MATEOS 4:10 - Susula Malalaok Hehelu Palak Ma Hehelu Beuk

¹⁰ Boema Yesus nataa nitu nae, “Hei mana dudungu-papau ko nei! O la'o leona. Te nai Susula Malalok dale nanasulak nae, Makaluku-makatele neu Lamatuak fo o Manetualai ma, ma malalau-maoonon!”

MATEOS 4:10 ပူးပေါင်းရင်းမြစ်များ

1 TAWARIKH 21:1

Nitu nahiik tao soe hataholi Israel-la; hu ndia de ana fufu'di-oo'dok Dauk fo ela ana sulak laun nala dede'un nala.

AYUB 1:12

Boema Manetualain nafa'da nitu-a nae, “Basa Ayub su'i-beten lala'en-na, nai o koasam dale, sa'di boso tao mahe'di aopaan-na!” Boema nitu-a la'o neme Manetualain matan-na mai.

AYUB 1:6

Faik esa boema, mahahaek nusa so'dak-kala, leu leo Manetualain leu, de nitu neu boe.

AYUB 2:1

Mahahaek nusa so'dak-kala fali le'us leo Manetualain leu, de Nitu-a, tunga boe.

MAZMUR 109:6

So'u-ma, hataholi mangalauk esa, fo naketu-nala'din, nemen-na fo, musu noon-na, kalaak-kana.

KELUARAN 23:25

Metema, emi sene-do'ok neu Au, Manetualain fo emi Manetualaim-ma soona, neukose Au ba'e-pala emi nenik nana'ak ma nininuk, ma neukose Au tao adook basa he'di-laus lala'en-na neme emi mai.

YESAYA 30:22

Emi dodoki-dudula sosongo-tatangom fo, nananakadiditak nenik lilofulak ma lilopilas-sa, neukose emi tapahenis, sama leo manggenggeok-ka, boema emi mafa'da mae, “La'oela au leona!”

MATEOS 16:23

Boema Yesus lipa leo dea neu de nafa'da Petrus nae, “La'o meme ia mai mana dudungu-papau ko nei. O mapalani mapanggengge Au ou! O dudu'a-aafim ndia dudu'a-aafi hataholi; daebafak te Manetualain dudu'a-aafin ta ndia fa!”

MARKUS 1:13

Faik hahulu dale na, Nitu so'ba Yesus neme ndia. Bana fui kala sama-sama lon nai ndia boe, tehu ata nusa so'da kala lasulu-lahapan.

LUKAS 10:18

Boema Yesus nafa'das nae, “Au ita Nitu a tu'da neme lalai sama leo ndela sa.

LUKAS 11:18

Leondiak boe nai Nitu nusan dale. Metema bubuak esa nahote no bubuak esa soona, nusak ndia neukose nakalulutuk. Emi mafa'da mae, Au usiheni dula dale mangalau ka hu ka nde Baalzebul koasa na.

LUKAS 13:16

Naa, besak ia nai ia, hapu inak esa Abraham tititi-nonosin, fo teuk sanahulu falu dale na Nitu pa'a nan so. Ade inak ia ta bole nanase'i-po'ik neme papa'an ndia nai fai Saba ta fa do?”

LUKAS 22:3

Basa boema Nitu koasa na Yudas fo loken lae Iskariot boe, fo nde hataholi esa neme Yesus ana manatunga kasanahulu dua nala mai.

LUKAS 22:31

“Simon, Simon. Mamanene leona! Nitu fe basa loak soaneu so'ba-su'di emi, sama leo mana tao tina osi a ana tao kofe'ek gandu ma neme lou na mai, nalosa malole kofe'ek neme mangalau ka mai.

LUKAS 4:8

Boema Yesus nataa nae, “Nai Susula Malalaok dale nanasulak nae, ‘Sene-do'ok neu o Lamatuam Manetualain, ma ka'da malalau-maoonon.’ ”

YOHANIS 13:27

Yudas sipo na loti ndia tutika nitu masok leo dalen dale neu. Boema Yesus nafa'dan nae, “O sanga tao beek soona, taon lai-lai leona.”

