MATEOS 4:19 - Susula Malalaok Hehelu Palak Ma Hehelu Beuk

¹⁹ Boema nafa'das nae, “Mai tunga Au leona, fo Au anoli emi da'di mana dala hataholi.”

MATEOS 4:19 ပူးပေါင်းရင်းမြစ်များ

MATEOS 16:24

Basa boema Yesus nafa'da ana mana tunga nala nae, “Hataholi fo ana nau tunga Au soona, muse nafandele heni basa ndia paluun lala'ena fo ana lu'a ai nggange na, ma ana tunga nahele Au.

MATEOS 19:21

Boema Yesus nafa'dan nae, “Metema o nau matetu-mandaa soona, muu mase'oheni basa o hata-hetom lala'ena, fo fe doi na leo hataholi nuu ta-hata ta ka neu, fo daenga neukose o hapu hata-heto nai nusa so'da ka. Basa ndia soona, mai fo tunga Au!”

MATEOS 4:18

Lelek fo Yesus la'o-la'o neme Dano Galilea su'u na, boema nita mana dolu-dala dua; esa na'de Simon, fo loken lae, Petrus boe, no fa'din Anderias. Duas dala i'ak leme dano dale.

MATEOS 4:20

Tutika duas nggali la'oela dala nala de leu tunga Yesus.

MATEOS 8:22

Tehu Yesus naen nae, “Tunga Au leona, neme na fo hataholi mana mate ka natoi-natono aon hataholi mana mate na.”

MATEOS 9:9

Basa boema Yesus la'oela mamanak ndia. Ana la'o-la'o boema nita tou mana susu bea esa, na'de Mateos, nangatuuk nai uma bea dale. Yesus nafa'dan nae, “Mai tunga Au leona!” Boema Mateos fo'a de, neu tunga Yesus.

MARKUS 2:14

Yesus bei la'o-la'o nai ndia boema, nita manasusu bea esa na'de Lewi fo Alfeus anan ndia, bei nangatuuk nai uma bea dale. Boema Yesus nafa'dan nae, “Tunga Au leona.” Boema Lewi fo'a napadeik de neu tunga Yesus.

LUKAS 5:27

Basa ndia boema Yesus la'o leo deak neu, de nita hataholi manasusu bea esa na'de Lewi, bei nangatuuk nai uma bea dale. Boema Yesus nafa'dan nae, “Tunga Au leona.”

LUKAS 9:59

Basa boema Yesus nafa'da hataholi fe'ek esa seluk nae, “Mai tunga Au leona.” Tehu hataholi ndia nae, “Ama, fe au loak fali akahuluk soaneu au u atoi au amang dei.”

YOHANIS 1:43

Fo'a mai boema, Yesus naketu basa, Ana sanga neu leo Galilea neu. Neu boema, natongo no Felipus, tutika nafa'dan nae, “Mai fo tunga au!”

YOHANIS 12:26

Hataholi see nau nalalau-naoono Au soona, ana muse tunga Au, fo sue ka nde Au nai bee soona, Au malalau-maoono ngala boeo lai ndia. Hataholi see nalalau-naoono Au soona, neukose Au Amang fe ha'da-holomata neun.”

YOHANIS 21:22

Boema Yesus naen nae, “Leo uni ka, Au nau naso'da nahele losa Au fali ma'i nga o, o ito atom ta ndia fa. Tehu o soona, tunga Au leona!”

2 KORINTUS 12:16

Naa, emi makaheik mae, au beita tao susa hai emi fa. Leomae leondiak boe, hapu nggelok lafa'da lae, au ia manaputa-paik. Lae au hapu nanalak neme emi mai, nanahu au tipu-dai nga.