MATEOS 3:12 - Susula Malalaok Hehelu Palak Ma Hehelu Beuk

¹² Ana ho'u ooko a nai liman dale, fo ana da'i-eeko gandu ma losa balisi. Nadai gandum neu kala leo sokan dale neu, tehu gandum nala kala soona, ana hotuhenis nai ha'ipila manamate ta ka dalek.”

MATEOS 3:12 ပူးပေါင်းရင်းမြစ်များ

AYUB 21:18

Ala da'di hai ha'deaik, ma afu, fo ani-sangu fuu nitas so do beik?

MAZMUR 1:4

Nasafalin-na, hataholi mangalauk-ka: sama leo ha'deuk-ka, fo anin-na fuu nenin.

MAZMUR 35:5

Nemen-na fo, Manetualain ata nusa so'dan-na usis, sama leo anin-na, fuu tapasasala ha'deuk-ka.

YESAYA 1:31

Sama leo ha'ikaa anak esa, ana hotuheni ha'deaik-ka, leondiak boe, hataholi mana koasa-la, neukose sila tatao-nono'i mangalaun-nala, nde tao lamopo-lamates-sala, de ta hapu hata esa boen, bisa tao nate'e nakalulutuk ndia fa.

YESAYA 17:13

Ala tutulumatak sama leo faa matuaina mai. Tehu Manetualain fes nasanene'da mahelek, boema ala lalai losa dook-ka. Sila nanausik, sama leo anin-na fuu neni ha'deuk-ka nai pupukuk-ka huun-na, do sangu fuu neni afu-a.

YESAYA 27:4

Au ta amanasa so'on. Metema, hapu na'u do makatema dila-nggauk soona, neukose Au taoisan, ma Au hotuheni la'iesak-kasa.

YESAYA 28:28

Ade lelek hataholi fepa gandum na, ana fepan losa nakalulutuk do? Ta! Hataholi ta fepa nakandondoo henin losa nakalulutuk fa. Ma leomae hataholi fe gelobak-ka ein-na no ndala manahela gelobak-ka, la'ok tunga gandum ndia lain, tehu neukose, hataholi ta loli gandum ndia, losa de'en-na nakalulutuk fa.

YESAYA 30:24

Sapi mane ma keledei fo manafoi-fala emi tinam-ma, neukose la'a nana'a bana neulauk, fo nanasadia hehelik soaneus

YESAYA 41:16

Neukose o da'is, boema anin-na fuu nenis ma sangu-a, tao nalas tonggela. Neukose o mamahoko-setelee, nanahu Au, fo Manetualain, ma nanakoa-nanakiok, nanahu Au, fo Israel Manetualain-na.

YESAYA 5:24

Emi ta sipok Manetualain Fo Manakoasa nanolin-na fa, ma emi makadadaek Israel Manetualain malalao-malalafun-na paletan-na so. Hu ndia de, sama leo ha'deaik-ka ma na'u tuuk-ka putun nai ha'i dale, leondiak boe, emi okam-mala, neukose laboo emi bungam-mala lamatuu, fo anin-na fuu nenis.

YESAYA 66:24

Lelek ala la'o, neukose lita hataholi manalena-la'ban Au-a, popolan-nala. Neukose, ta mate ulek fo mana'a hataholi sila-la, popolan-na fa, ma neukose ta mate ha'i fo, mana'as-sala fa; naniluk esa, neni bibii-namatau matuaina, ba'eneu basa hataholi-la.”

YEREMIA 15:7

Nai basa kota manai nusak ia neukose Au tu'u-tapa heni emi sama leo ha'de aikak. Leomae emi nde been-na Au anang boe neukose Au tao amate-amopo emi ma emi anam-mala nanahu emi ta nau tao mahii emi so'dam-ma eno-dalan fa.

