MATEOS 5:48 - Susula Malalaok Hehelu Palak Ma Hehelu Beuk

⁴⁸ Emi Amam ma nai nusa so'da ka boeo, Ana sue-lai basa hataholi lala'ena no matetu-mandaak. Hu ndia de emi boeo muse tao leondiak.”

MATEOS 5:48 ပူးပေါင်းရင်းမြစ်များ

KEJADIAN 17:1

Lelek Abram teun siohulu sio boema, Manetualain natu'du aoinan-na neun, de nae, “Au nde Manetualain, Fo Manakoasa. Tunga Au, ma tao-no'i Au hihii-nanaung tataas esa.

2 SEMUEL 22:31

Manetualain tatao-nono'in matet Manetualain u-mandaak, Manetualain hehelu-balataan, hapu nananamahelek! Ndia sama leo buas sisili musu ba'eneu basa sila fo manamasulu-mahapa neun.

MAZMUR 37:37

Taoafik neu hataholi malole-a ma hataholi dale ndoos-sa; hataholi fo nahiik mole-dame-a, so'dan nai fai manamaik-ka, malole.

IMAMAT 11:44

Au nde emi Manetualain, hu ndia de manea, fo ela emi malalaok-malalafuk mahele, nanahu Au malalaok-malalafuk.

IMAMAT 19:2

nanduku-nalosak paleta ia-la neu leoina Israel-la nae, “Ela leo been-na, emi malalao-malalafuk, nanahu Au fo emi Manetualain nde been-na, malalao-malalafuk.

IMAMAT 20:26

Au ta'da fe'e emi neme leoina fe'ek-kala mai, fo ela emi da'di Au nuung. Emi muse malalao-malalafuk, nanahu Au nde Manetualain, ma Au malalao-malalafuk.

MATEOS 5:16

Leondiak boe emi muse da'di mangale'dok nai hataholi a matan, fo ela lita emi tatao-nono'i malole ma, fo no enok ndia, hataholi a hapu koa-kio emi Amam manai nusa so'da ka.”

MATEOS 5:45

fo ela emi Amam manai nusa so'da ka, Ana tao emi da'di Ndia anan. Nanahu Manetualain sue-lai hataholi malole a ma hataholi mangalau ka boe. Ana fe hataholi mana tao ndo sa ma hataholi mana tao mangalau ka u'dan no'u-no'u.

MATEOS 5:47

Boema metema emi fe ha'da-holomata neu ka'da emi nonoo mala mesa kasa soona, ade emi lena ma nde bee? Nanahu hataholi fo ta lalelak Manetualai na boeo, ala tao leondiak boe!

LUKAS 6:36

Ela leo bee na emi manuu dale susuek sama leo emi Amam boeo nanuu dale susuek!”

LUKAS 6:40

Ta hapu ni'iana sakola ana ba'ulena mesen fa. Tehu sakola ana fo ana sakola basa, neukose ana da'di sama leo ndia mese na boe.

2 KORINTUS 13:11

Mate'e na tolano-tolanoo kala ela leo bee na emi mamahoko, ma sanga enok leona fo da'di matetu-mandaak. Sipo ma basa au nanoli-nafa'dang lala'ena. Ela leo bee na emi dalek esa ma maso'da no mole-dame. Manetualain fo Mana Sue-lai Matuaina, ma manini mole-dame ndia, neukose no emi.

2 KORINTUS 13:9

Ami mamahoko, metema ami tapandoe ma emi balakaik. Nakalenak ami hule-haladoi boe, fo ela emi da'di matetu-mandaak.

2 KORINTUS 7:1

Tolanoo susue ngala lemin! Basa hala heheluk sila la ala fen neu ita. Hu ndia de ela leo bee na tao talalao aoina tala neme basa hata fo tao nanggenggeo ita ao paa samanen. Ela leo bee na ata fe ha'da-holomata neu Manetualain, ma sanga enok fo taso'da mateu-mandaak sama na leo Ndia.

EFESUS 3:1

Hu ndia de au, Paulus, fo nanahukuk nanahu Kristus Yesus, soaneu emi hataholi ta Yahudi la paluu ma.

ULANGAN 18:13

Da'di, ela leo been-na, emi mamahele neu emi Manetualaim-ma, no emi dalek-katematuam-ma.”

ULANGAN 27:10

Hu ndia de, tunga emi Manetualaim-ma, ma tao-no'i basa paletan fo, faik ia, au fen emi.”

KOLOSE 1:28

Kristus ndia nde ami tui-bengan neu basa hataholi lala'e na. Ami manoli-mafa'das ma ami fes nasanene'dak, ninik basa ami dudu'a-aafim lala'e na. Ami hihii ma nde bee soona, ami nau moo basa hataholi lala'ena leo Manetualain mai, fo namahehele nala latea-lahele, nanahu ala da'di esa lo Kristus so.

KOLOSE 4:12

Nate'ak neme Epafras. Emi hataholin ndia boe. Kristus Yesus atan ndia fo ana manggate hule-haladoi tataas esa fe emi. Ana noke te'e-te'e neu Manetualain fo ela emi namahehele ma da'di natea-nahele, ma emi mamahele te'e-te'e, fo daenga emi tunga Manetualain hihii-nanaun lala'ena, no matetu-mandaak.

YAKOBIS 1:4

Manea, fo ela emi dale makatatakam ndia, nakapela nakandoo, losa te'e-te'e, emi da'di matetu-mandaak, ma emi ta to'a taa hata esa boen.

1 YOHANIS 3:3

Hataholi fo ana tao namahehena na neu ka'da Kristu sa, muse nanea ao ina na fo ela te'e-te'e malalaok ma balisi neme sala-singo ka mai, sama leo Kristus boeo malalaok.