MATEOS 28:7 - Susula Malalaok Hehelu Palak Ma Hehelu Beuk

⁷ Besak ia la'o lai-lai leona, fo mafa'da ana mana tunga nala mae, naso'da falik so de besak ia nakahuluk neme emi, leo Galilea neu. ‘Neukose emi mitan nai naa!’ Mafandendelek hata fo au afa'da basan neu emi a.”

MATEOS 28:7 ပူးပေါင်းရင်းမြစ်များ

YESAYA 44:8

Au leoinang-ngo nei, boso bii, do nggenge; ade neme makahulun-na, losa besak ia Au ta afa'da ela, hata fo ana da'di fa do? Au sakasiing-ngala nde emi. Ta hapu manamasulu-mahapa fe'ek fo Au ta alelak-kasa fa.”

YESAYA 45:21

Kalaak o dede'am-ma, ma fe buti, hei, nemen-na fo, lakokolaok sama-sama. See kande, manatui-benga dede'ak ndia ma nafa'dan neme makahulun-na mai? Ade, ta nde Au fo, Manetualain fa do? Ta hapu lamatua daebafak fe'ek fa, ka'da Au mesang-nga Au nde Manetualain, fo ndoos ma matetuk, ma Manasoi-tefa, ta hapu fe'ek fa, ta'da fe'e Au!

MATEOS 24:25

Da'di mafandendelek! Te dede'ak sila la ala beita da'di fa, te Au afa'da akahuluk emi so.

MATEOS 26:32

Tehu Au aso'da falik soona, neukose Au u akahuluk emi leo Galilea u.”

MATEOS 28:10

Yesus nafa'das nae, “Boso bii, meu mafa'da Au tolanoo ngala fo leu leo Galilea leu. Neukose lita Au nai na.”

MATEOS 28:8

No lai-laik inak sila la la'oela late sa. Ala la'o no bii biik tehu no namahokok, duas lalai leu lafa'da dede'ak ndia neu Yesus ana mana tunga nala.

MARKUS 14:28

Tehu Au aso'da falik soona, neukose Au akahuluk emi leo Galilea u.”

MARKUS 16:10

Boema Maria Magdalena neu nafa'da manda'dik ndia neu Yesus tia-lai nala. Ndia te Yesus tia-lai nala bei falu ma ala kii makaleleu.

MARKUS 16:13

Boema ala fali ma'is de lafa'da manda'dik ndia neu nonoo fe'e nala. Tehu ala ta nau lamahele fa.

LUKAS 24:34

fo ana manatungan sila la nde lafa'das lae, “Memak tete'e ka Lamatua ka naso'da falik de, natu'du basa aoina na neu Simon so!”

YOHANIS 14:29

Besak ia, Au afa'da emi dede'ak ndia, beidai basa hata lala'ena beita da'di fa, fo ela metema ana da'di soona, neukose emi mamahele.

YOHANIS 16:4

Tehu besakia, Au afa'da emi dede'ak ndia, fo metema neu fai makabuin, ana da'di soona, emi mafandele mae, Au afa'da basan neu emi so.” “Au ta afa'da dede'ak ia la neu emi neme makasososa na mai fa nana, Au bei sama-sama o emi.

1 KORINTUS 15:4

latoi henin so, tehu basa boema naso'da falik nai fai katelu na. Ndia boeo, nanasulak nai Susula Malalaok dale.

1 KORINTUS 15:6

Basa ndia boema, natu'du aoina na seluk neu hataholi manatungan, lenak neme natun lima la'iesa tutik. Hataholi sila la, ba'u na bei laso'da losa besak ia, ka'da sila de'ubee soona mate sos.