MATEOS 3:6 - Susula Malalaok Hehelu Palak Ma Hehelu Beuk

⁶ Ala manaku sala-singo nala, de Yohanis salanis leme Lee Yarde na.

MATEOS 3:6 ပူးပေါင်းရင်းမြစ်များ

EZRA 10:1

Lelek Ezra hule-haladoi boema, ana kii ma ana manaku sala-singon nai Manetualain Uman-na matan-na, boema hataholi Israel makadotok nanseli, ala mai, de lakabubua, nau touk do inak, ma ni'iana boe. Ala okofeo-lan, boema ala dola-dola mesan.

MAZMUR 32:5

Boema, au manaku au sala-singong neu O, ma au ta afuni au salang esa boen. Au ho'i nakeketuk, soaneu au manakun neu O, de O fe do'o do ampon neu basa au sala-singong-ngala.

AMSAL 28:13

See nafuni sala-singon soona, neukose ana ta hapu nanalak fa. See manaku, ma ana tu'u-tapa heni sala-singon soona, neukose Manetualain sue-lain.

YESKIAL 36:25

Basa ndia soona, neukose Au pisi oe neuk neu emi, fo ela emi malalaok neme basa emi sosongo-tatangom lala'en-na mai, ma neme basa hata lala'en fo, manatao nanggenggeo emi.

DANIAL 9:4

Au manaku basa au laoinang-nga sala-singon-nala neu Manetualain fo au Manetualaing-nga. Au afa'da ae, “Manetualain O matua-madema, de ami fe ha'da-holomata neu O. O tao matetu O hehelu-balataam do'e-do'e, ma O matu'du O susue-lalai manaketu basa tam-ma neu sila fo manasue-lai O, ma manatao-no'i hata fo O paletan.

IMAMAT 16:21

Muse ana lalaa liman duas neu bi'ihiik ndia langan lain, no ana manaku la'iesak leoina Israel-la salan-na, sala-singon ma lala'olenan-nala. No enok ndia, basa leoina Israel-la salan-nala, nanalali henik leo bi'ihiik ndia langan lain neu. Boema, muse nadenu hataholi esa, fo ana usi heni bi'ihiik ndia leo moo solokaek-ka neu.

IMAMAT 26:40

Tehu emi tititi-nonosim, neukose manaku sila sala-singon, ma sila bei-ba'i kain fo manalena-la'ban Au, ma lalena langa neu Au paletang-nga, sala-singon-nala,

BILANGAN 5:7

hataholi ndia, muse manaku sala-singon, ma ana bae namadai leo hataholi fo nakatutu'dak-kana ndia, ma ana bae popo-tama seluk palsen duahulu neme baba'e makasososan-na mai.

MATEOS 3:11

Au salani emi ninik oe fo daenga emi tukatei-saledale meme emi sala-singo mala mai; tehu basa au fai nga soona, hataholi esa ana mai fo, Ana salani emi ninik Manetualain Dula Dale na ma ha'i. Hataholi ndia ba'ulena au, de au ta andaa ho'u ta'buei na boen.

MARKUS 1:5

Basa hataholi la leme nusa Yudea ma kota Yerusalem mai fo leu lamanene Yohanis tutui-bebengan. Boema ala manaku sala-singo nala, de Yohanis salanis leme Lee Yarden-na.

LUKAS 1:16

Neukose ana hela-nole hataholi Israel ba'u ka fali leo Manetualain fo sila sene-do'o ka.

LUKAS 3:16

Hu ndia de Yohanis nafa'da basa-basas nae, “Au salani emi ninik oe, tehu mahani te, neukose Hataholi manamaik ndia matua lenaheni au. Bukaheni ta'bu ei na tali na boeo, Au ta andaa fa. Neukose Ana salani emi ninik Manetualain Dula Dale na, ma ha'i.

HATAHOLI 1:5

Nana Yohanis salani ninik oe, tehu bei faik de'ubee bai soona, neukose emi nanasalanik ninik Manetualain Dula Dale na.”

HATAHOLI 11:16

Boema au afandele, Lamatua ka nafa'da hai nae, ‘Yohanis salani ninik oe, tehu neukose emi nanasalanik ninik Manetualain Dula Dale na.’

HATAHOLI 19:18

Hataholi kamahehelek neu Yesus makadotok leu manaku sila tatao-nono'i fai-fai maneu ka, nai lea matan.

HATAHOLI 22:16

Besak ia boso boe mahani mala doo ka bai. Fo'a fo salani o leona. Malo neu Lamatua ka fo Ana se'i-po'i o meme o sala-singo mala mai.’ ”

1 KORINTUS 10:2

Soaneu da'di Musa ana manatunga nala de basa-basas lala'ena nanasalanik nai ko'as dale ma nai tasi ndia dalek.

KOLOSE 2:12

Nanahu nai lelek fo ala salani emi a, emi nananatoik sama-sama mo Kristus; boema no salanik ndia boe de, emi nanatao naso'da falik sama-sama mo Kristus, nanahu emi mamahele Manetualain koasan fo manatao naso'da falik Kristus neme mamate sa mai a.

IBRANI 6:2

do nanoli pokok la'eneu oe salani ka, do la'eneu lalaa lima ka neu hataholi, do la'eneu mate so, te taso'da falik, do la'eneu huhukuk fo mana ketu basa ta ka.

IBRANI 9:10

Nanahu basa ito-atok sila la, nandaa no ka'da nana'a-nininuk, ma tao nalalao ao mata-mata kala mesa kana. Basa sila la ka'da nakanenete ao paak, fo nanapakek ka'da losa fai na Manetualain tao nabebeun.

YAKOBIS 5:16

Hu ndia de, ela leo bee na, esa nafa'da sala na neu esa, ma esa hule-haladoi fe esa, fo ela emi hapu lea-hai. Hataholi fo ana hule-haladoi tunga Manetualain hihii-nanau na, nanuu koasa matua ina.

YOSUA 7:19

Yosua nafa'da Akhan nae, “Anang-ngonei, makaheik, fo mafa'da no mangale'dok nai ia, nai Manetualain fo Israel Manetualain-na matan, o taon beek so. Mafa'dan neu au, fo boso mafunin.”

1 PETRUS 3:21

Naa, mana da'dik ndia, nalupa nakandandaak esa, neme oe salanik fo besak ia, nini so'dak fe emi. Tehu salanik ndia ta nde tao balisi hataholi a ao paa na neme manggenggeo na mai fa, te nalupa emi hehelu-balatam neu Manetualain no dale katema tuak. Salanik ndia nini so'dak fe emi, nanahu Yesus Kristus naso'da falik neme mamate sa mai de,

1 YOHANIS 1:9

Tehu metema ita manaku ita sala-singon neu Manetualain soona, neukose Ana tao natetu hala hehelu na, ma naketu-nala'di tunga matetu na. Neukose Ana fe do'o do ampon neu ita sala-singon, ma Ana safe balisi ita tatao-nono'i masala-masingo nala.