MATEOS 5:18 - Susula Malalaok Hehelu Palak Ma Hehelu Beuk

¹⁸ Mafandendelek leona te! Losa lalai no daebafa ka beita mopo fas soona, dede'ak sila la de'ek esa, do titianak esa boeo, ta mopo fas, makanaema basa-basas lala'ena beita da'di fa!

MATEOS 5:18 ပူးပေါင်းရင်းမြစ်များ

MAZMUR 102:26

makahulun-na, O makadada'dik daebafak-ka; O lima tataam, lalai boe.

MAZMUR 111:8

Hoholo-lalanen nakatatakak neme tepo lelek leo tepo lelek neu, Ana fen nai ndoos ma matetuk-ka dalek.

MAZMUR 119:152

Neme makahulun eli mai-a, au bubuluk O nanolim-mala, nae O maketun losa dodoon-na.

YESAYA 40:8

Na'u-a namatuu, ma bunga ana male, tehu ita Manetualain dede'a-kokolan nakatatakak losa dodoon-na.”

YESAYA 44:26

Au nde atetea-ahehele Au atang-nga, dede'a-kokolan, ma Au tao-no'i dale tutu'uk fo, Au atang-nga nafa'dan. Au afa'da, ae neukose Yerusalem-ma, nanaleok seluk, ma kota-kota manai Yehuda-la, neukose Au afofo'a falik-kasa; ai-batu manatapasasalan-nala, neukose nanatao matalololek.

YESAYA 51:6

Mete lalai ma mete daebafak-ka; neukose lalai mopok-kana, sama leo ha'imasuk-ka, ma daebafak-ka, neukose ana palaa, sama leo ba'du palaak dooinak-ka, neukose mate basa laun-na, sama leo ninik-ka. Tehu Au fe so'da-molek-ka, nahele losa dodoon-na, ma Au sesenging-nga, neukose ta nate'e fa.

MATEOS 10:15

Mafandendelek leon te! Neu Le'do Fai Mate'e ka te, hataholi manai kota Sodo ma Gomora, neukose mu'dak la'iesa kana, Manetualain fe do'o do ampon neu sala-singo nala, neme hataholi fo manai kota sila la!”

MATEOS 10:23

Makanaema ala fepa-li'u emi nai kota esa soona, malai leo kota fe'ek meu. Au afa'da emi te: emi beita meu donge-dama mafeo basa kota-kota manai Israe la boen te, Ana Hataholi ka ana mai so.

MATEOS 10:42

Ba'eneu see fo ana fe hataholi matasi'da-matasaik fo Au ana mana tungang esa ninu, leomae ka'da oe makasufuk boe, soona mamahele leona te, neukose tao leo bee o, ana sipo ngga'di na!”

MATEOS 11:11

Mafandendelek te! Nai daebafak ia, beita hapu hataholi ba'u lena Yohanis Mana Salani ka fa. Leomae leondiak boeo, hataholi fo anak nanseli nai Manetualain hataholi kamahehele nala dalek, ba'u lena heni Yohanis.

MATEOS 13:17

Mafandendelek te, nabi ba'u ka, ma hataholi mana tunga Manetualain hihii-nanau na, ala hii lita hata fo emi mitan besak ia, tehu ta lita fan. Ala hii lamanene hata fo emi mamanenen besak ia, tehu ta lamanene fan.”

MATEOS 16:28

Bubuluk leona! Te nai emi manai ia la dalek, hapu nggelok ta mate fa, metema ana beita nita Ana Hataholi ka fali ma'in da'dileo Mane ka.”

MATEOS 17:20

Boema Yesus nafa'das nae, “Hu ka nde emi namahehele ma beita dai fa. Mafandendelek! Metema emi namahehele ma leomae anak nanseli, tehu emi hapu mafa'da pupukuk ia mae, ‘Keko leo eli muu!’ soona tao leo bee o neukose ana keko. Ta hapu hata esa boen, fo emi ta hapu tao mala fan! [

MATEOS 18:18

“Bubuluk leona: te hata fo emi kena-ka'in nai daebafa ka, nanakena-ka'ik nai nusa so'da ka boe. Ma hata fo emi mafa'da mae ndoos nai daebafa ka soona, nananafa'da ndoos nai nusa so'da ka boe.