YEREMIA 17:27

Basa sila neukose ala da'di metema emi mamahele neu Au, ma tao fao sabat-ta da'di fai hehelik soaneu Au. Boso lu'a-lepa hata beek ndia boe tunga Yerusalem lelesu inan-nala nai faik ndia dalen-na. Metema emi la'o lena Au paletang sila-la soona, Yerusalem lelesu inan-nala ma uma manen-nala neukose Au hotu heni la'i esak-kasa ma ha'i ndia ta hapu nakamate fa.’ ”

YEREMIA 4:11

Neukose fain-na losa, fo hataholi Yehuda-la, ma laun Yerusalem-mala hapu halak, nae ani mato'bik-ka ana mai neme moo solokaek-ka mai, fo nasale leo ita mai. Anin ndia, ta anin biasa, fo ana fuu neni ka'da ha'deuk-ka mesan-na fa,

YEREMIA 51:2

Neukose Au hele hataholi deak fo neu tao nakalulutuk Babel-la sama leo anin-na fuu neni gandum loon-nala. Nai faik susa-soe ndia neukose ala sapu-la basa mamanak lala'en-na, ma sapu lan balisi.

YEREMIA 7:20

Au, Manetualain Fo Mademaina, neukose Au po'a Au nasa-melu matuainang-nga neu uma makaluku-makatele ia, neu hataholi daebafak-ka ma bana-manu, boeo neu ai-la, ma daebafak-ka buna-boan. Neukose Au nasa-melung, ana pila lo'a-lo'a, sama leo ha'i fo, ta hapu taonisa fan.”

HOSEA 13:3

Hu ndia de, neukose hataholi sila-la sapu-lalo, sama leo ko'dendenuk-ka do dinis-sa nai fafai anan-na. Neukose, sila sama leo anin-na fuu gandum aik-ka afun-na, nai mamana fefepa gandum ma, ma sama leo ha'imasuk fo ana kalua neme pipa dale mai.

AMOS 9:9

Neukose Au fe paleta, ma Au da'i-lelee leoina Israel-la, sama leo hataholi-a da'i-lelee gandum-ma nai ooko dale, fo soaneu tipa heok hataholi sosoa-ndandaa taak-kala nai sila dalek. Neukose Au dopok-kasa nai leoina-la tala'da.

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

MATEOS 13:30

Neme na fo, ala moli lakabubua losa fai ketu-kolu ka soona, de'i fo au afa'da hataholi mana ketu-kolu la, fo ala fe'a lakahuluk fii la, fo ala puputus, basa soona, hotu henis. Basa ndia soona, besa ka lakaduduluk gandu ma la fo tadais leo soka dale neu.’ ”

MATEOS 13:41

Ana Hataholi ka neukose nadenu ata nusa so'da nala, fo laloo lakabubua basa Manetualain hataholi kamahehelen, fo manini sala-singok fe hataholi fe'e kala ma basa hataholi mana tao tatao-nono'i mangalau kala,

MATEOS 13:42

nanatu'uk leo la'o mana pila lo'a-lo'a ka dalek leu; fo nai ndia neukose ala kii-makaleleu ma ala doidoso.

MATEOS 13:43

Ma hataholi mana tao tunga Manetualain hihii-nanau nala, neukose landela-lasa'a, sama leo le'do a nai sila Aman Manetualain Daebafa Beun dale. Ba'eneu see madi'idook soona, mamanene!”

LUKAS 3:16

Hu ndia de Yohanis nafa'da basa-basas nae, “Au salani emi ninik oe, tehu mahani te, neukose Hataholi manamaik ndia matua lenaheni au. Bukaheni ta'bu ei na tali na boeo, Au ta andaa fa. Neukose Ana salani emi ninik Manetualain Dula Dale na, ma ha'i.

LUKAS 3:17

Ana ho'u ooko nai liman dale, soaneu ana da'i-lelee gandu ma losa balisi. Gandu ma neukose nanatao nakabubuak nai soka dale, tehu neukose Ana hotuheni u nala nai ha'i manamate ta ka dalek!”

YOHANIS 15:2

Ndanak manai Au dale ka, metema ta naboa fa soona, Ana tati henin, boema ndana maboa ka, Ana seselu nanggo'de doo na, fo Ana tao balisin, fo ela boetai naboa ka.