MATEOS 6:2 - Susula Malalaok Hehelu Palak Ma Hehelu Beuk

² Hu ndia de, metema emi tulu-fali hataholi nuu ta kala soona, boso tui kii-konak dede'ak ndia, sama leo hataholi mana dea-dale kala tatao-nono'in. Hataholi matak leo sila kala, ala hii tao leondiak nai uma mamaso kala dalek, ma lai okofoo la lain, fo ela hataholi la koa-kios. Tehu mafandendelek te, ala sipo basa ngga'di nala nde ndia so.

MATEOS 6:2 ပူးပေါင်းရင်းမြစ်များ

MAZMUR 112:9

Ana baba'e hata-heton, fo ana fe hataholi nuu ta-hata tak-ka; ana tao hata malole tataas esa, hu ndia de, ana koasa ma nanafe ha'da-holomata.

MAZMUR 37:21

Hataholi mangalauk-ka, ana tona, tehu ana ta nggati falik-kana fa, tehu hataholi malole-a, ana fe no dale katema tuak.

AMSAL 19:17

Tulu-fali hataholi nuu-taa hata-taak-ka, sama leo fe Manetualain doi totonak; mahani te, Manetualain boeo, neukose Ana balas-sana.

AMSAL 20:6

Hataholi ba'uk-ka manaku aoinan-na nde been-na, tia-laik, tehu susa la'iesak-kana, hapu manalilinekak no te'e-te'ek-ka.

PENGKHOTBAH 11:2

Pe'da o doi pokom-ma neu manadangan mata-matak-kala, sanga-ma enok makadotok. Nana hataholi-a paluu nanea, nai lelek soe-a beita tuni la'e fan.

YESAYA 10:6

Au haitua Asyur ne'i fo ana sapu-na Au leoinang fo manafali deak-kala, ma manatao-na Au amanasa. Au adenu Asyur ne'i fo, ana bonga uma boema namanako, ma ana heheta-aa'i Au leoinang-nga sama leo afu manai enok lain-na.”

YESAYA 58:7

Baba'e emi nana'a-neninum neu hataholi kamala'ak-kala, sipok hataholi uma tak-kala nai emi umam. Fe hataholi makaholak-kala, bua papakek, ma boso tipa emi tolanom fo, ana paluu tutulu-fafalik.

YESAYA 9:17

Leoina ndia, tatao-nono'i mangalaun-na nana'a, sama leo ha'i na'a nisa makatema dila-nggauk-ka. Ana pila sama leo ha'i na'a nula, fo ha'i masuk-ka masu-masu.

HOSEA 8:1

Manetualain nafa'da nae, “puu pupuuk-ka, te soe-a mai! Musu sapun-na Au nusang-ngala, sama leo manupui balupua la'u manuana! Au anang-ngala, la'olena Au hehelu-balataang no sila, ma ala la'ban Au nanoling-ngala.

MATEOS 15:7

Emi ia hataholi mana dea-dale kala! La'en la'iesa kana, hata fo Yesaya nafa'da elan soaneu emi fo nde nae,

MATEOS 16:3

Ma nai fafai ana na emi mafa'da mae, ‘Faik ia neukose u'da na mai, nanahu lalai a pila ma nasakoko'a.’ Naa, emi hapu neuk ma hana oe faa ka ninik emi mete ka'da lalai a ta'du-tanan, te see ko na emi ta hapu neuk mala le'do fai ta'du-tanan fa!”

MATEOS 22:18

Yesus bubuluk basa sila dudu'a mangalaun ndia so, da'di nafa'das nae, “Hei hataholi mana dea-dale kala lemin! Tao le'e de, emi sanga makahihi'ik Au?

MATEOS 23:5

Ta'ko ala pake kotak bana louk matua ina fo naisi Susula Malalao ka lalane nala, fo ala paken nai dedei nala ma alu nala boema ala tao lamanalu ba'du manalu nala fifiko na!

MATEOS 23:6

Ala hii ka'da mamana neulauk nai feta-dote, ma kandela neulauk nai uma mamasok.

MATEOS 24:51

Soona neukose tua na fepa-li'u nalo'bo malalau-maoono ndia, basa soona ana tapan leo hataholi mana dea-dale kala mamana na neu. Neukose ala kii-makaleleu ma ala doidoso nai naa.”

MATEOS 5:18

Mafandendelek leona te! Losa lalai no daebafa ka beita mopo fas soona, dede'ak sila la de'ek esa, do titianak esa boeo, ta mopo fas, makanaema basa-basas lala'ena beita da'di fa!

MATEOS 6:16

“Metema emi oka ao mala soona, boso fe mata-panam bee male, sama leo hataholi mana dea-dale kala fo mata panan bedae, fo sue ka nde hataholi la litas soona, lae sila oka ao nala. Mafandendelek te, ala sipo la sila ngga'di na nde ndia so.