MATEOS 18:3

Boema nafa'das nae, “Mamahele leona! Ka'da metema emi da'di masafali sama leo ni'iana ia soona, neukose emi da'di lima eik neme Manetualain hataholi kamahehele nala mai.

MATEOS 19:23

Boema Yesus nafa'da ana mana tunga nala nae, “Au afa'da neu emi te, tea na seli ba'eneu hataholi kamasu'i ka ana da'di lima eik neme Manetualain hataholi kamahehelen.

MATEOS 19:28

Yesus nafa'das nae, “Mamahele leona: Nai Daebafa Beu ka dalek, neukose Ana Hataholi ka nangatuuk neu kandela manen fo mandela-masa'a ka lain. Nai lelek ndia emi fo Au ana mana tunga ngala, neukose emi mangatuuk nai kandela mane kasanahulu dua kala lain, fo emi maketu-mala'di leoina Israe la leo ana kasanahulu dua nala!

MATEOS 21:21

Boema Yesus nafa'das nae, “Tete'e ka, metema emi mamahele, ma emi dale ma ta naba'e fa soona, emi hapu tao malak hata fo leo, besa ka Au tao basan neu kaak ia boe. Ma ta ka'da ndia mesa kana fa, te lena-lenak neukose emi hapu mafa'da pupukuk ia mae, ‘Pupuku ko nei, keko fo masok leo tasi dale muu’; soona dede'ak ndia ana da'di.

MATEOS 21:31

Na, neme ni'iana kaduak sila la mai a, see ka nde tao tunga, aman hihii-nanaun?” Malanga ima mala ma lasi-lasi Yahudi la lataa lae, “Ana ulu ka”. Boema Yesus nafa'das nae, “Mamahele, te neukose Mana susu bea la, ma ina mana sosoa piao kala, ala da'di Manetualain hataholi kamahehele nala, lakahuluk leme emi mai.

MATEOS 23:36

Mamahele: te neukose hataholi lelek besak ia la nde lu'a-lepa basa sila la!”

MATEOS 24:2

Boema Yesus nafa'das nae, “Ade emi mita basa uma sila la so hetu? Bubuluk leona, te ta hapu batu esa boen neme uma sila la, neukose nananakatoto'dok nahelek neu mamana na fa. Te neukose basa-basas nanatao natu'uk.”

MATEOS 24:47

Mamahele leona, te neukose malangan ndia nahoho'u basa hata-heton neu malalau-maoono ndia.

MATEOS 25:12

Tehu mana ka'bing tou ka nataa nae, ‘Au ta alelak emi fa!’ ”

MATEOS 25:40

Neukose Manek ndia nataa nae, ‘Bubuluk leona, te nai lelek emi tao dede'ak sila la, leomae neu hataholi esa neme Au tolanoong matasi'da-matasai ngala mai, soona ndia sosoa na nae, emi tao-no'in soaneu Au nde ndia so!’

MATEOS 25:45

Neukose Manek ndia nataa nae, ‘Bubuluk leona, te nai lelek fo emi ta nau tulu-fali hataholi matasi'da-matasaek esa nai daebafa ka fa soona sosoa na nae, emi ta nau tulu-fali Au fa.’

MATEOS 5:26

Ma mafandendelek leona te: Tao leo bee o neukose emi ta hapu kalua neme bui ndia dalek mai fa, losa faik bee, emi baeketu basa emi huta bu'u mala lala'ena.”

MATEOS 6:16

“Metema emi oka ao mala soona, boso fe mata-panam bee male, sama leo hataholi mana dea-dale kala fo mata panan bedae, fo sue ka nde hataholi la litas soona, lae sila oka ao nala. Mafandendelek te, ala sipo la sila ngga'di na nde ndia so.

