MATEOS 27:53 - Susula Malalaok Hehelu Palak Ma Hehelu Beuk

⁵³ Boema ala kalua leme lates ala dalek mai, nai lelek Yesus naso'da falik neme mamate sa mai, de ala masok leo Yerusalem leu. Nai naa, hataholi makadotok litas.

MATEOS 27:53 ပူးပေါင်းရင်းမြစ်များ

NEHEMIA 11:1

Basa mauli-malangan manaleo lahele lai Yerusalem, ma laun-na tu'ubatu soaneu uma loo sanahulu, soaneu ala hele teidale-bobongik esa neme teidale-bobongik sanahulu mai, fo muse leo nai kota malalao-malalafuk Yerusalem. Bee ta nanahelek fa soona, ana bole leo nai kota fe'ek-kala.

YESAYA 48:2

Leomae leondiak boe, o manaku no dalen-namatuak, mae kota malalao-malalafuk-ka, laun o; ma o masala'da neu Israel Manetualain fo loken lae Manetualain Fo Manakoasa

DANIAL 9:24

Teuk hituhulu la'i hitu ndia nde faik fo Manetualain naketun soaneu Ana soi-po'i o leoinam-ma, ma o kotam fo malalao-malalafuk ndia neme sala-singok ma tatao-nono'i mangalauk-ka mai. Basa sala-singok lala'en-na, neukose hapu do'o do ampon ma napadedeik natetu ndoos ma matetuk fo manaketu basa taak-ka, nalosa ninitak ma hala nafa'da elak ndia, neukose ala da'di, ma Manetualain Uman fo malalao-malalafuk ndia, neukose pake falik-kana soaneu Manetualain.

MATEOS 4:5

Basa ndia boema nitu no Yesus leo Yerusalem, fo kota malalao ka de nangatutuu kana neu Manetualain Uma na punin lain.

NINITAK 11:2

Tehu boso uku uma so'dak manai Manetualain Uman ndia dea ka, nana mamanak ndia fe basan neu hataholi ta manamalelak Lamatua ka fa. Neukose ala heheta-aa'i kota malalaok ndia, dodoo na bulak hahulu dua dale na.

NINITAK 21:2

Boema au ita kota malalaok ndia, fo nde Yerusalem beu ka ana kona neme nusa so'da ka, fo neme Manetualain mai. Kota ndia nanasadia basak sama leo penganten inak esa nanapainotek soaneu natongo no penganten tou ka.

NINITAK 22:19

Ma metema hataholi tao kulang hata esa neme dede'a nafa'da elak ia la soona, Manetualain boeo neukose tao kulang baba'en fo nanasulak nai susulak ia dale ka, fo nde baba'ek neme ai maso'da ka ma neme kota malalaok ndia.