MATEOS 6:3

Tehu metema emi tulu-fali hataholi nuu ta kala soona, fe no denge-dengek fo daenga hataholi boso bubuluk.

MATEOS 6:5

“Metema emi hule-haladoi soona, boso sama leo hataholi mana dea-dale kala. Ala hii ka'da lapadeik leu uma mamaso kala dalek, ma leu leo eno kaba'e kala soona, besa ka ala hule haladoi. Ala tao leondiak fo sue ka nde hataholi la lita. Mafandendelek leona te, ala sipo basa sila ngga'di na nde ndia so.

MATEOS 7:5

Hei hataholi mana dea-dale kala lemin! Dueheni makahuluk ai bibia matua ina neme emi matam dale mai, fo emi mita matalolole soona, besa ka emi hapu dueheni ai bibiana ka nai emi tolanoo ma matan dale.

MARKUS 12:39

Ala hii langatuuk lai mamana neulauk nai uma mamaso kala ma nai feta-dote.

MARKUS 7:6

Boema Yesus nae, “Emi hataholi manadea dale kala! Hata fo Yesaya nafa'da elan la'eneu emi, memak tete'e ka la'en. Yesaya nafa'da nae, ‘Manetualain nae leo ia, Hataholi sila la lakaluku-lakatele leu Au, ka'da linik hala-kokola nala, tehu dale nala doo ka neme Au mai.

LUKAS 11:41

Fo manai emi pinga-mangom dale ndia nde muse emi fen neu hataholi nuu ta-hata ta kala. No enok ndia, basa-basan neukose da'di balisi soaneu emi.

LUKAS 11:43

Soe ba'eneu emi, fo hataholi Farisi la lemin! Emi nau mamana maha'da-holomatak nai uma mamasok dale, ma emi nau nanafe ha'da-holomata nai hataholi ba'uk matan.

LUKAS 12:33

Mase'oheni hata-hetom fo fe doi na neu hataholi nuu ta-hata ta ka. Tao ma alukosu doik fo ta bisa nalutu fan, soaneu emi aoina ma, fo nde hata-heto fo nanape'dak nai nusa so'da ka. Hata-heto ndia ta bisa mopo fan, nanahu nakodaa ta hapu ho'i na fan, ma andae-a ta hapu tao nalutu fan.

LUKAS 12:56

Emi hataholi nau dea-dalek! Emi hapu neuk mala hana-oe faak no ka'da mete lalai ma daebafa ka heheo-hihilun. Tao le'e de ta'du-tana le'do fai ia, emi ta bisa neuk mala fan?”

LUKAS 13:15

Boema Lamatua ka nafa'dan nae, “Hai, Hataholi manadea-dale kala lemin! Nai fai Saba ta basa hataholi la po'i sapi do keledei nala fo neu hanis oe.

LUKAS 20:46

“Masanene'dak soaneu mese agama la. Ala nau bela'o lo ba'du manalun fo manaluina nala, ma ala nau nanafe ha'da-holomata nai hataholi ba'u matan. Ala nau mamanak mahada-holomatak nai uma mamasok dale ma nai feta-dote.

LUKAS 6:24

Tehu soe neu emi, fo mamasu'i besak ia; nana emi la'ola'di basa maso'da mandailena ka so!

LUKAS 6:42

Tao leo bee fo emi bisa mafa'da neu emi tolanoo ma mae, ‘Mai, tolanoo, fo au dueheni ai bibianak ndia neme o mata ma mai,’ te see ko na nai emi matam dale, hapu balok fo emi ta mita fan? Hei, mana dea dale konei! Kaluaheni makahuluk balok manai o matam dale a dei. Besa ka o hapu mita no mangale'dok soona, o hapu kaluaheni ai bibiana ka neme o tolanoo ma matan dale mai.”

YOHANIS 13:29

Sila nggelok laedaenga Yesus nadenu Yudas neu asa seluk hata esa, fo ala paluun nai feta ndia, do nini fe hataholi nuu ta kala doik, nana Yudas nde ho'u sila basa-basas doi na.

YOHANIS 5:41

Au ta sanga kokoa-kikiok neme hataholi daebafa ka mai fa.

YOHANIS 5:44

Emi hapu mamahele tao leo beek, metema emi nau emi nonoo hataholi ma, koa-kio emi, te emi ta nau sanga enok fo sanga kokoa-kikiok neme Manetualain fo kisak ndia mai fa?

YOHANIS 7:18

Ba'eneu see fo nanoli tunga ka'da malela mesa na, ana sanga hataholi koa-kion. Tehu hataholi fo ana sanga ha'da-holomata fe Hataholi manamadenu nana, soona hataholi ndia dale na ndoos, ma ta masapepekok fa.

