MATEOS 6:19 - Susula Malalaok Hehelu Palak Ma Hehelu Beuk

¹⁹ “Boso tunga sanga ka'da hata-heto daebafak, fo andae ma lulutu'ka hapu tao lalutus, ma nakodaa mai fo namanako ninis.

MATEOS 6:19 ပူးပေါင်းရင်းမြစ်များ

AYUB 24:16

Nakodaa, ana bonga uma, nai fai le'odaen-na; fo nai fai lele'don-na soona, ana ta nau mangale'dok-ka, la'e fan, de neu ke'ke.

AYUB 31:24

Beita la'i esa fo, au asalai au deang-nga neu au hata-hetong,

MAZMUR 39:6

O maketu au teung-nga, keke'uanak nanseli! Ba'eneu O soona, au so'dang-nga sosoa-ndandaan ta. Tete'ek-ka, hataholi daebafak-ka sama leo ka'da ani hahaek-ka,

MAZMUR 62:10

Hataholi daebafak-ka, ka'da ani hahaek esa mesan, ana matua, beli tak mesa-mesan. Metema tain soona, emi da'uk-ka, da'uk-ka lena heni, ani hahaek esa.

KELUARAN 22:2

Metema nakodaa esa, namanako-na buas esa, soona ana muse nggati buas fo namanako-nan ndia. Metema, hataholi ndia ta nanuu hata esa boen soona, nase'o hataholi ndia, fo ana da'di ata soaneu nggati buas fo namanako-nan ndia. Metema, namanako-na buas-sa, nalupa sapi, keledei do bi'ilopo, de ala hapu bana sila-la nai hataholi ndia, te bana sila-la bei maso'dak soona, bana esa-na, ana muse nggati bana dua. Metema ho'un-na hataholi nakodaa esa nai uma esa, la'e le'odaek, boema taonisan soona, hataholi manataonisan ndia, ta nasala fa. Tehu, metema manada'dik ndia, ana da'di la'e lele'dok soona, hataholi manataonisak-ka, ana hapu salak.

AMSAL 11:4

Metema nasasale matak no mamates-sa soona, hata-heton sosoa-ndandaan ta; o so'dam-ma neukose nanasoi-tefak, metema o dalem-ma ta peko-pakik fa.

AMSAL 16:16

Hapu manatee-tenook-ka soona, malolen-na lena heni hapu lilopilas-sa; ma hapu malelak-ka soona, malolen-na lena heni hapu lilofulak-ka.

PENGKHOTBAH 2:26

Manetualain fe manatee-tenok, malelak ma tetu-temak neu hataholi fo tao namahoko dalen-na. Tehu nadenu hataholi masala-masingok-ka naue-nale'di fo sanga nana'a-naninun ma ana pe'da buna-boan fo ana fen neu hataholi fo tao namahoko Manetualain dalen-na. Da'di, basa sila-la manada'di taak, sama leo sanga enok fo usi anin-na.

ZEFANYA 1:18

Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.

MATEOS 19:21

Boema Yesus nafa'dan nae, “Metema o nau matetu-mandaa soona, muu mase'oheni basa o hata-hetom lala'ena, fo fe doi na leo hataholi nuu ta-hata ta ka neu, fo daenga neukose o hapu hata-heto nai nusa so'da ka. Basa ndia soona, mai fo tunga Au!”

MATEOS 6:20

Tehu tunga sanga ka'da hata-heto manai nusa so'da ka, fo andae ma lulutu ka ta hapu tao nalutu fas, boema nakodaa ta hapu namanako nini fas.

LUKAS 12:21

Dada'di na leondiak neu basa hataholi fo ala sanga enok da'di kamasu'ik soaneu aoina na mesa kana, tehu ana ta sanga enok da'di kamasu'ik nai Manetualain matan fa.”

LUKAS 12:33

Mase'oheni hata-hetom fo fe doi na neu hataholi nuu ta-hata ta ka. Tao ma alukosu doik fo ta bisa nalutu fan, soaneu emi aoina ma, fo nde hata-heto fo nanape'dak nai nusa so'da ka. Hata-heto ndia ta bisa mopo fan, nanahu nakodaa ta hapu ho'i na fan, ma andae-a ta hapu tao nalutu fan.

LUKAS 12:39

Mafandendelek ia leona! Leo uni ka uma lamatuak bubuluk li'u ba'u bee nakodaa neukose ana mai soona, neukose nanea fo ela nakodaa ta masok leo uman dale neu fa.

LUKAS 18:22

Yesus namanene dede'ak ndia boema nae, “Bei hapu seluk dede'ak esa fo o muse taon. Mase'oheni basa o hata-hetom lala'ena, fo fe doi na leo hataholi nuu ta-hata ta ka soona, neukose o hapu hata-heto nai nusa so'da ka. Basa ndia soona, mai fo tunga Au leona.”

LUKAS 18:24

Yesus bubuluk hataholi ndia dale na he'di sa, hu ndia de nae, “Tea na seli soaeneu hataholi kamasu'i ka da'di lima eik neme Manetualain hataholi kamahehele nala mai!

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.

IBRANI 13:5

Boso fe doi ka koasa emi so'da ma, tehu ela leo bee na emi mamahoko neu hata fo emi manuu ka. Nana Manetualain nafa'da basa nae, “Neukose Au ta po'ilotak emi do la'oela emi fa.”