HATAHOLI 26:18

fo tao ma mata nala lalaak, fo daenga ala kalua leme makahatuk dale leo mangale'do ka dalek, ma latapo'i leme Nitu dudungu-papaun mai, fo ela Manetualain koasa nalas. Fo no namahehelek neu Au ndia, Au fe do'o do ampon neu sala-singo nala, fo ala da'di Manetualain hataholi kamahehele nanahelek.’ ”

HATAHOLI 5:3

Nini doi kala neu boema, Petrus nafa'dan nae, “Ananias, te tao le'e de o po'ilotak Nitu koasa o dale ma, de nalosa o masapepeko neu Manetualain Dula Dale na no denge-dengek. O ho'i ma o mase'o dae a doi na seli fo o paken neu o paluu ma?

1 KORINTUS 5:5

emi muse fe hataholi ndia leo Nitu neu, fo ela hataholi ndia ao paa na nakalulutuk, fo no enok ndia, dula dale na hapu so'dak, nai lelek fo Lamatua ka fali ma'in.

1 KORINTUS 7:5

Da'dileo saotou saoinak, ela leo bee na esa boso doo ka neme esa mai. Bole, soaneu faik de'ubee dale na, sa'di duas lakaheik no'u-no'u so. No enok ndia, esa-esak hapu hule-haladoi no nee-nee-lino-linok. Tehu basa soona, duas muse lakabubua falik, da'dileo saoina saotouk. Metema ta leondiak fa soona, neukose emi bisa tunga dudungu-papau dula dale mangalau ka, nana emi ta makatatakak ma emi dale ma fa.

2 KORINTUS 11:14

Ta dodoo doak sila tataon leondia ka fa, nana nitu boeo ana tao aoina na nalupa leo ata nusa so'da mangale'do ka boe!

2 KORINTUS 12:7

Tehu fo ela au boso koao-ndaeao anseli hu ka nde ninitak matuaina sila la, de au hapu he'dis matak esa nai au ao paa nga. Da'dileo Nitu nadedenu na, he'dis ndia nanahaituak soaneu ana tao na au doidoso fo ela au boso koao-ndaeao.

2 KORINTUS 2:11

Au tao leondiak, fo ela Nitu boso hapu loak soaneu ana koasa ita. Nana ita bubuluk basa nitu dale tutu'u na so.

ULANGAN 10:20

Fe ha'da-holomata neu emi Manetualaim-ma, ma makaluku-makatele neu ka'da Ndia mesak-kana. Ela leo been-na, emi lilineka mahele neun, ma emi soo-supa menik ka'da Ndia na'den-na mesak-kana.

YAKOBIS 4:7

Hu ndia de, makaluku-makatele neu Manetualain, ma laban Nitu a, fo ela Nitu a nalai la'oela emi.

YOSUA 24:14

Yosua kokolak nakandoo nae, “Da'di, besak ia, fe ha'da-holomata neu Manetualain. Mamahele neun no dalek-katematuak ma no lilinekak. Si'u heni basa lamatua daebafak, fo makahulun-na, emi bei-ba'i kaim-mala sene-do'ok-kasa neme Mesopotamia ma Masir. Ka'da mamahele neu Manetualain.

1 PETRUS 5:9

La'ban nitu a ninik namahehele matea-mahelek, nana emi bubuluk, nai basa daebafa ka lala'e na, tolanoo Salani fe'e kala boeo, ala doidoso sama leo emi boe.

SEMUEL SUSULAK-KA ESAN-NA 7:3

Boema, Semuel nafa'da hataholi Israel-lala nae, “Metema, emi sanga fali leo Manetualain meu, fo sene-do'ok-kana no dalek-katematuak soona, emi muse tu'u-tapa heni basa nusa dea-la lamatua daebafan-na, ma lamatua daebafak inak Asytoret-ta dodoki-dudulan. Fe la'iesak emi aoinam-ma neu Manetualain ma ka'da sene-do'ok neun soona, neukose Ana soi-po'i emi neme hataholi Filistin-nala mai.”