MATEOS 27:4 - Susula Malalaok Hehelu Palak Ma Hehelu Beuk

⁴ Neu boema nafa'das nae, “Au asala-asingo so, nana au ke'dindiu hataholi sala tak ndia de nalosak nanahuku nisak!” Tehu lafa'dan lae, “Ami ta mafaduli fa. O dede'am ndia!”

MATEOS 27:4 ပူးပေါင်းရင်းမြစ်များ

1RAJA-RAJA 21:27

Elia kokolak basa boema, Ahab siiheni bua papaken-na de ana pake si'di lafa lapik da'di neu ta'du-tana sale dalek, boema ana okaaon-na. Nai lelek ana sungu, ana pake si'di lafa lapik boeo, ma metema ana la'o-la'o soona, matan-na ka'da masu-masu nakandoo.

2RAJA-RAJA 24:4

nakalenak, hu kande basa kanisak fo, ana taon soaneu hataholi sala taak-kala. Manetualain ta nau fe do'o do ampon neu Manasye fa, hu kande tatao-nono'in sila-la.

AYUB 13:4

Nana, emi mafuni emi nggoam-ma, ma emi tipu-daim-ma, emi sama leo, hataholi malelak pepekok-kala.

MAZMUR 94:21

Ala lalahalak, fo la'ban hataholi manatao tunga ndoon-na, ma ala hukulisa hataholi fo sala tak-ka.

KELUARAN 12:31

Le'odaek ndia boe, manek-ka naloo Musa ma Harun, de nafa'das nae, “Emi basa-basam-mala, la'o meme ia mai! La'oela au nusang-nga! Meu leona, fo sene-do'ok neu emi Manetualaim-ma, sama leo emi nonokem-ma.

KELUARAN 9:27

Boema, manek-ka naloo Musa no Harun, de nfa'da nae, “Au asala-asingo so. Manetualain nde ndoos-sa, te au ma au laung-ngala, tao salak so.

AMSAL 12:8

Hataholi-a nanakoa-nanakiok, nandaa no manatee-tenon-na; hataholi nananakadadaek-ka, nandaa no nggoa-panganan-na.

YEREMIA 26:15

Tehu mafandendelek te, metema emi tao misa au soona,, emi ma kota ia laun-nala neukose lu'a-lepa sala singok neme hataholi sala taak ndia nakanisan-na mai. Nana, Manetualain nde nadenu au soaneu fe nasanene'dak ndia neu emi.”

YUNUS 1:14

Hu ndia de, laloo neu Manetualain lae, “Ou Manetualain, ami dokodoe, fo ami boso mopo-mate, nanahu ami taomisa hataholi fo, ta nasala ami fa. Ou Manetualain, O tao basa hata fo O mahiik-kana so.”

MATEOS 27:19

Nai lelek fo Pilatus bei nangatuuk nai kandela paletan lain te, saoina na nadenu hataholi neu nafa'dan nae, “Boso mu sese'dok nai hataholi sala tak ndia dede'a na dalek, nana hu ka nde Hataholi ndia de, le'odae ka au alame'i me'is esa, nini bibii-namata'u matua ina.”

MATEOS 27:54

Malanga solda'du a no solda'du mana manea Yesu sa, ala bii lanseli, nai lelek lita daebafa ka nanggengo ma basa manda'dik sila la. Boema lae, “Tete'e ka Hataholi ia, Manetualain Anan!”

LUKAS 23:22

Boema soaneu kala'i telu na Pilatus nalos nae, “Tehu Ana tao sala beek? Au ta hapu salan esa boen fo nandaa hukun ninik huhuku mamates fa! De neukose ka'da au filu kana fo au po'in.”

LUKAS 23:41

Ka'da ita dua huhuku na, memak nandaa no ita tatao-nono'in. Tehu Hataholi ia salan ta makandondook!”

LUKAS 23:47

Lelek malanga solda'du matuaina nita basa hata fo ana da'di ndia boema, ana koa-kio Manetualain. Boema nafa'da nae, “Tete'e ka, Hataholi ia salan ta!”

