MATEOS 6:13 - Susula Malalaok Hehelu Palak Ma Hehelu Beuk

¹³ Matetea ami namahele ma, nai faik fo soso'ba-susu'di ka so'ba-su'di ami, tehu mapo'ik ami neme nitu mangalau ka koasa na mai. Nanahu O nde Manek mana koasa, ma mandela masa'ak, losa dodoo na. Amin.’

MATEOS 6:13 ပူးပေါင်းရင်းမြစ်များ

KEJADIAN 22:1

Basa teuk de'ubee boema, Manetualain fola Abraham namahehelen-na. Manetualain naloo nae, “Abraham!” Boema Abraham nataa nae, “Ou Manetualain.”

1RAJA-RAJA 1:36

Benaya nataa nae, “Hei, Ama Manek Fo Mandela-masa'ak, ela leo been-na Amak, fo Ama Manek Manetualain na, tao natea-nahele Ama Manek paletan ndia.

1 TAWARIKH 16:36

Koa-kio Amak, fo Israel Manetualain na, besak ia losa dodoon-na! Basa boema basa hataholi Israel-la lala'en-na lafa'da lae, “Tete'ek ka”, boema ala koa-kio Manetualain.

1 TAWARIKH 29:11

Te'e-te'e O matua ma manakoasa. O Mandela-masa'ak, ua-nale malole, ma matua-madema. Basa hata lala'en fo manai lalai ma daebafak-ka nde been-na O nuum. O manek matua-madema ma manakoasa neu basa hata lala'en-na.

1 TAWARIKH 4:10

Tehu Yabes hule-haladoi neu Manetualain fo hataholi Israel-la sene-do'ok-ka nae, “Ou Manetualain, ba'e-pala au leona, ma sa'di leo been-na tao mamaloa au nusang-nga. Masulu-mahapa au, ma madook susa-soe neme au mai, fo ela au boso doi-doso.” Boema Manetualain sipok nonoken-na.

MAZMUR 10:16

Manetualain paleta losa dodoon-na; leoina fo, ta lalelak-kana fa, neukose mopok-kasa leme, Manetualain daen-na mai.

MAZMUR 106:48

Koa-kio Amak, fo Israel Manetualain-na, besak ia, losa dodoon-na. Nemen-na fo, hataholi-la lafa'da lae, “Amin!” (Tete'ek-ka!) Koa-kio Manetualain leona!

MAZMUR 22:28

Neukose basa leoina-la lafandele neu Manetualain fo ala fali ma'is, basa leo ma leoina lala'ena, neukose ala sene-do'ok-kana.

MAZMUR 41:13

O tulu-fali au, nanahu au daleng-nga ndoos, ma ana tao-na au aso'da sama-sama o O, losa dodo-na.

MAZMUR 47:2

Totoko limam-mala no namahoko-seteleek leona, hai leoina-la lemin! Koa-kio Manetualain nenik eeki-natadalek!

MAZMUR 47:7

Makamee nakamee kokoa-kikiok ba'eneu Manetualain leona, makamee nakamee kokoa-kikiok ba'eneu ita Manen-na!

MAZMUR 72:19

Kokoa-kikiok ba'eneu na'den fo matua-madema losa dodoon-na; ela leo been-na, daebafak-ka lalaena, henuk no mandela-masa'an! Da'di leondiak leona. Amin! (Tete'ek-ka)

MAZMUR 89:52

Ou Manetualain, O musum-mala, lakamumulu-lakamamaek manek fo O helek-ka. Neu su'di leo bee neu boe, ala hakinonolin.

KELUARAN 15:18

O nde Manetualain, Manek fo paleta losa dodoon-na.”

AMSAL 30:8

Boso nalosak, au kokolak dede'a-kokolak peko-pakik, ma pepekok, ma boso fe au nuu-taa hata-taak do kamasu'i-makabetek. Ka'da fe au, hata fo au paluuk-ka.

YEREMIA 15:21

Neukose Au atapo'ik o neme hataholi mangalauk-kala koasan-na mai, fo manasa-mameluk ndia. Au, Manetualain, nde manakokolak.”

YEREMIA 28:6

“Malole so! Sa'di leo been-na o neuk sila-la da'di mata-nitak, ma te'e-te'e Manetualain neni falik neme Babel-la mai Manetualain Uman-na hata-heton ma no basa hataholi fo nanatu'u-tapak lo naa neu-a.