HATAHOLI 10:2

Touk ia no basa uma isi nala fe ha'da holomata neu Manetualain. La'iba'u ka ana tulu fali hataholi Yahudi nuu ta-hata ta kala, ma ana hule-haladoi neu Manetualain tataas esa.

HATAHOLI 10:31

Touk ndia nafa'da au nae, ‘Kornalius! Manetualain namanene o huhule-haladoim so, ma nafandendelek o dale malole ma.

HATAHOLI 10:4

Kornalius mete ata nusa so'dak ndia no bibiik, boema nae, “Bee ka Tuan?” Boema ata nusa so'dak ndia nae, “O huhule-haladoim ma o dale malole ma, Manetualain sipo kana so, ma nafandele o.

HATAHOLI 11:29

Boema basa Yesus hataholi mana tungan sila la, lalahalak fo ala haitua fe basa tolanook manai Yudea la tutulu-fafalik. Sila esa-esak haitua tunga hahapu na.

HATAHOLI 24:17

Au ta nai Yerusalem teuk de'ubee dale na boema au fali leo naa u, fo au uni doi tutulu-fafalik fe au leoina ngala ma au fe tutunu-hohotuk neu Manetualain.

HATAHOLI 9:36

Hapu inak esa nai Yope nade Tabita. Inak ia namahele Yesus. (Na'de na nai dede'a Yunani dale soona, Dorkas, fo sosoa na nae, nusa.) Ana tao ka'da tatao-nono'i malole tataas esa, ma ana tulu-fali hataholi nuu ta-hata ta kala.

ROMA 12:8

Hataholi fo ana hapu baba'e-babatik soaneu ana fe manggatek neu hataholi fe'ek soona, muse te'e-te'e ana fe manggatek neu hataholi fe'ek. Hataholi fo ana hapu baba'e-babatik soaneu ana fe hata fo ndia nanuun leo hataholi fe'ek neu soona, muse ana taon no dale katematuak. Hataholi fo ana hapu baba'e-babatik soaneu nauli-nalanga soona, muse nauli-nalanga no te'e-te'ek. Hataholi fo ana hapu baba'e-babatik soaneu sue-lai hataholi fe'ek soona, muse ana sue-lai no dale katematuak.

1 KORINTUS 13:3

Leomae au feheni basa au hata-hetong lala'ena leo hataholi nuu ta-hata ta kala neu, ma au fe au aoina nga neu fo ala hotuhenin, tehu metema au ta sue-lai hataholi fe'ek fa soona, basa sila la sosoa-ndandaan ta makandondook.

GALATIA 2:10

Sila nonoken ka'da esa mesa kana neme ami mai, fo nde, fo ela ami taoafik neu hataholi nuu taa kala. Boema au amahoko nana, au ahiik tatao-nono'ik ndia.

EFESUS 4:28

Hataholi fo ana biasa namanako, muse ana hahae namanako leona. Dede'a nasafali na, ana muse naue-nale'di, fo ana hapu tei-buin no matetu na, fo daenga ana hapu tulu-fali hataholi mana to'a-taa kala.

1 TESALONIKA 2:6

Ami ta sanga enok fo, ami hapu kokoa-kikiok neme emi mai do neme hataholi fe'ek mai boe. Leomae da'dileo Kristus hataholi nadedenun de, ami manuu hak hapu ha'da-holomata neme emi mai.

1 TIMOTIUS 6:18

Mafa'das fo latu'du tatao-nono'i malole nala nai basa dede'ak lala'ena dalek ma ala nau tulu-fali hataholi.

FILEMON 1:7

Tolanoo Filmon ei, o susue-lalaim neu Manetualain hataholi kamahehele nala, ana tao na au amahoko ma natetea-nahehele au! Basa Manetualain hataholi kamahehele nala lamahoko so, nanahu tolanoo ka.

IBRANI 13:16

Boso mafandeleheni tao malole, ma matulu-mafali ao, nanahu ndia nde tutunu-hohotuk fo nandaa no Manetualain dale na.

1 PETRUS 4:11

Hataholi mana manduku-malosak hala ka, muse nanduku-nalosak halak maneme Manetualai na mai; hataholi mana malalau-maoono hataholi fe'e ka, muse nalalau-naoono ninik be'i balakaik maneme Manetualai na mai, fo ela nai basa dede'ak lala'e na dalek, Manetualain nananamatutua-namadedemak tunga Yesus Kristus. Ndia nde mana koasa ma nandaa nana namatutua-namadedemak losa dodoo na. Amin.

SEMUEL SUSULAK-KA ESAN-NA 15:30

Saul nataa nae, “Au asala-asingo basa so. Tehu Ama sue-na, fali sama-sama moo au, fo ela au hapu sene-do'ok neu Manetualain fo Ama Manetualain-na. No enok ndia, Ama fe ha'da-holomata neu au, nai basa au mauli-malangan leoina-la matan, ma nai nusak Israel-la lala'en-na.”