YOHANIS 19:7

Tehu hataholi Yahudi la lae, “Tunga ami hoholo-lalanem soona, muse hukunisa hataholi ndia, nana nafa'da aon nae, Manetualain Anan ndia.”

HATAHOLI 13:28

Leomae ala ta hapu salan faanak boen, fo nandaa hukunisa fan, tehu loke Pilatus fo ala taolisan.

ROMA 3:19

Besak ia ita bubuluk basa, hoholo-lalanek fo nanasula basak nai agama Yahudi a hoholo-lalanen dale ndia, soaneu hataholi fo laso'da lai hoholo-lalanek ndia paleta na dae. No enok ndia, ta hapu hataholi esa boen, hapu fe ne'ek hata-hata so'on, ma Manetualain kalaak basa daebafa ka lala'ena.

1 TIMOTIUS 4:2

fo hataholi mana dea-dale masapepekok sila la nde tui-benga nana. Hataholi sila la, dale nala makahatuk so.

TITUS 1:16

Lafa'da lae, sila lalelak Manetualain, te se'kona nai tatao-nono'i nala, dalek soona, lalelesi Manetualain. Sila hataholi nanamaluak, ma ta mana tunga paleta fa; Hataholi sila la nde bee na hataholi fo, ala ta hapu tao tatao-nono'i malole esa boen.

IBRANI 7:26

Da'di Yesus ndia nde Imam Matua Ina fo ita paluu ka. Yesus malalao-malalafuk. Ta hapu salak do sala-singok faa anak boen nai Yesus fa. Yesus fe'ek neme hataholi masala-masingo kala mai, ma nanaso'uk losa mamanak fo dema lenaheni lalai lala'ena.

1 PETRUS 1:19

tehu nanabaek ninik hata esa beli na seli, fo nde Kristu saoina na, fo Ana da'dileo bi'ilopo masalak ma hina-dila tak, fo nanatunu-hotuk soaneu Manetualain.

1 YOHANIS 3:12

Ita boso sama leo Kaen fo ana da'di Nitu a anan de, ana taonisa tolano na. Hu beek de Kaen taonisa tolano na? Hu ka nde ana tao ka'da tatao-nono'i masala kala, tehu tolano na soona, ana tao ka'da tatao-nono'i ndo sa.

NINITAK 11:10

Laun manai daebafa ka, neukose lamahoko sakasii kaduak sila la mamate na. Neukose ala tao feta, ma esa haitua fe esa palsen, nana nabi kaduak sila la lini doidoso ba'u fe hataholi daebafa ka so.

SEMUEL SUSULAK-KA ESAN-NA 15:24

Saul namanene dede'ak ndia boema, ana manaku neu Semuel nae, “Memak au asala-asingo so. Au la'olena Manetualain paletan-na, ma au ta taoafik neu Ama natutu'dun-na fa. Au bii au solda'dung-ngala, boema au tao atetu nonoken-nala.

SEMUEL SUSULAK-KA ESAN-NA 15:30

Saul nataa nae, “Au asala-asingo basa so. Tehu Ama sue-na, fali sama-sama moo au, fo ela au hapu sene-do'ok neu Manetualain fo Ama Manetualain-na. No enok ndia, Ama fe ha'da-holomata neu au, nai basa au mauli-malangan leoina-la matan, ma nai nusak Israel-la lala'en-na.”

SEMUEL SUSULAK-KA ESAN-NA 19:5

Ana pasak so'dan-na, nai lelek ana taonisa Goliat, ma Manetualain fe basa Israel sesengi matuaina tunga Dauk so. Ama mita matam manada'dik ndia so, de nai lelek ndia, ama mamahoko. Da'di, tao le'e de besak ia, ama sanga tao doi-doso hataholi sala taak-ka, ma ta no ne'ek hata esa boen, ama nau taomisa Dauk?”