DANIAL 4:25

Neukose Ama Manek nanausi henik neme hataholi daebafak-ka dalek mai fo maso'da nai bana-manu manai mook-kala tala'da. Nai teuk hitu dalen-na, Ama Manek na'a na'u sama-na leo sapi ma sungu nai moo maloa dale, nalosa Ama Manek nakadoe dinis. Basa ndia soona, neukose Ama Manek manaku nae Manetualain Fo Mademaina, koasa basa hataholi daebafak-ka nusan-nala, ma nusak ndia Ana fen neu see fo Ana helen.

DANIAL 7:18

Tehu Manetualain Fo Mademaina, anan-nala neukose sipo hak soaneu paleta ma paletan-nala neukose lakatatakak losa dodoon-na.”

BILANGAN 5:22

Oe fo maneni soo-supak ia, neukose ana masok leo o teim dale neu, fo ana tao-na o teim-ma natafuu, ma ana tao-na o puu huum-ma, loun-na kukulu.” Soona inak ndia muse nataa nae, “Au sipok; de sa'di leo been-na, Manetualain taon leondiak.”

MATEOS 26:41

Manea ma hule-haladoi leona, fo ela emi boso hapu soso'ba-susu'dik. Memak emi dula dale ma nahiik tao tatao-nono'i ndoos, tehu emi ta mabe'i fan, nana hataholi daebafa ka ha'da-tataon tapandoes.”

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

MATEOS 5:37

Ka'da mafa'da mae, ‘Hei’ do ‘Ta’ lenak neme ndia mai soona, basa sila la neme nitu mai ndia.”

MATEOS 6:10

Ami mane ma nde O, Ela leo bee na, O paleta nai daebafa ka fo ela ala tao tunga O hihii-nanaum, sama leo nai nusa so'da ka.

YOHANIS 17:15

Au ta oke Ama ka ho'i nalas leme daebafa ka ia mai fa, tehu Au oke ela leo bee na, Ama ka naneas leme Nitu Mangalau ka mai.

1 KORINTUS 10:13

Emi la'ola'di soso'ba-susu'di kala nde bee na, soso'ba-susu'di mandoo fai sila. Tehu Manetualain ta nafandele heni hala hehelu na fa. Neukose Ana ta po'ilotak emi nanaso'ba-su'dik lena neme emi balakai ma mai fa. Hu ndia de, metema emi matongo mo soso'ba-susu'di ka soona, Ana fe emi enok fo daenga emi makatatakak mahele.

1 KORINTUS 14:16

Nana metema emi moke makasi neu Manetualain, ninik emi dula dale ma mesa kana, ma hapu hataholi fe'ek fo ta nalelak dede'a matabeuk fo maneme Manetualain Dula Dale na mai ndia fa soona, hataholi ndia ta hapu nafa'da nae, “Amin”, neu o huhule-haladoi makasim ndia, nana ana ta bubuluk hata fo emi mafa'da ka fa.

2 KORINTUS 1:20

Nana tunga Ndia, de Manetualain nafa'da basa nae, “Hei” neu basa hala hehelu na. Hu ndia de, ita tafa'da tae, “Amin” neu Manetualain, hu ka nde Yesus Kristus. Ami tao leondiak, fo ela Manetualain nanakoa-kiok.

GALATIA 1:4

Nana hu ka nde Kristus Ana tunga ita Aman Manetualain hihii-nanaun, de Ana fe heni ao ina na, da'di neu tutunu-hohotuk soaneu ita sala-singo nala, fo ela Ana soi-po'i na ita teme ha'da-ndandaa daebafa mangalau ka mai.

ULANGAN 8:16

Ana fe emi koki manna neme moo solokaek-ka, fo ana da'di emi nana'am, fo emi bei-ba'i kaim-mala, beita lalelak nana'ak ndia fa. Manetualain tao basa sila-la, fo Ana so'ba emi, ma Ana taon-na emi makaloe-makadae oam-mala, fo ela neu mate'en-na, Ana tao malole soaneu emi.

ULANGAN 8:2

Mafandendelek leona! Te nai teuk haahulu dalen-na, emi Manetualaim-ma nauli-nalanga emi, nai emi leleo-lala'o dae doom-ma dalek, tunga moo solokaek-ka. Manetualain dudu'a basa leleo-lala'ok ndia, soaneu Ana so'ba emi, fo ela Ana nita beek nanape'dak nai emi dalem dale, ma ade neukose emi tunga paletan-nala do ta.

1 TESALONIKA 1:10

Boeo ala kokolak la'eneu, tao leo beek de, emi tao emi mamahehena ma neu Manetualain Ana na mamain neme nusa so'da ka mai, fo nde Yesus, fo Manetualain tao naso'da fali kana, neme mamate sa mai so. Yesus ndia boeo, nde soi-tefa nala ita teme Manetualain nasa melun, nai fai mana mai ka.

