MATEOS 27:52 - Susula Malalaok Hehelu Palak Ma Hehelu Beuk

⁵² Lates ala latahuka, de Manetualain hataholi kamahehele mana mate basa nala laso'da falik.

MATEOS 27:52 ပူးပေါင်းရင်းမြစ်များ

2RAJA-RAJA 13:21

Nai faik esa, fo nai lelek hataholi de'ubee bei latoi mamates-sa te, no kaiboik, lita Moab hataholin manatao nakabua makahatun-nala, ala mai. Tutika, ka'da ala tapa mamates ndia, leo Elisa bolo mamaten dale neu, de lalai. Leondiak, mamates ndia koila'e Elisa duin-nala, tutika naso'da falik, de ana fo'a napadeik.

YESAYA 25:8

Manetualain Fo Manakoasa, neukose tao namate-namopo mamates-sa, losa dodoon-na! Neukose Ana loseheni luuoe-a neme basa mata-panak lala'en-na mai, ma nadook nakamumulu-nakamamaek fo, anan manai daebafak-ka lala'en-na, lu'a-lepak-ka. Manetualain kokolak basa so, de tao leo bee-o, dede'ak ndia ana da'di.

YESAYA 26:19

O anam fo manamate basak-kala, neukose ta laso'da falik fa, neukose popolan-nala fo'a falik seluk. Hataholi fo nananatoi basak nai dae dale-a, neukose ana fo'a falik, fo ana eeki-natadale. Sama leo dinis fo, manatao makasufu daebafak-ka, O tao maso'da O anam fo, mates dook-ka so.

DANIAL 12:2

Hataholi manamate basak sila-la ba'uk-ka, neukose laso'da falik; neukose nggelok hapu so'da manaketu basa taak-ka, ma neukose nggelok bai soona, nananakadadaek ma ala hapu toto'a-sosota matuaina fo manaketu basa taak-ka boe.

HOSEA 13:14

Neukose, Au ta soi-tefa leoina ia, neme hataholi manamatek-kala daebafan-na mai fa. Hai mamates, nggali o he'di-laum mai leona! Makalala'ok o tatao-nono'im fo maneni nakalulutuk ndia leona! Nana, Au ta sue-lai leoina ia so'on.

YOHANIS 11:11

Basa boema nafa'da selu kasa nae, “Ita tia-lain Lasarus ana sungu so, tehu neukose Au u tao aso'da fali kana.”

HATAHOLI 7:60

Boema ana senek ma ana nggasi napane'e nae, “Lamatuak, boso fe hataholi ia la lu'a-lepa sala-singok ia!” Nafa'da basa nae leondia boema maten.

1 KORINTUS 11:30

Hu ndia de, ba'u ka nai emi dalek lamahe'di ma tapandoe, ma mate nggelok boe.

1 KORINTUS 15:20

Tehu nananitak, Kristus nanatao naso'da falik neme mamate sa mai so. Ia nde da'di bua nape'dak esa nae, hataholi manamate basa kala, neukose nanatao naso'da falik.

1 KORINTUS 15:51

Taoafik neu dede'a bibila-babaak ia: Neukose ita basa-basa tala ta mate fa, tehu ita basa-basa tala neukose nanatao nasafalik.

1 TESALONIKA 4:14

Ita tamahele Yesus maten, ma naso'da falik so. Hu ndia de, ita boeo tamahele, neukose Manetualain tao naso'da falik basa hataholi kamahehele mana mate basa kala, fo sue ka nde laso'da sama-sama lo Yesus.

1 TESALONIKA 5:10

Ana mate soaneu ita, fo neu fai mamai na ta bubuluk ita beitaso'da do, ita mate so ita hapu taso'da sama-sama ton.