MATEOS 5:11 - Susula Malalaok Hehelu Palak Ma Hehelu Beuk

¹¹ Maua-manalek neu emi, metema hataholi nakamumulu-nakamamaek emi, ala fepa-li'u emi, ma lakasasa'ek dede'a pepekok neu emi, nanahu Au.

MATEOS 5:11 ပူးပေါင်းရင်းမြစ်များ

MAZMUR 35:11

Sakasii mangalauk-kala, ala fo'a fo la'ban au, ma ala kalaak au tao, dede'a-dede'ak fo au ta bubuluk-kana fa.

MAZMUR 44:22

tao leo bee-o, neukose Ana bubuluk-kana, nana Ana bubuluk dede'a nananafunik manai ami dalem dale-a.

YESAYA 25:8

Manetualain Fo Manakoasa, neukose tao namate-namopo mamates-sa, losa dodoon-na! Neukose Ana loseheni luuoe-a neme basa mata-panak lala'en-na mai, ma nadook nakamumulu-nakamamaek fo, anan manai daebafak-ka lala'en-na, lu'a-lepak-ka. Manetualain kokolak basa so, de tao leo bee-o, dede'ak ndia ana da'di.

YESAYA 51:7

Hai Au leoinang-ngala lemin, mamanene Au leona, emi bubuluk hata fo la'en; Au nanoling-nga, nanape'dak nai o dalem dale. Metema, hataholi daebak-ka, hakinonoli o soona, boso bii, metema ala lakadadaek o soona, dalem-ma boso ba'ihana.

YESAYA 66:5

Mamanene hata fo, Manetualain nafa'dan, hai emi fo, manabii-mamata'u, ma tunga neun, “Hu kande emi lilineka neu Au boema, nai emi leoinam-ma dalek, hapu nggelok lakamuu-lakadau emi, ma ala ta nau leo-lapalasa lo emi fa. Ala hakinonoli emi, nenik lafa'da lae, ‘Nemen-na fo, Manetualain natu'du matua-mademan, fo ela ami mita, o namahoko-seteleem.’ Tehu sila mesak-kasa nde hapu mamaek-ka.

YEREMIA 37:14

Au ataa ae, “Ta tete'ek fa! Au ta dudu'a ae alai fo ok musunok-ka fa.” Tehu Yeria ta nau namanene fa. Ana ho'u-na au de no au u ata mauli-malanga manapaletak-kala.

MATEOS 10:18

Neukose lo emi meu mataa mana koasa la, mane-mane kala, nana Au ana mana tungang emi. Soona nai ndia nde emi hapu loak soaneu emi fe sakasii la'eneu Au soaneu hataholi manai sila la, ma hataholi fo ta lalelak Manetualai na fa.

MATEOS 10:22

Neukose basa hataholi la lakamuu-lakadau emi, nanahu Au ana mana tungang emi. Tehu hataholi fo nakatatakak losa mate'e na, neukose ana hapu so'da ka.

MATEOS 10:25

Metema ni'iana sakola ana esa, ana da'di sama leo mese na, ma ata esa, ana da'di sama leo malanga na soona, dai so. Makanaema malanga uma lo a, ala foi basa na'de na lae Baalzebul, soona muda hata no uma isi nala bai. Neukose ala fes na'dek esa, mangalau na ba'u lena seluk ndia bai!”

MATEOS 10:39

Hataholi fo ana ho'u nahele so'da na, neukose namopo so'da na, tehu hataholi fo ana nau namopo so'da na, hu ka nde ana lili neka nahele Au, soona, neukose ana hapu so'dana.”

MATEOS 19:29

Ma see la'oela uma-loon do tolanoo tou tolanoo inan, do ina aman, do upu-anan, do tina-osin nanahu Au soona, neukose hataholi ndia, ana sipo fali kana didikuk la'i natun esa. Ma neukose, ana sipo so'da matetu ka, ma mana ketu basa ta ka boe.

MATEOS 24:9

Basa soona, neukose ala ho'u la emi fo ala fe heni emi soaneu ala fepa li'u emi, ma ala taolisa emi. Neukose basa daebafa ka lakamuu-lakadau emi nanahu Au ana mana tungang emi.

MATEOS 27:39

Basa hataholi mana la'ok tunga ndia lakakale langa ma lakamumulu-lakamamaek Yesus.

