MATEOS 6:14 - Susula Malalaok Hehelu Palak Ma Hehelu Beuk

¹⁴ Makanaema emi fe do'o do ampon neu hataholi mana tao salak neu emi soona, neukose emi Amam manai nusa so'da ka boeo, Ana fe do'o do ampon neu emi sala-singo mala.

MATEOS 6:14 ပူးပေါင်းရင်းမြစ်များ

AMSAL 21:13

See ta nau namanene hataholi manato'a-taak-ka haladoin-na fa soona, metema noke tutulu-fafalik soona, neukose hataholi ta taoafik neu fa.

MATEOS 5:7

Maua-manalek neu hataholi fo mana sue-lai hataholi fe'e ka; nanahu neukose Manetualain sue-lais boe!

MATEOS 6:12

Fe do'o do ampon neu ami sala-singo mala, sama leo, ami fe do'o do ampon neu basa hataholi fo mana tao salak neu ami a.

MATEOS 7:2

Nanahu emi maketu-mala'di hataholi tao leo beek soona, neukose Manetualain naketu-nala'di emi tao leondiak boe. Boema emi uku-dou hataholi minik ai uku bee soona, neukose Manetualain pake seluk ai uukuk ndia fo ana uku-dou emi boe.

MARKUS 11:25

Ma metema emi hule haladoi, tehu emi dale ma ta malole no hataholi esa, soona fe do'o do ampon nakahuluk neu hataholi ndia, fo ela emi Amam manai nusa so'da ka boeo, Ana fe do'o do ampon neu emi sala-singo mala. [

LUKAS 6:37

“Boso maketu-mala'di hataholi fe'ek, fo ela Manetualain boso naketu-nala'di emi boe. Boso huku hataholi fe'ek, fo ela Manetualain boso huku emi boe. Fe do'o do ampon neu hataholi fe'ek, fo ela Manetualain boeo fe do'o do ampon neu emi.

EFESUS 4:32

Dede'a nasafali na, ela leo bee na, emi dale ma malole, masue-malai ao, ma esa fe do'o do ampon neu esa, sama leo Manetualain boeo, Ana fe do'o do ampon neu emi, tunga Kristus.

KOLOSE 3:13

Esa boso hae lai namanasa esa boen, esa fe do'o do ampon neu esa, metema esa bei nape'da dalek no esa. No namahokok. Lamatua ka ana fe do'o do ampon neu emi so.

YAKOBIS 2:13

Nana neukose Manetualain ta natu'du susue-lalain neu hataholi fo, ta nalelak susue-lalai ka fa. Tehu susue-lalai ka, neulau na ba'u lena hoholo-lalane ka.

YOSUA 22:15

Boema, ala losa leo Ruben, Gad ma leo Manasye manai nusa Gilead-ta, mamanan-na.

1 YOHANIS 3:10

Manetualai nana nala ma Nitu ana nala ta'du tanan leo iak: see ta tunga Manetualain hihii-nanaun do ana ta sue-lai tolano na fa soona, Manetualai nanan ta ndia fa.