MATEOS 6:16 - Susula Malalaok Hehelu Palak Ma Hehelu Beuk

¹⁶ “Metema emi oka ao mala soona, boso fe mata-panam bee male, sama leo hataholi mana dea-dale kala fo mata panan bedae, fo sue ka nde hataholi la litas soona, lae sila oka ao nala. Mafandendelek te, ala sipo la sila ngga'di na nde ndia so.

MATEOS 6:16 ပူးပေါင်းရင်းမြစ်များ

2 SEMUEL 12:16

Boema, Dauk hule-haladoi neu Manetualain fo ela ni'iana ndia lea-hai. Ana oka aon-na, ma tunga-tunga le'odaen-na, nangape'uk nai kaman dale, tehu nai dae lain.

2 SEMUEL 12:21

Basa atan-nala lita boema, lafa'dan lae, “Ami ta bubuluk Ama Manek dudu'an-na fa. Lelek ni'iana ndia bei naso'da, Ama Manek oka aon-na, ma kii-makaleleun, tehu mate basan boema, Ama Manek fo'a de na'a-ninu!”

1RAJA-RAJA 21:27

Elia kokolak basa boema, Ahab siiheni bua papaken-na de ana pake si'di lafa lapik da'di neu ta'du-tana sale dalek, boema ana okaaon-na. Nai lelek ana sungu, ana pake si'di lafa lapik boeo, ma metema ana la'o-la'o soona, matan-na ka'da masu-masu nakandoo.

NEHEMIA 1:4

Au amanene halak ndia boema, au angatuuk de au kii. Tunga faik, au daleng-nga he'dis-sa. Au okaaong akandoo, boema hule-haladoi neu Manetualain ae,

ESTER 4:16

“Maloo makabubua basa hataholi Yahudi manai Susan-nala, fo hule-haladoi fe au. Boso mi'a-minu lele'dok 3, ma le'odaek 3. Au boe, ma anafe'oana malalau-maoono au-a, neukose ami okaaom-mala boe. Basa ndia soona, neukose au u leo manek-ka u, leomae dede'ak ndia, la'o lenak esa, soaneu susula nakeketuk-ka. Metema au muse mate, hu kande dede'ak ndia boe, soona nemen-na fo au mate!”

MAZMUR 109:24

Au lungulangang-nga dele, nanahu okaaok-ka, ma au aong-nga namanggo'a.

MAZMUR 35:13

Lelek sila lamahe'di, au daleng-nga he'dis-sa ma au ta u'a-inu fa; au akatele, fo au hule-haladoi,

MAZMUR 69:10

Au manggateng-nga lua ponu-ponu, nanahu au sue-lai O umam-ma, hataholi fo lakamumulu-lakamamaek O-a, hakinonolin-nala tuni-la au aoinang-nga.

DANIAL 9:3

Boema au hule-haladoi no te'e-te'ek neu Manetualain, ma au dokodoe susue-lalain. Au okaaong-nga boe, ma pake si'di kalong de au angatuuk nai afu dale.

MALEAKHI 3:14

Emi mafa'da mae, ‘Sosoa-ndandaan ta la'iesak-kana, sene-do'ok neu Manetualain. Sosoak hata, ita takalala'ok ita bela-ba'un soaneu Manetualain Fo Manakoasa, do tatu'dun tae, ita tasasale dale, neu ita salan-nala so?

MATEOS 6:1

“Mafandendelek, fo boso makalala'ok agama hoholo-lalanen nai lea matan, fo hataholi la lita. Metema emi tao leondiak soona, neukose emi Amam manai nusa so'da ka, Ana ta fe emi ngga'di fa.

MATEOS 6:2

Hu ndia de, metema emi tulu-fali hataholi nuu ta kala soona, boso tui kii-konak dede'ak ndia, sama leo hataholi mana dea-dale kala tatao-nono'in. Hataholi matak leo sila kala, ala hii tao leondiak nai uma mamaso kala dalek, ma lai okofoo la lain, fo ela hataholi la koa-kios. Tehu mafandendelek te, ala sipo basa ngga'di nala nde ndia so.

MATEOS 6:5

“Metema emi hule-haladoi soona, boso sama leo hataholi mana dea-dale kala. Ala hii ka'da lapadeik leu uma mamaso kala dalek, ma leu leo eno kaba'e kala soona, besa ka ala hule haladoi. Ala tao leondiak fo sue ka nde hataholi la lita. Mafandendelek leona te, ala sipo basa sila ngga'di na nde ndia so.

MARKUS 2:18

Nai faik esa boema, Yohanis Mana Salani ka ana mana tunga nala ma hataholi Farisi la, ala oka ao nala. Boema hataholi ana mai leo Yesus mai de natanen nae, “Tao le'e de Yohanis Mana Salani ka ana mana tunga nala ma hataholi Farisi la ana mana tunga nala oka ao nala, tehu Ama ana mana tunga nala soona, ta?”

LUKAS 18:12

Au oka ao nga la'i dua mamasok esa, ma metema au hahapu nga sanahulu soona, au fe O baba'ek esa.’

LUKAS 2:37

ana da'di inafalu, losa besak ia teun faluhulu ha so. Beita la'iesa fo ana la'oela Manetualain Uma na fa. Lele'do le'odaen nai ndia, fo ana sene-do'ok neu Manetualain, ninik hule-haladoi ma oka ao na.

HATAHOLI 10:30

Boema Kornalius nae, “Faik telu maneu ka, fafa'ka ma le'do a ba'u leo ia, boema au hule-haladoi nai uma la'e li'u telu le'donoso na. Boema no kaiboboianak, touk esa napadeik nai au mata nga. Bua-lo'a papake na, nandela-nasa'a.

HATAHOLI 14:23

Ma nai mamaso kala esa-esak, Paulus no Barnabas so'u fes Penatua-penatua. Ala hule-haladoi ma ala puasa basa boema, ala fe Penatua-penatua sila la leo Lamatuak fo sila dua lamahele ka.

1 KORINTUS 7:5

Da'dileo saotou saoinak, ela leo bee na esa boso doo ka neme esa mai. Bole, soaneu faik de'ubee dale na, sa'di duas lakaheik no'u-no'u so. No enok ndia, esa-esak hapu hule-haladoi no nee-nee-lino-linok. Tehu basa soona, duas muse lakabubua falik, da'dileo saoina saotouk. Metema ta leondiak fa soona, neukose emi bisa tunga dudungu-papau dula dale mangalau ka, nana emi ta makatatakak ma emi dale ma fa.

2 KORINTUS 11:27

Au puselaipana ma tunga sanga hihii leo mate: nasi'a ta sungu fa, ta u'a inu fa, la'i ba'u ka au mate o la'a sa, makalini nanahu au bua-lo'a papakeng ta, ma mamana leleong ta.

2 KORINTUS 6:5

ami nanafepa-li'uk, ala tao ami leo bui dale meu, ma ala tutu-fepa ami. Ami maue-male'di no ami pusema titi, nasi'a ami ta sungu fa, ma nasi'a basa ami nana'a-nininum.