MATEOS 6:2

Hu ndia de, metema emi tulu-fali hataholi nuu ta kala soona, boso tui kii-konak dede'ak ndia, sama leo hataholi mana dea-dale kala tatao-nono'in. Hataholi matak leo sila kala, ala hii tao leondiak nai uma mamaso kala dalek, ma lai okofoo la lain, fo ela hataholi la koa-kios. Tehu mafandendelek te, ala sipo basa ngga'di nala nde ndia so.

MATEOS 8:10

Lelek fo Yesus namanene hata fo malanga solda'du matua ina ndia hala-kokola na boema Ana dodoo doa kana. Boema nafa'da basa hataholi mana tunga nana nae, “Hataholi ia anseli. Nanahu nai hataholi Israe la dalek, Au beita atongo o hataholi namahehelen ba'u ia fa!

MARKUS 10:15

Mafandendelek dede'a ka nde ia! See ta neu nataa Manetualain sama na leo ni'iana esa fa soona, neukose ana ta da'di lima eik neme Manetualain hataholi kamahehele nala fa.”

MARKUS 10:29

Yesus nae, “Mamahele leona! Te hataholi fo ana la'oela uma lon, do tolanoo toun, do tolanoo inan, do inan, do aman, do ana nala, do ha'deoe ma tina osin boe, hu ka nde Au ma Hala Malole maneme Manetualai na mai,

MARKUS 11:23

Soona mamahele te, metema emi mafa'da lete pupukuk ia mae, ‘O lali meme ia leo tasi dale mu!’ soona ba'eneu emi, dede'ak ndia neukose ana'di; sa'di emi dale ma boso naba'e, ma emi mamahele hata fo emi mafa'dak ndia, neukose anda'di te'e-te'e.

MARKUS 12:43

Boema Yesus nalo na ana mana tunga nala de nafa'das nae, “Taoafik neu dede'ak ia: Inafalu nuu ta-hata tak fo mana tu'u doi kolete leo peti ndia dalek neu a, beli na ba'u lenaheni basa hataholi fe'e kala tutu'u na.

MARKUS 13:30

Bubuluk leona! Te basa manda'dik ia la neukose ala da'di te, hataholi maso'dak besak ia la, beita mate basa fas.

MARKUS 14:18

Yesus no ana mana tunga nala langatuuk de la'a boema Yesus nae, “Mamanene dei, te hataholi esa nai emi dalek, besak ia na'a sama-sama no Au, neukose ana ke'dindiu Au.”

MARKUS 14:25

Mamahele leona! Te neukose Au ta inu seluk angol ia so'ok, losa lelek fo Au inu angol beu ka, sama-sama o emi nai Au Amang Daebafa Beun dale.”

MARKUS 14:30

Tehu Yesus naen nae, “Mafandendelek, te le'odaek ia boe, manu beita kokoa la'i dua fa te, o malelesi Au la'i telu so.”

MARKUS 14:9

Mamahele leona! Te nai basa daebafa ka lala'ena nai bee boe, Manetualain Hala Malole na nanatui-bengak soona, inak ia tatao-nono'in boeo, neukose nanatui-bengak da'dileo nasanene'dak soaneun.”

MARKUS 3:28

Bubuluk leona! Makanaema hataholi tao sala-singok ma ana kokolak dede'a nakamumulu-nakamamaek soona, ana hapu do'o do ampon.

MARKUS 6:11

Tehu makanaema emi losa mamanak esa fo hataholi sila la ta nau sipok emi do ala ta nau lamanene emi fa soona, la'oela mamanak ndia. Soona ngganggafuheni afu manai emi ei dale ma, fo ana da'di neu nasanene'dak esa soaneu hataholi sila la!”

MARKUS 8:12

Yesus hela hahae na boema nae, “Hu beek de hataholi besak ia la loke Au tao manda'di beuk? Ta! Neukose Au ta fes ta'du tana matak leondia ka fa!”

MARKUS 9:1

Boema Yesus nae, “Bubuluk leona! Te nai emi basa-basam manai ia la, hapu nggelok beita mate fa, metema beita nita Manetualain paleta ninik koasa na!”

