MATEOS 27:24 - Susula Malalaok Hehelu Palak Ma Hehelu Beuk

²⁴ Mate'e na Pilatus name'da nana, ana ta hapu enok so'on, ma fafa'ka ma hataholi makadotok sila la ala tao tasibu. Da'di noke oe de nafui neu hataholi makadotok sila la matan ma nae, “Au ta lu'a-lepa Hataholi ia mamate na fa! Emi ito-atom ndia!”

MATEOS 27:24 ပူးပေါင်းရင်းမြစ်များ

MAZMUR 26:6

Au safe au liman-nga, fo da'di ta'du-tana nae, au salang ta, ma au la'ok okofefeok O mei tunu-hotum, ou Manetualain,

YEREMIA 2:27

Neukose emi nananakamamaek, nana emi maloo ai bibiak esa soona, emi mae ama, ma emi maloo batu esa soona, emi mae ina. Emi ta mai leo Au mai fa, te emi la'oela Au. Tehu, metema toto'a-tataak-ka ana mai soona, Au nde emi malook-ka, fo mai soi-tefa emi.

YEREMIA 2:35

emi mafa'da mae emi salam ta, ma emi mae Au ta amanasa seluk emi so'on. Tehu Au fo Manetualain, neukose huku emi, nanahu emi ta nau manaku, mae emi masala fa.

MATEOS 26:5

Boema lae, “Tehu, ata boso taon la'e fai feta, te neukose tasibu a da'di nai lau nala dalk.”

MATEOS 27:19

Nai lelek fo Pilatus bei nangatuuk nai kandela paletan lain te, saoina na nadenu hataholi neu nafa'dan nae, “Boso mu sese'dok nai hataholi sala tak ndia dede'a na dalek, nana hu ka nde Hataholi ndia de, le'odae ka au alame'i me'is esa, nini bibii-namata'u matua ina.”

MATEOS 27:23

Lae leondia boema Pilatus natanes nae, “Tehu Ana tao tatao-nono'i managalauk beek?” Boema ala eki lapane'e seluk lae, “Lona-nggangen!”

MATEOS 27:4

Neu boema nafa'das nae, “Au asala-asingo so, nana au ke'dindiu hataholi sala tak ndia de nalosak nanahuku nisak!” Tehu lafa'dan lae, “Ami ta mafaduli fa. O dede'am ndia!”

MATEOS 27:54

Malanga solda'du a no solda'du mana manea Yesu sa, ala bii lanseli, nai lelek lita daebafa ka nanggengo ma basa manda'dik sila la. Boema lae, “Tete'e ka Hataholi ia, Manetualain Anan!”

MATEOS 27:9

No enok ndia, hata fo nabi Yeremia nafa'da ka ana da'di, fo nae leo ia, “Ala sipo doi isi lilofulak teluhulu, fo nde leoina Israe la sipo kana da'di neu baba'ek esa soaneu Hataholi ndia.

YOHANIS 13:9

Boema Simon Petrus nae, “Makanaema leondiak soona, Lamatua ka boso safe ka'da au ei nga mesa kana, tehu au lima nga no au langa nga boe!”

YOHANIS 19:4

Basa ndia boema, Pilatus fali seluk leo deak neu, de nafa'da hataholi makadotok sila la nae, “Mete dei! Te au on leo deak mai, fo au fen leo emi ne'i, fo ela emi bubuluk te au ta hapu hataholi ia salan esa boen.”

HATAHOLI 3:14

Yesus ndia malalaok ma malole, tehu emi la'ba nana, de emi makaseti Pilatus fo ana po'i fe emi, hataholi kanisak esa.

2 KORINTUS 5:21

Kristus sala-singon ta, tehu Manetualain fen Ana lu'a-lepa ita sala-singo nala, fo ela ita malole falik to Manetualain, nana ita da'di esa to Kristus.

1 PETRUS 3:18

Nanahu Kristus mate ka'da la'i esa mesa kana, losa dodoo na. Hu ka nde hataholi daebafa ka sala-singon de hataholi sala tak esa, Ana mate soaneu hataholi masala-masingo ka. Kristus tao-no'i basa sila la, fo ela Ana hapu hela-nole emi leo Manetualain mai. Ala tao lisan tunga ao paa ka, tehu nanatao naso'da falik tunga samane ka.