MATEOS 7:11 - Susula Malalaok Hehelu Palak Ma Hehelu Beuk

¹¹ Leomae emi ia, hataholi mangalau kala boe, tehu emi boeo bubuluk fe hata malole neu emi ana mala boe. Muda hata no emi Amam manai nusa so'da ka bai! Neukose Ana fe hata malole neu hataholi manoke neu na.

MATEOS 7:11 ပူးပေါင်းရင်းမြစ်များ

KEJADIAN 6:5

Manetualain nita hataholi daebafak-kala tatao-nono'i mangalaun-nala, ba'un-na seli nai daebafak-ka; dudu'a-aafin-nala mangalauk tataas esa.

KEJADIAN 8:21

Tutunu-hohotuk ndia, boomenin-na tao namahoko Manetualain dalen-na, boema Ana dodoo nai dalen dalen-nae, “Neukose Au ta soo-supa seluk daebafak ia so'on, hu kande hataholi daebafak-ka tatao-nono'in; Au bubuluk, hataholi daebafak-ka dudu'a-aafin ndia, mangalauk neme bei muli-solun-na mai. Neukose, Au ta tao amopo-amate basa mahahae maso'dak, fo bei kaso'dak-kala so'on, sama leo besak-ka Au taok ia.

2 SEMUEL 7:19

Nakalenak, O tao lena neme ndia mai, ou Manetualain Fo Manai Mamana Madema; O tao hehelu-balataak, la'eneu au tititi-nonosing, soaneu le'do-fai manamaik-ka. De O matu'du dede'ak ndia neu au, leomae au ka'da hataholi daebafak esa mesan, ou Manetualain Fo Mademaina!

AYUB 15:16

Muda hata no hataholi daebafak fo, dudu'a-aafi tak ma manggenggeok, fo ninu tatao-nono'i mangalauk-ka, sama leo oe-a.

MAZMUR 84:11

Malole lenak faik esa, nai O Umam, lena heni faik lifun esa, nai mamana fe'ek. Au helen da'di manamanea lelesu nai au Manetualaing-nga Uman, lena heni leo nai hataholi mangalauk-ka uman.

MAZMUR 85:12

Hataholi daebafak-ka lilinekan, neukose ana moli neme daebafak-ka mai, ma Manetualain ndoon ma matetun-na neukose ana titino neme lalai mai.

MAZMUR 86:15

Tehu O, ou Amak, Manetualain fo manasue-manalai, ta haelai namanasa, henuk no susue-lalaik, ma manalilinekak.

MAZMUR 86:5

Ou Manetualain, O malole ma O nau fe do'o do ampon, hataholi manahule-haladoi neu O-a, O sue-lai mahelen nenik susue-lalaik fo, ana sasi kao-kao.

YESAYA 49:15

Manetualain nataa nae, “Hapu nai bee, inak esa, nafandele heni anan-na, ma ana ta sue-lai, ana bongin-na fa? Leomae, nafandele henin boe, neukose, Au ta afandele heni o fa!

YESAYA 63:7

Au sanga tui-benga, Manetualain susue-lalain ma koa-kion, nanahu basa tatao-nono'in lala'en-na. Ana fe anan-nala, baba'e-papala manasasi kao-kaok-ka, nanahu nanuu dale susue-lalaik, ma dalek-kasian-na ta basa fan.

YEREMIA 17:9

Hataholi daebafak-ka dalen-na ta hapu neuk mala fan, malelahik lena basa hata-hata lala'en-na ma he'di-laun matuina nanseli.

YEREMIA 33:14

Manetualain nafa'da nae, “Losa fain-na te, neukose Au tao atetu hala heheluk fo Au tao basan neu Israel ma Yehuda.

HOSEA 14:2

Hai leoina Israel-la lemin, fali me'um-ma leo emi Manetualaim-ma meu leona! Emi sala-singom tao-na emi kosik, de emi tu'u meu.

MIKHA 7:18

Ta hapu Manetualain sama leo O fa, ou Manetualain, fo manafe do'o do ampon neu bei ela O hataholim nanahelek-kala, sala-singon. O ta mamanasas losa dodoon-na fa; nasafalin-na, O mamahoko matu'du O susue-lalaim fo too-lanen ta ndia.

MALEAKHI 1:6

Manetualain Fo Manakoasa, nafa'da basa imam-mala nae, “Ni'iana esa, ana fe ha'da-holomata neu aman, ma malalau-maoono esa, ana fe ha'da-holomata neu ndia tuan-na. Au ia, emi Amam; tao le'e de, emi ta fe ha'da-holomata neu Au fa? Au ia, emi malangam-ma; tao le'e de, emi ta bii-mamata'u neu Au fa? Emi makamumulu-makamamaek Au, tehu emi matane mae, ‘No enok leo bee ka, ami makamumulu-makamamaek O?’

MATEOS 23:9

Ma emi boeo boso maloo hataholi esa nai daebafak ia mae, ‘Ama’, nanahu emi Amam ka'da esa mesa kana, fo nde Amak manai nusa so'da ka.

MATEOS 7:10

Do metema noke i'ak soona, ana fen menge do?

YOHANIS 3:16

Hu ka nde Manetualain sue-lai hataholi daebafa ka, de Ana fe Ana Mane Kisa na mai, fo ba'eneu see fo namahele neun soona, ana ta mate fa, te ana hapu so'da matetu ka, ma manaketu basa ta ka.

ROMA 3:19

Besak ia ita bubuluk basa, hoholo-lalanek fo nanasula basak nai agama Yahudi a hoholo-lalanen dale ndia, soaneu hataholi fo laso'da lai hoholo-lalanek ndia paleta na dae. No enok ndia, ta hapu hataholi esa boen, hapu fe ne'ek hata-hata so'on, ma Manetualain kalaak basa daebafa ka lala'ena.

ROMA 3:9

Naa, metema ita da'di hataholi Yahudi soona, ita malole na lenaheni leoina fe'e kala do? Ta leondiak fa! Au afa'da basa ae, leomae hataholi Yahudi do leoina fe'e kala boeo, hataholi masala-masingok mesa-mesan.

ROMA 8:32

Hu ka nde ita paluu na de Ana fe ita, Ana susue na; na masa bole, Ana ta fe ita, basa hata lala'ena fa?

GALATIA 3:22

Tehu nai Susula Malalaok dale nanasulak nae, basa hataholi daebafa ka lala'ena, lai sala-singo ka koasa na dae. Hu ndia de, fe feek fo nanaheluk tunga namahehelek neu Yesus Kristu sa, nanafek neu hataholi fo namahele a.

YAKOBIS 1:17

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.

1 YOHANIS 3:1

Mete mitak Manetualain sue-lai na ita ba'u na seli de, nalosak ita nanaseseik lae, Manetualai nana nala. Ma memak ita nde bee na, Manetualai nana nala. Hu ndia de daebafa mangalauk ia, ana ta nau nalelak ita fa nana, ta nalelak Manetualain fa.

1 YOHANIS 4:10

Fo susue-lalai ka, huu na nde ndia: Ita ta nde sue-lai Manetualain fa te, Manetualain nde sue-lai ita ninik nadenu Ana na mai, fo ela ita sala-singon hapu do'o do ampon tunga Anan ndia.