MARKUS 9:41

Mafandendelek te! Hataholi fo ana fe emi minu, hu ka nde Mane Mana Fe So'da ka ana mana tungan emi soona, tao leo bee o ana sipo ngga'di na.”

LUKAS 11:51

mulai neme kanisak neu Habe la ma losa kanisak neu Zakharia fo kanisak sila ana da'di nai mei tutunu-hohotu ka no Manetualain Uma na tala'da. Mamahele leona. Te hataholi lelek besak ia la, tao leo bee o neukose nanahuku kala, hu ka nde basa dede'ak sila la.

LUKAS 12:37

Ua-nalek ba'u na seli ba'eneu malalau-maoono fo tua na hapu nan bei nahani lahele nai lelek tua na mai. Mamahele leona! Neukose tuan ndia nahehele aon fo nadenu malalau-maoonon sila la langatuuk fo nalalau-naoonos.

LUKAS 13:35

Hu ndia de Manetualain ta nau nok o seluk fa. Bubuluk leona, te mulai besak ia, neukose o ta mita seluk Au losa o mafa'da mae, ‘Nanaba'e-palak neu Ndia fo ana mai no Lamatua ka na'de na.’ ”

LUKAS 16:17

Tehu mu'dak la'iesa kana soaneu lalai no daebafa ka sapu-lalo, neme Manetualain hoholo-lalanen de'e seseli anak esa da'di nanapake tak.

LUKAS 18:17

Mafandendelek leona! Te hataholi fo ta nasasale matak no Manetualain sama leo ni'iana esa fa soona, neukose ana ta da'di lima eik neme Manetualain hataholi kamahehele nala mai fa.”

LUKAS 18:29

Yesus nae, “Mamahele leona! Te hataholi fo ana la'oela uma na, do saoina na, do tolanoo na, do ina-aman, do ana nala, hu ka nde nalalau-naoono Manetualain,

LUKAS 23:43

Yesus nafa'dan nae, “Mamahele leona! Faik ia neukose o sama-sama mo Au nai Firdaus dalek.”

LUKAS 4:24

Yesus kokolak tama selu kana nae, “Mafandendelek, te ta hapu nabi fo nanafe ha'da-holomata nai nggolo-tu'dun fa.

YOHANIS 1:51

Yesus nafa'dan boe nae, “Tete'e ka, mamahele leona te neukose o mita lalai natahuka, fo o mita Manetualain ata nusa so'da nala, ala kona kae leo Ana Hataholi ka mai.”

YOHANIS 10:1

“Au dede'ang ia tete'e ka la'en. Metema hataholi esa, ana kae tunga bi'i lalae a, te ana tunga lelesu a fa soona, hataholi nakodaa ma manabonga uma ndia, nanahu ana ta tunga lelesu a fa.

YOHANIS 10:7

Boema Yesus kokolak seluk nae, “Tete'e ka, Au hala-kokolang ia la'en: Au nde manafoo bi'ilopo la.

YOHANIS 12:24

Au dede'ang ia, tete'e ka la'en: Makanaema ha'de de'ek esa, ta selen leo dae dale neu, fo ha'de de'ek ndia po'o fan, soona neukose ana da'di de'ek esa nahele. Tehu makanaema ha'de de'ek ndia po'on nai dae dale, soona besa ka ana moli, fo nabuna-naboa ha'de de'e ba'u.

YOHANIS 13:16

Au dede'ang ia tete'e ka la'en, Ata esa, ta ba'ulena tua na, ma hataholi nadedenuk esa, ta ba'ulena hataholi manamadenu nana fa.

YOHANIS 13:38

Boema Yesus nae, “Ade tete'e ka, o nau mate soaneu Au do? Fo ela o bubuluk leona te, manu ana beita kokoa fa, te o mafa'da basa la'i telu mae, o ta malelak Au fa!”

YOHANIS 14:12

Au dede'ang ia tete'e ka la'en: See namahele Au soona, neukose ana tao hata fo Au tao basa kala so, — lena-lenak ana tao dede'a matua lena seluk bai — nana Au u leo Ama ka u.

