MATEOS 4:24 - Susula Malalaok Hehelu Palak Ma Hehelu Beuk

²⁴ Ala benga Yesus nafeo basa nusa Siria lala'ena, nalosa hataholi makadotok mai leo Yesus mai. Ala lo basa hataholi kamahe'di mata-mata kala ma hataholi mana to'a-ta kala. Hataholi nitu sa'e kala, kamulu bi'i kala, ma lu'u ei kala de Yesus nakahahaik basa-basas.

MATEOS 4:24 ပူးပေါင်းရင်းမြစ်များ

2 SEMUEL 8:6

Basa boema, Dauk napadedeik solda'du-la lalaa ofun-nala nai hataholi sila nusan dale, de lakatele neu Dauk, boema ala bae bea leo Dauk neu. Manetualain fe Dauk sengi, su'di nai mamanak bee fo natee-nata'ti.

1RAJA-RAJA 10:1

Nusa Syeba ina manen-na namanene la'eneu Salomo nananita-nalelak. Boema neu leo Yerusalem neu fo ana so'ba Salomo nenik natatane mateaina la.

1RAJA-RAJA 4:31

Te'e-te'e malela na lena basa hataholi-lala'en-na. Ana lena Etan fo hataholi Ezrahi, Heman, Kalkol ma Darda fo Mahol anan-nala. Salomo na'den-na nananita-nalelak nai mamanak lala'en-na nai nusa-nusak manai nusan-na boboa kaisun.

1 TAWARIKH 14:17

Boema Dauk na'de na nananita-nalelak nai mamanak lala'en-na, de Manetualain tao na basa leoina lala'en-na bii Dauk.

1 TAWARIKH 29:2

Au sadia basa uma ndia ai batun ma hata-heton tunga au nabe'ing-nga so. Au sadia basa lilopilas, lilofulak, liti, besi, ai, batu kabelik-kala ma batu-batu poemata, batu madulak mata-matak-kala soaneu balias uma ndia, ma batu marmar makadotok nanseli.

KELUARAN 15:26

Manetualain nae, “Tunga Au no te'e-te'ek, ma tao hata fo Au meten malole; tunga la'iesak Au paletang-ngala. Metema emi tao tungan leondiak soona, neukose Au ta huku emi nenik he'di-laus fo Au fen neu hataholi Masir-ra. Au nde Manetualain, fo manatao nalea-nahai emi-a.”

MATEOS 12:22

Basa boema, hataholi la lo hataholi esa pokek ma hala tak, nana dula dale mangalau ka, koasa nan. Yesus tao nahai hataholi ndia, de nalosa ana hapu kokolak nalelak ma nita no malole.

MATEOS 14:1

Nai lelek ndia Herodes fo mana koasa nai nusa Galilea, namanene hataholi la kokolak la'eneu Yesus,

MATEOS 15:22

Boema ina Kana'an esa nai nusak ndia, ana mai de nalo bou-bou nae, “Dauk anan, sue-lai au dei! Te dula dale mangalau ka, ana masok nai au ana fe'o nga dalek, de namahe'di belak.”

MATEOS 17:15

de nafa'dan nae, “Ama, fali ma au ana nga dei. Au anang ndia, kamulu bi'ik. He'di mulu bi'ik ndia, mangalau hiik, de nalosak ana tao na au ana nga nasi'a ana tu'da leo ha'i dale, ma oe dale neu boe.

MATEOS 17:18

Boema Yesus paleta dula dale mangalauk manai ni'iana ndia dale ka de ana kalua. Dula dale mangalauk ndia ana kalua boema ni'iana ndia, ana hai hate matak ndia boe.

MATEOS 4:23

Yesus la'ok okofefeo basa nusak lala'ena de nanoli neme uma mamaso kala dalek. Ana tui-benga Hala Malole nae, ta doo ka so'on te neukose Manetualain paleta so. Boema nakahahaik hataholi kamahe'di sala, hataholi poke pake kala, ma lu'u ei-la'di lima kala.

MATEOS 8:28

Lelek Yesus losa dano selik fo nai nusa Gadara, boema hataholi nitu sa'ek dua ala mai. Hataholi kaduak sila la nasa mangalau kala de nalosa hataholi esa boen ta napalani la'ok tunga ndia fa.

MATEOS 8:33

Hataholi mana manea bafi la lita boema lalai leo kota leu, de ala tui basa mana da'dik sila la ma ala tui la'eneu hata da'di hataholi nitu sa'ek kaduak sila la.

MATEOS 8:6

Malanga solda'du matua ina ndia nafa'dan nae, “Ama, au ata nga namahe'di nai uma. Ana lu'u de, nangape'uk nahele nai pepe'un lain, ma ana doidoso nanseli.”