MARKUS 13:13

Neukose basa hataholi la lakamu-lakadau emi nana Au ana mana tungang emi. Tehu ba'eneu hataholi fo nakatatakak losa mate'e na, neukose ana hapu maso'da ka.”

MARKUS 13:9

Emi muse manea matalolole, nana neukose ala ho'u la emi fo ala lele'a-loloso emi leo manamaketu-mala'di Agama matua meu. Neukose ala fepa-li'u emi nai uma mamaso kala dalek. Neukose lo emi meu mataa manaho'u paleta la ma mane kala, nana Au ana mana tungang emi. Tehu no dede'ak ndia fo emi hapu fai loak soaneu emi tui-benga Au neu hataholi sila la.

MARKUS 4:17

Tehu halak ndia ta nahuu-naoka nai dale nala dalek fa, de nalosa ta lakatatakak losa doo ka fa. Leondiak ala hapu toto'a-tataak do fefepa-lili'uk nanahu halak ndia, tutika ala fali deak.

MARKUS 8:35

Nana hataholi fo ana nau ho'u nahele so'da na, neukose namopo so'da na. Tehu hataholi fo ana tunu-hotu so'da na soaneu Au, ma soaneu Hala Malole fo neme Manetualain mai soona, neukose ana hapu so'da na.

LUKAS 21:12

Tehu basa sila la ala beita da'di fa te, neukose emi nanaho'uk ma nanafepa-li'uk. Neukose laketu-lala'di emi nai uma mamaso kala dalek, ma nanataok leo bui dale neu. Ma neukose ala lele'a-loloso emi leo mane kala ma mana koasa la matan meu, hu ka nde Au ana manatungang emi.

LUKAS 21:17

Neukose basa hataholi la lakamuu-lakadau emi, nanahu Au ana manatungang emi.

LUKAS 6:22

Maua-manalek neu emi, metema nananakamuu-nakadauk, nanatipahenik, nananakamumulu-nakamamaek, ma nanakala pepekok, hu ka nde Ana Hataholi ka!

LUKAS 9:24

Nana hataholi fo ana ho'u nahele so'da na, neukose namopo so'da na. Tehu hataholi fo ana tunu-hotu so'da na soaneu Au paluu nga, neukose ana hapu so'dak.

YOHANIS 15:21

Neukose ala tao emi leondiak, nanahu Au ana manatungang emi, hu ka nde ta lalelak Ndia fo manamadenu Au a fa.

YOHANIS 9:28

Boema laseon lae, “O nde da'di hataholi ndia ana manatunga na te ami ta! Ami ia Musa ana manatungan dei.

HATAHOLI 9:16

Ma Au atu'dun basa doidosok fo muse ana la'ola'din, nanahu Au.”

ROMA 8:36

Nai Susula Malalaok dale nanasulak nae leoia, “Fai katemak esa ami maso'da nai susa-soe mamate sa dalek nanahu O. Ala tao ami sama leo bi'ilopo fo sanga do'don.”

1 KORINTUS 4:10

Hu ka nde Kristus, de ami dadi hataholi nggoak, ma emi dadi hataholi Salani malelak! Ami tapandoes ma emi balakaik! Lakamuu-lakadau ami, ma ala koa-kio emi!

2 KORINTUS 4:11

Doo-doo basa ia, nai ami maso'da ma dalek, mamate sa mama'u ami tataas esa nanahu Yesus, fo ela no enok ndia, Yesus maso'da na boeo nananitak nai ami ao paam manafuu-mopok ia.

FILIPI 1:29

Nanahu Manetualain fe basa emi baba'e-babatik, fo ta soaneu ka'da mamahele neu Kristus fa, te soaneu emi doidoso, ba'eneu Kristus boe.

1 PETRUS 2:23

Lelek fo nanadodoki-aalik tehu Ana ta balas ninik dodoki-aalik fa. Lelek fo Ana doidoso, tehu Ana ta tao mangalauk neu hataholi mana tao mangalauk neu na fa. Ka'da Ana fe dede'a na neu Manetualain, fo mana maketu-mala'di tunga matetu na.

1 PETRUS 4:14

Emi maua-manale, metema emi nananakamumulu-nakamamaek, nanahu Kristu sana mana tungan emi. Dede'ak ndia sosoa na nae, Dula Dale mamalaok fo nde Manetualain Dula dale na, nai emi dalem dale.

NINITAK 2:3

Emi boeo ta haelai mamanasa ma ta ketu namahehenak, leomae emi doidoso nanahu Au.