YOHANIS 16:20

Mamahele leona, te neukose emi kii-makaleleu, tehu neukose daebafa ka namahoko-setelee. Neukose emi dale ma he'di sa, tehu emi dale he'dim ndia, nasafali da'di namahoko-seteleek.

YOHANIS 16:23

Nai faik ndia, neukose emi ta matane Au, hata-hata so'on. Mamahele leona: Te hata fo emi moken neme Ama ka minik Au na'de nga soona, neukose Ama ka fe emi.

YOHANIS 21:18

Au dede'ang ia tete'e ka la'en; Nai lelek fo o bei muli-solu ma, o kalikee aom o kalikee ma, fo o hii mu leo bee mu soona, o la'o-la'o mesan. Tehu metema neu o fai lasi ma soona, hataholi fe'ek nde kalikee fe o kalikee ma neu, fo ana hela o leo mamanak fo, o ta mahii kana fa.”

YOHANIS 3:11

Mamahele leona: te ami kokolak ka'da hata fo ami bubulu kana, boema ami mitan leo beek soona, ami mafa'dan leondiak; tehu leondiak boeo, emi ta nau mamahele ami hala nafafa'dam sila fa.

YOHANIS 3:3

Boema Yesus nafa'dan nae, “Mamahele leona te, metema hataholi esa ta bongi nasafali fan soona, hataholi ndia ta da'di Manetualain hataholi kamahehelen fa.”

YOHANIS 3:5

Boema Yesus naen nae, “Au dede'ang ia, tete'e ka la'en: metema ta bongi nasafali hataholi a neme oe ma Manetualain Dula Dale na mai fa soona, Manetualain hataholi kamahehelen ta hataholi ndia fa.

YOHANIS 5:19

Boema Yesus nataa hataholi sila la nae leo ia, “Mamahele leona te, Ana ka ta hapu tao-no'i hata esa boen, ninik koasa na mesa kana fa. Ka'da ka Ana tao-no'i hata fo nita Aman tao-no'i nana. Nana hata fo Ama ka tao-noin soona, ndia nde Ana ka tao-no'in boe.

YOHANIS 6:26

Boema Yesus nae, “Tete'e ka, emi mai sanga Au nana ta hu ka nde emi malelak basa Au tao manda'di beu kala sosoa-ndandaan fa, te hu ka nde emi mi'a basa de emi makabete so.

YOHANIS 6:32

Boema Yesus nafa'das nae, “Mamahele leona: te Au Amang nde fe emi loti matetu ka neme nusa so'da ka mai, te ta Musa fa.

YOHANIS 6:47

Fo ela emi bubuluk te: Hataholi see namahele soona, ana hapu maso'da matetu ka, ma manaketu basa ta ka.

YOHANIS 6:53

Boema Yesus nafa'das nae, “Mamahele leona: Te metema emi ta mi'a Ana Hataholi ka ao paa na, ma minu ao daa na fa soona, neukose emi so'da ma sosoa-ndandaan ta.

YOHANIS 8:34

Boema Yesus nafa'das nae, “Au dede'ang ia, tete'e ka la'en, nana hataholi manatao sala-singo ka nde bee na, ana da'di sala-singo ka atan.

YOHANIS 8:51

Au dede'ang ia, tete'e ka la'en. Hataholi manatunga Au dede'a-kokola nga, neukose ana ta mate losa dodoo na fa.”

YOHANIS 8:58

Tehu Yesus nafa'das nae, “Te'e-te'e Au afa'da emi te: beita bongi Abraham boe te, hapu Au so.”

1 PETRUS 1:25

tehu Lamatua ka dede'a-kokolan, nahele losa dodoo na.” Halak ndia nde Hala Malole, fo nanatui-benga basak neu emi so.

NINITAK 20:11

Basa ndia boema, au ita kandela manek dula fula matua esa ma Ndia fo manamangatuuk manai lai na. Lalai no daebafa ka mopo kasa neme mata na mai, nalosa ta nananitak so'on.