MATEOS 5:17 - Susula Malalaok Hehelu Palak Ma Hehelu Beuk

¹⁷ “Emi boso maedaenga Au mai fo Au loseheni Musa hoholo-lalanen ma nabi la nanoli nala. Au ta mai loseheni fas, tehu Au mai afa'da mangalele'do sosoa-ndandaa matetu nala.

MATEOS 5:17 ပူးပေါင်းရင်းမြစ်များ

YESAYA 42:21

Manetualain nau soi-tefa; Ana hii fe ha'da-holomata, ma mamatutua-mamadedema hoholo-lalanen.

MATEOS 3:15

Tehu Yesus nae, “Neme na fo basa sila lala'ena, ala da'di. Nanahu no enok ndia de, ita tao tatetu Manetualain hii-nanaun.” Boema Yohanis salani Yesus leona.

MATEOS 7:12

Metema emi nau hataholi tao malole neu emi soona, nakahuluk emi tao malole neu hataholi dei.”

LUKAS 16:17

Tehu mu'dak la'iesa kana soaneu lalai no daebafa ka sapu-lalo, neme Manetualain hoholo-lalanen de'e seseli anak esa da'di nanapake tak.

YOHANIS 8:5

Nai Musa hoholo-lalanen dale, hapu nakanenete ka nae, ina matak leo ia ka, muse pia nini kana batu losa maten. Besak ia, Ama hahapu ma leo beek?”

HATAHOLI 18:13

Ala kalaak Paulus lae, “Hataholi ia, ana dudungu-papau hataholi makadotok, fo daenga lamahele Manetualain, ninik eno-dalak fo ta nandaa no Musa hoholo-lalanen fa!”

HATAHOLI 21:28

ma ala eki lae, “Hei hataholi Israe la lemin, mai fo fali ma ami dei! Te hataholi ia nde neu leo basa mamanak lala'ena fo nanoli hataholi la la'ban leoina Israe la fo ala la'ban Musa hoholo-lalanen, ma ala la'ban Manetualain Uman ia. Nakalenak besak ia, ana hela no hataholi ta Yahudi la leo Manetualain Uman dale leu, fo ala tao langgenggeo mamana malalao-malalafuk ia!”

HATAHOLI 6:13

Ma lo hataholi mana sakasii masapepeko kala, fo ala fe sakasii la'eneu Stefanus. Sakasii masapepekok sila la lae, “Hataholi ia nakamumulu-nakamamaek Manetualain Uma malalao-malalafu na tataas esa, ma nakamumulu-nakamamaek Manetualain paletan fo Musa naduku-nalosa kala.

ROMA 10:4

Kristus tao natetu agama hoholo-lalanen so. Da'di, hataholi see namahele Kristus soona, tututi-nanaton no Manetualai na, malole falik.

ROMA 3:31

Ade dede'ak ia, ta nanuu sosoa-ndandaak nae, hu ka nde ita tamahele Kristus, boema ita tu'u-tapaheni agama Yahudi a hoholo-lalanen do? Ta leondiak fa! Nana hu no ita namahehelen ndia de, ita so'ulaik hoholo-lalanek ndia.

ROMA 8:4

Manetualain tao leondiak, fo Ana tao natetu hihii-nanaun manai agama Yahudi hoholo-lalanen nai ita dalen dale, fo taso'da tunga Manetualain Dula dale na, te ta tunga hataholi daebafa ka ha'da paliin fa.