MATEOS 5:24 - Susula Malalaok Hehelu Palak Ma Hehelu Beuk

²⁴ ela leo bee na, ana la'oela tutunu-hohotun ndia neme mei tutunu-hohotuk lain, fo neu mole-dame no hataholi ndia. Basa ndia soona, besa ka ana fali seluk, fo ana fe tutunu-hohotun neu Manetualain.

MATEOS 5:24 ပူးပေါင်းရင်းမြစ်များ

AYUB 42:8

Nah, besak ia, pa'a-ma sapi mane 7 ma bi'ilopo mane 7, fo muu leo Ayub. Basa soona, tunu-hotu bana sila-la, da'di leo tutunu-hohotu nanatunuk, soaneu o aoinam-ma. Neukose, Ayub hule-haladoi ba'eneu emi, de neukose, Au sipok huhule-haladoin. Leomae emi mandaa sipo huhukuk, tehu neukose, Au ta akamamaek emi fa. Emi ta mafa'da tunga ndoon-na, la'eneu Au aoinang-nga fa, tehu Ayub nafa'dan tunga ndoon-na.”

AMSAL 25:9

Metema, o male'a moo o tia-laim soona, ka'da emi dua mesam-ma, maketu dede'a ndia, tehu boso po'a hataholi fe'ek, dede'a bibila-babaan.

MATEOS 23:23

Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi ho'i ma bumbu dala dae, adas makeek, jintan baba'ek esa neme baba'ek sanahulu mai fo emi fen leo Manetualain neu. Te se'ko na dede'a mabeli ina la nai agama hoholo-lalane nala dalek, fo sama na leo: maketu-mala'di tunga ndo na, dale manasue-lai ka ma lilineka ka, emi ta taoafik neu fas. Te se'ko na dede'ak sila nde muse emi tao-noin no boso mafandele heni dede'a fe'e kala boe.

MATEOS 5:23

Hu ndia, de makanaema hataholi esa nai emi tala'da, nini tutunu-hohotuk fe Manetualain, tehu nai dale nameme'da na, hataholi bei nape'da dale non soona,

MARKUS 9:50

Masik ndia malole, tehu makanaema masin ta soona, ade bei hapu tao namasi selu kana do ta? Da'di, ela leo bee na emi da'dileo masi ka, fo maso'da sama-sama no mole dame.”

1 KORINTUS 11:28

Da'di hataholi a esa-esak muse palisak nakahuluk aoina na, fo besa ka na'a loti ma ninu angol ndia.

1 TIMOTIUS 2:8

Au nau, fo ela su'di nai mamanak bee ndia boe, basa tou kala hule-haladoi no dale malalaok, boso no nasa-meluk do nale'a-napilik.

YAKOBIS 5:16

Hu ndia de, ela leo bee na, esa nafa'da sala na neu esa, ma esa hule-haladoi fe esa, fo ela emi hapu lea-hai. Hataholi fo ana hule-haladoi tunga Manetualain hihii-nanau na, nanuu koasa matua ina.