MATEOS 27:42 - Susula Malalaok Hehelu Palak Ma Hehelu Beuk

⁴² “Ana soi-tefa hataholi fe'ek, te se'ko na ta nalak soi-tefa na ao ina na fa! Metema hataholi Israe la mane na nde ndia soona, besak ia boe, Ana kona neme ai nggangek ndia lain mai, fo besa ka ami mamahelen.

MATEOS 27:42 ပူးပေါင်းရင်းမြစ်များ

MATEOS 2:2

Latane basa mamanak lala'e na lae, “Ala bongi ni'i ana fo Ana sanga da'di hataholi Yahudi la manen ndia nai bee? Ami mita nduu ka ana tii nai dulu so. Nduuk ndia ana da'di ta'du-tana esa nae, manek ndia nanabongik so Hu ndia de ami mai sangan, fo ami sanga sene-do'o kana.”

MATEOS 27:37

Ala pasak susula liik la'eneu ala kalaa kana neu langa na ndandaan lain nae: “Ia nde bee na hataholi Yahudi la Mane na”.

MATEOS 27:40

Lafa'da lae, “O nde nau tao matu'u Manetualain Uma na, fo mafofo'a fali kana nai faik telu dale na hetu! Metema Manetualain Anan O soona, kona meme ai nggangek ndia lain mai fo ela O maso'da!”

MATEOS 27:41

Leondiak boe malanga ima mala, mese agama la boema lasi-lasi Yahudi la hakinonoli Yesus lae,

MARKUS 15:31

Leondiak boe, malanga ima mala lo mese agama la hakinonoli Yesus. Esa nafa'da esa nae, “Ana soi-tefa na hataholi fe'e kala, tehu Ana ta hapu soi-tefa na aoina na fa!

MARKUS 15:32

Metema hataholi Israe la mane na nde Ndia, fo Mane Mana soi-tefa ka soona, malolelenak besak ia, Ana kona neme ai nggangek ndia lain mai, fo ela ami mita ma ami mamahelen leona!” Hataholi nanalona-nggangek sama-sama lo Yesus sila la boeo, lakamumulu-lakama maek Yesus.

LUKAS 19:38

Lalo bebou lae, “Nanaba'e-palak ba'eneu Manek fo ana mai no Manetualain na'de na! So'da-molek nai nusa so'da ka, ma kokoa-kikiok neu Manetualain!”

LUKAS 23:35

Hataholi la lapadeik lai ndia fo lanilu. Ndia te lasi-lasi Yahudi la hakinonoli Yesus lae, “Ana soi-tefa na hataholi fe'e kala so. Naa, neme na fo besak ia Ana soi-tefa na aoina, metema Mane Mana Fe So'dak fo Manetualain hele ka, te'e-te'e nde Ndia!”

LUKAS 23:37

boema lae, “Metema hataholi Yahudi la Mane na nde O soona, soi-tefa ma aoina ma leona!”

YOHANIS 1:49

Boema Natanael nafa'da Yesus nae, “Ama Mesen, tete'e ka Ama nde bee na, Manetualain Anan! Ama nde da'di hataholi Israe la, Mane na!”

YOHANIS 12:13

Boema ala ho'i ai palem do de leu solu kana. Ala eki bekao lae, “Koa-kio Manetualain leona! Baba'e-papalak ba'eneu Ndia fo Ana mai no Manetualain na'de na. Baba'e-papalak ba'eneu Mane Israe la!”

YOHANIS 12:47

Hataholi fo lamanene Au nanoli nga, tehu ana ta tao tunga fan soona, Au ta nde huku nana fa. Nana Au ta mai aketu-ala'di daebafak ia fa, tehu Au mai fo Au fe so'dak neu daebafa ka.

YOHANIS 9:24

Boema lalo seluk hataholi fo besa ka nita ndia de lafa'dan lae, “Supa-soo leona mae, o mafa'da tunga ndo na. Te ami bubuluk hataholi mana makahahaik o ndia, hataholi masala-masingok ndia.”

HATAHOLI 4:14

Tehu ala ta bisa kokolak hata-hata fa nana hataholi fo lakahahai kana ndia napadeik nai ndia, fo nai sila matan sama-sama no Petrus ma Yohanis.