MATEOS 4:4 - Susula Malalaok Hehelu Palak Ma Hehelu Beuk

⁴ Yesus nataa nitu a nae, “Nai Susula Malalaok dale nanasulak nae, Hataholi a ta naso'da ninik ka'da loti a mesa kana fa, tehu hataholi a naso'da neme Manetualain dede'a-kokolan mai boe.”

MATEOS 4:4 ပူးပေါင်းရင်းမြစ်များ

KELUARAN 16:15

Lelek hataholi Israel-la litan, tehu ta lalelak beek ndia fa. Boema esa natane esa nae, “Beek ndia?” Boema Musa nafa'das nae, “Manetualain, Ana fe emi nana'ak-ka, nde ndia.

KELUARAN 16:35

Manna ndia, da'di hataholi Israel-la nana'an-na, nai teuk haahulu manamaik-ka, losa ala losa dae Kanaan, fo mamanak ala leo latea-lahele. (

KELUARAN 16:8

Neukose, Manetualain fe emi paa nai fai le'donoson-na, ma ko'kis nai fai fafain-na, fo emi mi'a losa emi makabete, nanahu Manetualain namanene basa emi makamuu-muun so. Te'e-te'e, metema emi mamanasa ami soona, emi mamanasa Manetualain.”

KELUARAN 23:15

Nai hataholi Yahudi-la bula Abib-pa dalek, fo nai faik nananaketuk-ka, emi muse tao Feta Loti Fo Ta Pake Laluteik fa, tunga eno-dalak fo Au paleta basan neu emi so, nana emi la'oela Masir nai bulak ndia dalen-na. Boso mi'a loti fo kamen no laluteik, nai feta faik hitu ndia dalen-na. Nai lelek, emi mai sene-do'ok soaneu Au soona, emi muse meni tunu-hotuk.

MATEOS 15:11

Fo mana masok leo bafak dale neu a, ta tao na hataholi a nanggenggeo fa; ka'da mana kalua neme bafak dale mai a, ndia nde nakadada'dik manggenggeo ka.”

MATEOS 4:10

Boema Yesus nataa nitu nae, “Hei mana dudungu-papau ko nei! O la'o leona. Te nai Susula Malalok dale nanasulak nae, Makaluku-makatele neu Lamatuak fo o Manetualai ma, ma malalau-maoonon!”

MATEOS 4:7

Boema Yesus nataa nitu nae, “Tehu nai Susula Malalaok dale boeo nana sulak nae, ‘O boso so'ba o Lamatuam Manetualain.’ ”

MARKUS 7:20

Boema Yesus kokolak seluk nae, “Hata fo manakaluak neme hataholi a dalek mai a, hata ndia nde tao nanggenggeo nana.

LUKAS 4:12

Yesus nataa nae, “Nai Susula Malalaok dale nanasulak nae, ‘Boso so'ba Lamatuak fo o Manetualai ma.’ ”

LUKAS 4:4

Yesus nataa nae, “Nai Susula Malalaok dale nanasulak nae, ‘Hataholi a ta hapu naso'da neme loti mesa kana mai fa.’ ”

LUKAS 4:8

Boema Yesus nataa nae, “Nai Susula Malalaok dale nanasulak nae, ‘Sene-do'ok neu o Lamatuam Manetualain, ma ka'da malalau-maoonon.’ ”

YOHANIS 15:26

Neukose Au adenu Mana Tulu-Fali ka neme Ama ka mai, soaneu emi. Ndia nde Dula Dalek fo neukose nafa'da ndos la'eneu Manetualain. Metema Ana mai soona, neukose Ana fe sakasii la'eneu Au.

YOHANIS 6:63

Manetualain Dula Dale na, nde ana fe hataholi daebafa ka naso'da. Nanahu hataholi daebafa ka be'i-balakain sosoa-ndandaan ta. Au afa'da emi dede'a-kokolak sila la nde bee na, Manetualain Dula Dale na dede'a-kokolan, fo dede'a-kokola manafe maso'da ka.

ROMA 15:4

Basa hata fo nanasulak nai Susula Malalaok dale ndia, nde bee na soaneu nanoli ita. Nana nanolik fo ita sipon neme Susula Malalao ka, ana tao na ita takatatakat ma balakaik, nalosa ita hapu tamahena neu Manetualain.

EFESUS 6:17

Ho'i ma so'da mole ka, fo taon da'di topi musu, boema pake Manetualain dede'a-kokolan da'dileo tafa, neme Manetualain Dula Dale na.

ULANGAN 8:3

Ana po'ilotak emi mamala'a-mamandoe, boema Ana fe emi koki manna, fo emi mi'a. Emi, ma emi bei-ba'i kaim-mala, makahulun-na beita mi'a mita nana'ak ndia fa. Manetualain tao leondiak, fo nanoli emi, nae hataholi daebafak-ka, ta hapu naso'da nenik ka'da nana'a-nininuk mesak-kana fa, tehu naso'da neme Manetualain hala-kokolan mai.