MATEOS 6:28 - Susula Malalaok Hehelu Palak Ma Hehelu Beuk

²⁸ Tao le'e de emi bii soaneu emi papake-ngganggaom? Taoafik matalolole laisona se'ba ana moli nai mo ka. Ana ta tao hata esa boen, ma ana ta tenu-henge fa;

MATEOS 6:28 ပူးပေါင်းရင်းမြစ်များ

HOSEA 14:5

Manetualain nafa'da nae, “Au aloo falik Au anang manatao tofa-tafik-kala, fo Au sue-lais no dalek-katema tuak; neukose, Au ta amanasa seluk-kasa fa.

MATEOS 10:10

Boso mini alukosu doik boe, do bua papakek biak dua nai emi leleo-lala'o ma dalek, do tabueis, do ai tete'ek boe. Nanahu hataholi mana maue-male'di kala, nandaa nanafe ngga'di.

MATEOS 6:25

Hu ndia de, mafandendelek; fo boso bii neu emi so'da ma. Boso dodoo ka'da, hata fo emi mi'a-minu, do hata fo emi pake-nggao nai faik ia dale na. Ade ita so'dan ia, beli na ta lena heni nana'a-nininu ka, do ita ao paa na ta lena heni papake-ngganggao ka fa do?

MATEOS 6:27

Emi see ka nde hu ka nde bibii-namata'u ka de ana hapu tao namanalu teu fain, leomae ka'da faa anak mesan boe?

MATEOS 6:31

Hu ndia de boso bii, boema emi bee doo mae, ‘Ita ta'a beek,’ do ‘ita tinu beek’, do ‘ita pake-nggao beek bai’?

LUKAS 10:41

Lamatua ka nataa nae, “Marta, Marta! O dale ma falahaa, ma o su'ba ka'da dudu'a-dodoo ia ma naa;

LUKAS 12:11

Metema lo emi fo laketu-lala'di emi nai uma mamaso kala dalek do nai manapaleta ma manakoasa la matan soona, dale mala boso falahaa la'eneu tao leo beek fo emi muse masala'e emi aoina ma, do la'eneu hata fo emi muse kokola kana.

LUKAS 12:22

Boema Yesus nafa'da ana manatunga nala nae, “Hu ndia de Au afa'da ae, ‘Dale mala boso ba'ihana la'eneu emi so'da ma, fo nde hata fo neukose emi mi'a-minu, do hata fo neukose emi pake-nggao.’

LUKAS 12:27

Taoafik neu tao leo beek fo taledo a ana moli nai oo ka! Bunga sila la ta laue-laosa, ta tenu-henge boen. Tehu Mane Salomo fo tou kamasu'iina ndia boeo, ana ta pake papake-ngganggaok fo mana'a na sama leo bunga sila la fa!

LUKAS 3:11

Yohanis nataa nae, “Hataholi fo nanuu ba'du biak dua soona, muse ana fe esa leo ba'du ta ka neu; ma hataholi manana'a-nininu ka, muse ana baba'e fe hataholi nana'a-nininu ta ka.”

FILIPI 4:6

Boso bii neu hata esa boen. Hule-haladoi nai basa dede'ak lala'ena dalek, ma manduku-malosak emi nonoke ma neu Manetualain. Hata fo emi paluun soona, mafa'dan tataas esa neu Manetualain, no moke makasi.

1 PETRUS 5:7

Fe la'i esak emi dale mana ba'i hana ma, leo Manetualain neu, nana Ndia nde nafaduli emi a.