MATEOS 27:51 - Susula Malalaok Hehelu Palak Ma Hehelu Beuk

⁵¹ Boema temak nanalonak nai Manetualain Uman dale a, ta'ti ba'en neu biak dua neme lain losa dae. Boema daebafa ka nanggengo, ma lete batu la hea ba'es.

MATEOS 27:51 ပူးပေါင်းရင်းမြစ်များ

2TAWARIKH 3:14

Ala tao la tema jendela manaluina neme tema abalutu ma tema fe'ek momo'dok, pilabalanggeok ma pilas soaneu Kama Malalao-Malalafuk Nanseli ndia. Tema jendela manaluina ndia nanabalias nenik mahahaek nusa so'dak ka dulan-na.

MAZMUR 18:15

Ana kou, kou-kou isin-nala de Ana tao tapasasala musu-a; ndelas-sa, nandela tutui-nato, de ana tao-nas nalai.

MAZMUR 18:7

Lelek au nai toto'a-tataak-ka dalek, au aloo bou-bou neu Manetualain, au aloo neu au Manetualaing-nga, fo au oke tutulu-fafalik. Ana namanene au halang-nga, neme Uman dale mai, ma ana tao afik neu au dokodoeng-nga.

KELUARAN 40:21

Boema ana pe'da Peti ndia nai Lalaa Temak dale, de ana lolo'e tema popotin-na neu Peti matan-na, sama leo Manetualain paleta neun.

YESAYA 25:7

Nai pupukuk ndia lain, neukose Ana siluheni ko'a dale he'dik fo, manapotin-na leoina-kala.

IMAMAT 16:2

nae, “Manduku-malosak neu o tolanoom Harun, mae ka'da neu faik fo nananaketuk-ka, besak-ka ana bole masok leo Kama Malalao-malalafuk nanseli-a dalek neu, kama ndia, nanata'da fe'ek nenik tema lelesu, nanahu, nai mamanak ndia nde Au atu'du Au aoinang-nga nai ko'as manai Peti Hehelu-balataak-ka lain. Metema Harun la'olena paleta ndia soona, neukose maten.

IMAMAT 21:23

Hu kande, hataholi ndia lu'u la'ak, de ana ta bole deka no tema lelesu, fo manata'da ba'e Kama Malalao-malalafuk-ka, no mei tunu-hotuk-ka fa. Ana ta bole tao nanggenggeo basa hata-hata fo nanafe hehelik soaneu Au, nanahu Au nde Manetualain-na, de Au nde hele hehelik buas sila-la.”

HABAKUK 3:10

Letek-kala lita O boema, langgengo, u'dan-na neme lalai mai, sama leo nanapo'ak-ka. Tasiina manai daebafak-ka buin-na, oen-na nangguu, de lii-la lapoponu ma nggu-nggu.

HABAKUK 3:13

O nggani leo uluk muu fo soi-po'i O anam-mala ma soaneu soi-tefa-ma, O hele manek-ka. O fepa mabuu hataholi manatao sala-singok-ka mauli-malangan, O ho'i falik la'iesak basa ana manatungan-nala hahaen-na.

BILANGAN 4:5

Manetualain fe Musa, paleta nde ia nae, Metema fain-na losa, fo ofe heni mamana ofu-la soona. Harun no anan-nala muse leu leo Manetualain Lalaa Teman dale leu, fo lakona heni tema lelesu manai Peti Hehelu-balataak-ka uluk, fo poti ketu Peti ndia nenik tema lelesu ndia.

MATEOS 27:54

Malanga solda'du a no solda'du mana manea Yesu sa, ala bii lanseli, nai lelek lita daebafa ka nanggengo ma basa manda'dik sila la. Boema lae, “Tete'e ka Hataholi ia, Manetualain Anan!”

MATEOS 28:2

Boema no kaiboboi anak de dae a nanggengo matua ina. Lamatua ka ata nusa so'dan esa kona neme nusa so'da ka mai, boema ana loli heni late sa batu kekena na, de nangatuuk neu lain.

MARKUS 15:38

Temak fo nanalonak nai Manetualain Uman dale a, tatiba'en neu dua neme lain losa dae.

LUKAS 23:45

Tema maloa fo nanalonak nai Manetualain Uman dale a, tati ba'en neu biak dua.

LUKAS 23:47

Lelek malanga solda'du matuaina nita basa hata fo ana da'di ndia boema, ana koa-kio Manetualain. Boema nafa'da nae, “Tete'e ka, Hataholi ia salan ta!”

IBRANI 6:19

Ita namahenan ndia, sama leo naka fo nana pa'ak dema na seli nai oe dale, ma nalupa hoho'u matea, ma nee-nee-lino-linok, ba'eneu ita so'da na. Namahenak ndia, ana tola seli tema maloa manai Kama Malalao ka, nai Manetualain Uman manai nusa so'da ka.

IBRANI 9:3

Nai dalek, fo nai tema maloa kama kadua dea na, hapu kama esa nai ndia, fo ala foi kama ndia na'de, Kama Malalao-Malalafuk.

NINITAK 11:13

Boema nai lelek ndia, dae manggengo matuaina ana da'di. Kota ndia baba'ek esa neme baba'ek sanahulu nakalulutuk, de mate hataholi lifun hitu hu ka nde dae manggengok ndia. Hataholi fe'e kala bii lanseli, boema ala koa-kio Manetualain manai nusa so'da ka, matua-mademan.

NINITAK 11:19

Boema Manetualain Uman manai nusa so'da ka natahuka, de Peti Hehelu Balataa ka nananitak nai dalek. Boema ndela sa tuti-nato, ma ta'ta sa nata'ta nakadedelek, boema dae manggengo ka ma u'da eis matuaina.