2 TESALONIKA 3:3

Tehu Lamatua ka, mana lilinekak. Neukose natetea-nahehele emi, ma nasulu-nahapa emi neme Hataholi Mangalauk ndia mai.

1 TIMOTIUS 1:17

Manetualain fo Manek neu basa le'do fai manalu a, nandaa fen ha'da-holomata ma koa-kion tataas esa, nana Ndia nde mana ketu basa tak, fo ta nananitak, ma ka'da kisak! Amin.

IBRANI 11:36

Hapu nggelok nananakamumulu-nakamamaek, nanafiluk, nanapa'ak ninik namosina, ma nanataok leo bui dale leu.

1 PETRUS 5:8

Ela leo bee na, emi manea ma mahehele ao mala! Nanahu Nitu a nde bee na, emi musu noo ma. Nitu ndia sama leo meo asu a, fo ana la'ok neu mai ma nangao sanga nana'a na.

2 PETRUS 2:9

Da'di Amak Manetualain bubuluk tao tao leo beek fo, Ana soi-tefa na hataholi fo mana tao tunga hihii-nanaun, metema lasasale matak lo soso'ba-susu'di ka. Ma Amak Manetualain bubuluk eno na tao leo beek fo Ana po'ilotak hataholi mangalau kala laso'da, fo losa fai na Ana hukus nai Fai Naketu-nala'di ka,

1 YOHANIS 3:8

Tehu hataholi mana tao sala-singok nakandondoo heni na, Nitu anan hataholi ndia, nana Nitu a tao sala-singok neme makasososan eli mai so. Hu ndia de Manetualain Ana na mai fo daenga Ana tao nakalulutuk Nitu a tatao-nono'i mangalaun sila la.

NINITAK 1:18

Au nde Ndia fo maso'da ka! Au mate so, tehu mete leona te, Au aso'da losa dodoo na. Au koasa mamate sa, ma daebafa hataholi manamate ka.

NINITAK 19:1

Basa ndia boema, au amanene hata esa sama leo hataholi makadotok hala nala nangguu neme nusa so'da ka mai de lalo bebou lae, “Koa-kio Manetualain leona! Ita Manetualain nde bee na Manetualain fo manasoi-tefa. Ndia Manetualain fo nananamatutua-namadedemak ma manakoasa!

NINITAK 19:4

Boema lasi-lasi kaduahuluha kala, ma mahahae kahak fo manaokofeo la kandela manek ndia, ala bala leu de ala sene-do'ok neu Manetualain fo nangatuuk nai kandela manek ndia lai na. Lafa'da lae, “Amin! Koa-kio Manetualain leona!”

NINITAK 2:10

Boso bii neu doidosok fo ta doo ka soo'on te emi muse la'ola'din. Mafandendelek, te neukose Nitu tao emi nggelok leo bui dale neu soaneu emi nanaso'ba-su'dik. Neukose emi doidoso faik sanahulu dale na. Ela leo bee na emi lilineka neu Au losa mate, soona neukose Au fe emi so'da matetu ka ma manaketu basa ta ka da'dileo bua palsen sesengik.

NINITAK 21:4

Neukose Ana lose nama'da luoe neme mata nala mai. Neukose ta hapu mamates so'on. Dale he'dik, kii-makaleleuk, do he'di-laus boeo neukose ta hapu so'on. Dede'a palaa kala mopos so.”

NINITAK 3:10

Emi matea-mahele sama leo Au paleta basan neu emi a. Da'di neukose Au asulu-ahapa emi nai lelek Au so'ba basa hataholi manai daebafa ka ninik toto'a-sosota matuaina.

NINITAK 3:14

“Neu ata nusa so'da salanik manai Laodikia la sulakman leoiak: Ia nde hala heheluk neme Ndia fo loken lae Amin, sakasii fo mana lilinekak ma ndoos, oemata basa hata lala'ena fo nananakadada'dik neme Manetualain mai.

NINITAK 5:13

Boema au amanene basa mahahaek manai lalai, manai daebafa ka, manai daebafa ka bui na, manai tasi dale la lakamee. Dede'a keke'u na, basa mahahaek manai daebafa maloa ia lae, “Ndia fo nangatuuk nai kandela manek lain ma Bi'ilopo Ana ndia, nde bee na, nanakoak-nanakiok, ma maha'da-holomata boema matua-madema ma manakoasa losa dodoo na!”