MATEOS 5:15 - Susula Malalaok Hehelu Palak Ma Hehelu Beuk

¹⁵ Hataholi a de'de na banu ka soona, ana ta tatanaketu banuk ndia fa. Tehu ana fua banuk ndia neu mamana madema esa lain, fo daenga banuk ndia nasalaa na basa hataholi manai uma ndia dale ka.

MATEOS 5:15 ပူးပေါင်းရင်းမြစ်များ

KELUARAN 25:37

Taom-ma banuk hitu neu banu eik ndia, soona pe'da matalololen fo daenga pilan-na leo uluk neu.

ZAKHARIA 4:2

de natane nae, “O mita beek?” Boema, au ataa ae, “Banu eik esa, nanataok neme lilopilas-sa mai. Mamana minan-na, nai pe'dan-na lain, ma banuk 7, nai boboa-kaisun, fo esa soona, nanuu mamana tetelu 7.

BILANGAN 8:2

“Mafa'da Harun mae nai lelek, ana pe'da banuk ka hituk-kala neu banu eik ndia soona, muse ana pe'da matalololen fo ela lasalaa leo banu eik ndia matan neu.”

MARKUS 4:21

Boema Yesus kokolak nakandoo nae, “Ade emi mita hai hataholi de'de na banu ka soona, ana tatana ketun ninik lepeneu, do ana pedan neu pepe'u ka dae do? Tao leo bee o ta hetu. Tao leo bee o ana tao banuk ndia neu mamana banuk lain.

LUKAS 11:33

“Ta hapu hataholi fo ana de'de na banu ka boema nafunin do tatanan ninik lepeneu. Neukose ana fua banuk ndia neu banu eik lain, fo ela hataholi manamasok leo uma dale neu a, hapu lita mangale'do na.

LUKAS 11:36

Metema emi ao ma lala'ena mangale'dok, fo makahatuk ta faa anak boen, soona emi aom ndia mangale'dok sama leo la'e banu ka pila na.”

LUKAS 8:16

Basa ndia boema Yesus nafa'da nae, “Ta hapu hataholi fo ana de'de na pila banu ka boema ana tatanan ninik lepeneu, do ana pe'dan neu pepe'u ka dae fa. Neukose ana pe'da banuk ndia neu banu eik lain, fo ela hataholi manamasok leo dalek neu a, ana hapu nita mangale'dok.

FILIPI 2:15

No enok ndia, emi matu'du mae, emi nde bee na Manetualai nanan, fo sala-singo ta kala, ma emi maso'da tunga ndo na ma emi ndoos nai hataholi mangalauk fo masala-masingo kala tala'da. Ma nai lelek fo emi manduku-malosak halak mana fe so'da ka neu hataholi sila la, ela leo bee na emi mangale'do nai sila tala'da, fo nangale'do na daebafa ka. Metema emi maso'da leondiak soona, neukose au hapu ne'ek soaneu au amatutua-amadedema emi nai lelek fo Yesus Kristus fafali ma'i na. Fo ndia da'di buti nae, au sota-mate te ta louk fa, ma au hapu au tutunga-sasangang buna-boan.

IBRANI 9:2

Lapadedeik uma lopo esa nai uma mamaso ka mata na, de ala foin na'de Kama Malalaok. Nai ndia hapu mamanak soaneu pe'da banu ka ma mei no loti fo ala fen neu Manetualai na boe, nai Kama Malalaok ndia dalek.

NINITAK 2:5

Hu ndia de, mafandendelek leona te, emi tu'da meu nai doo ka so! Tukatei-saledale meme emi sala-singo mala ma tao-no'i hata fo makahulu na emi tao-no'in nana. Metema ta soona, neukose Au ne'i fo Au fe'aheni emi banu eim sila la neme mamana nala mai.