole soaneu Manetualain nde ndia so.

YOHANIS 16:33

Au afa'da basa dede'ak ia la, fo ela emi hapu so'da-molek, hu ka nde emi da'di esa mo Au. Neukose emi to'a-sota nai daebafa ka. Tehu matetea-mahehele emi dale ma! Nana Au sengi daebafa ka so!”

HATAHOLI 14:22

Nai kota sila la, duas latetea-lahehele ma lanoli-lafa'da hataholi mana tunga Yesus manai kota sila la, fo daenga lamahele lahele Yesus. Lanoli-lafa'das lae, “Ita muse doidoso ba'u ka takahuluk, fo besa ka ita hapu namahokok nai Manetualain Daebafa Beu na dalek.”

ROMA 12:2

Boso tunga daebafak ia, ha'da-tataon. Neme na fo Manetualain tao na emi ha'da paliin da'di beuk, fo ela emi tukatei-saledale. No enok ndia, besa ka emi malelak matalolole Manetualain hihii-nanaun, fo nde, bee ka nde malole ma bee ka nde nandaa no dale na ma matetu-mandaa ka.

ROMA 9:32

Te tao le'e de, ala ta hapu buna-boan fa? Nana ala tao dede'ak ndia ta tunga namahehelek neu Manetualai na fa te, tunga ka'da sila hihii-nanau mesa nala. Boema ala tu'da de lakatunu neu “Batu Nakatutunu ka.”