MATEOS 9:26

Boema ala benga manda'dik ndia, leo basa nusak lala'ena neu.

MATEOS 9:35

Leondiak Yesus la'ok feo neme kota esa leo kota esa neu, ma neme nggolok esa leo nggolok esa neu. Nanoli nai uma mamaso kala dalek, ma Ana tui-benga Hala Malole la'eneu, tao leo beek fo, Manetualain paleta da'dileo Mane ka. Nakahahaik hataholi mana doidoso hu ka nde he'di mata-mata kala, ma lu'u-la'a kala.

MARKUS 1:28

Boema halak la'eneu Yesu sa, ana sipela no lai-laik leo basa nusa Galilea lala'ena neu.

MARKUS 1:32

Le'donoso de le'do tenak boema, hataholi la lo basa hataholi kamahe'di sala ma hataholi nitu sa'e kala leo Yesus mai.

MARKUS 2:3

Ana bei kola-kola te, hataholi ha ndolo lo hataholi lu'uk esa leo Yesus mai.

MARKUS 2:4

Tehu, hu ka nde hataholi makadotok nanseli de ala ta hapu deka lo fan. Da'di ala kae leo uma lain leu de, ala ofe la bolok esa nai Yesus ndandaan lain, de ala dodoko hataholi lu'uk ndia no ne'ana leo dae neu.

MARKUS 2:9

Bee ka nde ndofo na lena: Tafa'da tae, ‘O sala-singom nanafe do'o do ampon so’, do Tafa'da tae, ‘Fo'a leona, ho'ima o ne'a ma, fo la'ok leona’?

LUKAS 2:2

Ala leke lau nala dede'u makasososa na nde ia, fo ndia te Kirenius da'di gobelnol nai nusa Siria.

LUKAS 4:14

Manetualain Dula Dale na koasa na Yesus nai lelek Ana fali leo Galilea neu. Halak la'eneu Yesus ndia, ana sipela leo basa nusak ndia lala'ena neu.

LUKAS 4:38

Yesus la'oela uma mamasok ndia boema, neu leo Simon uman neu. Simon alina na ao na sumai, de hataholi la lafa'da dede'ak ndia neu Yesus.

LUKAS 5:15

Tehu halak la'eneu Yesus boetai nakapepela leo basa mamanak lala'ena, boema hataholi ba'u ka mai soaneu lamanenen, ma soaneu nakahahai kasa leme he'di-lau nala mai.

LUKAS 5:24

Tehu besak ia neukose Au fe buti neu emi, ae nai daebafak ia poi na, Ana Hataholi ka nanuu koasa soaneu fe do'o do ampon neu sala-singo ka.” Boema Yesus nafa'da hataholi lu'uk ndia nae, “Fo'a leona, ho'i ma o ne'a ma fo fali leona!”

LUKAS 7:17

Halak la'eneu Yesus ia, ana sipela leo basa Yudea lala'ena, ma nusa titia-tatai nala.

YOHANIS 10:21

Tehu nggelok bai soona lae, “Hataholi nitu sa'e ka ta kokolak leondiak fa! Ade nitu hapu tao na hataholi poke ka hapu nita do?”

HATAHOLI 10:38

Emi bubuluk mae, Manetualain hele basa Yesus fo Hataholi Nazaret ndia, boema Ana fen Dula Dale na, ma koasa na. Emi bubuluk basa boe, Yesus ndia, neu leo mamanak lala'ena, fo Ana tao malole; Ana tao nahai basa hataholi fo Nitu koasa nalas, nana Manetualain no kana.

HATAHOLI 15:23

Ala fe hataholi fo ladenuk sila la, lini susulak esa boe. Susulak ndia lii na nae leo ia, “Neu basa tolano-tolanook maneme leoina fe'ek fo ta hataholi Yahudi mana leo nai Antiokia, Siria, ma Kilikia. So'da-molek neme ami, fo Lamatua ka hataholi nadedenu nala, ma Penatua-penatua fo emi tolanoo mala.

HATAHOLI 15:41

Ala la'ok okofeo Siria ma Kilikia de latetea-lahehele hataholi salanik manai naa la.

HATAHOLI 28:9

Hu ka nde manda'dik ndia de basa hataholi kamahe'dis manai pulu ndia, ala mai de Paulus tao na lea-hai la'iesa kasa.

HATAHOLI 8:7

Nana dula dale mangalau kala lakadi-lakadau fo ala kalua leme hataholi nitu sa'e kala dalek mai. Hataholi lu'u kala ma hataholi ei hela kala boeo ba'u ka ala lea-hai.

YOSUA 6:27

Manetualain nok Yosua, de Yosua na'den-na, nananita-nalelak nai basa nusak ndia lala'en-na.